![ABP Premium](https://cdn.abplive.com/imagebank/Premium-ad-Icon.png)
Rashmika Mandanna : ప్రేమించడానికి టైమ్ లేదు - మా దారులు వేర్వేరు, విజయ్ దేవరకొండ గురించి రష్మిక
ప్రేమించడానికి తన దగ్గర టైమ్ లేదని రష్మికా మందన్నా చెబుతున్నారు. ఇంకా విజయ్ దేవరకొండతో బంధం గురించి కూడా బాలీవుడ్ మీడియాతో మాట్లాడారు.
![Rashmika Mandanna : ప్రేమించడానికి టైమ్ లేదు - మా దారులు వేర్వేరు, విజయ్ దేవరకొండ గురించి రష్మిక Rashmika Mandanna Opens Up About Love Relationship Status With Vijay Devarakonda In GoodBye Movie Promotions Rashmika Mandanna : ప్రేమించడానికి టైమ్ లేదు - మా దారులు వేర్వేరు, విజయ్ దేవరకొండ గురించి రష్మిక](https://feeds.abplive.com/onecms/images/uploaded-images/2022/10/08/6ea912c430cdd3c669fc67bd7c6c2e8a1665202349198313_original.jpg?impolicy=abp_cdn&imwidth=1200&height=675)
ప్రేమ... లవ్... కాదల్... ఇష్క్... ఏ భాషలో చెప్పినా అనుభూతి ఒక్కటే! ప్రేమలో పడని మనుషులు ఉండరని చెబితే అతిశయోక్తి కాదు. అందుకు సినిమా తారలు ఏమీ అతీతం కాదు. మరి, రష్మికా మందన్నా (Rashmika Mandanna) ప్రేమలో ఉన్నారా? లేదా? ప్రేమ గురించి ఆమె అభిప్రాయం ఏమిటి? ఈ ప్రశ్నలకు ఆమె సమాధానం ఇచ్చారు.
టైమ్ లేదు...
ప్రేమ ఎక్కడ?
రష్మికను అభిమానులు, ప్రేక్షకులు ముద్దుగా 'నేషనల్ క్రష్' అంటున్నారు. మరి, ఆమెకు ఎవరిపై క్రష్ ఉంది? ఆమె జీవితంలో ప్రేమకు చోటు ఉందా? హిందీ సినిమా 'గుడ్ బై' ప్రమోషన్స్లో రష్మికకు ఎదురైన ప్రశ్న. అప్పుడు ఆమె ఏం సమాధానం చెప్పారో తెలుసా?
Rashmika Mandanna On Relationship : ''నువ్వు మాకు అందుబాటులో ఉండటం లేదు' అని కుటుంబ సభ్యులు, స్నేహితులు ఆల్రెడీ నాతో ఎప్పుడూ చెబుతూ ఉంటారు. రిలేషన్షిప్లో ఉన్నప్పుడు మనం చాలా టైమ్ ఇవ్వాలి. చాలా ఓర్పుతో ఉండాలి. బంధం నిలబెట్టుకోవడానికి ప్రయత్నించాలి. ప్రస్తుతం సినిమాలతో నేను చాలా బిజీగా ఉన్నాను. నా కోసం అస్సలు టైమ్ ఉండటం లేదు. రాబోయే రోజుల్లో ఏదైనా ఉంటే చెబుతా'' అని రష్మిక పేర్కొన్నారు.
విజయ్ దేవరకొండ... రష్మిక...
ఒకేసారి హిందీకి వెళ్ళారా?
'గీత గోవిందం', 'డియర్ కామ్రేడ్' సినిమాల్లో విజయ్ దేవరకొండ, రష్మిక జంటగా నటించారు. వాళ్ళిద్దరి మధ్య మంచి స్నేహం ఉంది. కొంత మంది ప్రేమ అని కూడా అంటుంటారు అనుకోండి! అది పక్కన పెడితే... వాళ్ళిద్దరూ ఈ ఏడాది హిందీ చలన చిత్ర పరిశ్రమకు పరిచయం అయ్యారు. పూరి జగన్నాథ్ దర్శకత్వంలో నటించిన 'లైగర్'తో విజయ్ దేవరకొండ హిందీకి ఇంట్రొడ్యూస్ర్ అయితే... అమితాబ్ బచ్చన్తో కలిసి నటించిన 'గుడ్ బై'తో రష్మిక బాలీవుడ్ వెళ్లారు. ఇద్దరూ ఒకేసారి హిందీ సినిమాలు చేయడం వెనుక కారణం ఏమైనా ఉందా? అని రష్మికను అడిగితే...
''మేమిద్దరం (విజయ్ దేవరకొండ, రష్మిక) మా కెరీర్ స్టార్ట్ చేసిన కొత్తల్లో భారీ హిట్ సినిమాలు చేశాం. ఇప్పుడు విజయ్ దేవరకొండ పాన్ ఇండియా సినిమా చేశారు. నేను స్ట్రెయిట్ హిందీ సినిమా చేశా. హిందీలో నాకు ఇది తొలి సినిమా. మా ఇద్దరి కెరీర్స్ చాలా డిఫరెంట్. 'గుడ్ బై' సినిమా రెండేళ్ల క్రితం విడుదల కావాలి. కరోనా వల్ల ఆలస్యం అయ్యింది. 'లైగర్' విడుదల కూడా కరోనా కారణంగా కొన్ని రోజులు ఆలస్యంగా వచ్చింది. ఇది యాదృశ్చికం తప్ప... అనుకుని చేసినది కాదు. మేం ఒకరి కోసం మరొకరం మాట్లాడుకోవడం ఉండదు. ఇండస్ట్రీకి సంబంధించిన విషయాలు ఏవైనా అడగాలంటే... అతడిని అడుగుతాను. కానీ, మా దారులు వేర్వేరు'' అని రష్మిక వివరించారు.
Also Read : 'గుడ్ బై' రివ్యూ : రష్మిక ఫస్ట్ హిందీ సినిమా ఎలా ఉందంటే?
రూమర్స్ గురించి డిస్కషన్ వస్తుందా?
విజయ్ దేవరకొండ, రష్మిక రిలేషన్షిప్ గురించి డిస్కషన్ జరుగుతోంది. సోషల్ మీడియాలో చాలా మంది కామెంట్లు చేస్తున్నారు. అటువంటి వీడియోస్ కొన్ని తాను చూశానని రష్మిక తెలిపారు. అవి క్యూట్గా ఉన్నాయని, అయితే వాటి గురించి ఎప్పుడూ విజయ్ దేవరకొండతో డిస్కస్ చేయలేదన్నారు. తమది పదిహేను మంది సభ్యులతో కూడిన గ్యాంగ్ అని, అందరం కలిసినప్పుడు బోర్డు గేమ్స్ వంటివి ఆడతామని రష్మిక పేర్కొన్నారు.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)