![ABP Premium](https://cdn.abplive.com/imagebank/Premium-ad-Icon.png)
రామ్ చరణ్, కాజల్తో ‘మెరుపు’ సినిమా - మధ్యలోనే ఎందుకు ఆగిపోయిందో తెలుసా?
మెగా పవర్ స్టార్ రామ్ చరణ్ ఎన్నో సూపర్ హిట్ సినిమాల్లో నటించారు. ఆయన సినిమాల్లో షూటింగ్ ప్రాంభించి, తర్వాత ఆగిపోయిన చిత్రాలు కూడా ఉన్నాయి. అందులో ‘మెరుపు’ ఒకటి. ఆ మూవీ ఎందుకు ఆగిపోయిందంటే..
![రామ్ చరణ్, కాజల్తో ‘మెరుపు’ సినిమా - మధ్యలోనే ఎందుకు ఆగిపోయిందో తెలుసా? Ram Charan Opens Up About His Dream Project Merupu Being Shelved రామ్ చరణ్, కాజల్తో ‘మెరుపు’ సినిమా - మధ్యలోనే ఎందుకు ఆగిపోయిందో తెలుసా?](https://feeds.abplive.com/onecms/images/uploaded-images/2023/03/26/9c9d975b98c84800fa0eb2b9cdfc16f31679827633681592_original.jpg?impolicy=abp_cdn&imwidth=1200&height=675)
సినిమా రంగంలో కొన్ని సినిమాలు భారీ అంచనాల మధ్య మొదలవుతాయి. వాటి గురించి పబ్లిసిటీ కూడా చేస్తారు. కానీ ఎందుకో ఆ తర్వాత ఆ సినిమాలు ఉన్నట్టుండి ఆగిపోతాయి. తర్వాత వాటి పేరు కూడా ఎక్కడా వినిపించదు. అవి ఆగిపోవడానికి కూడా కారణాలు ఏంటో ప్రేక్షకులకు తెలీదు. ఇది కేవలం చిన్న సినిమాల విషయంలోనే కాదు. భారీ బడ్జెట్, స్టార్ హీరోల సినిమాల విషయంలోనూ జరుగుతూ ఉంటుంది. టాలీవుడ్ లో స్టార్ హీరోగా గుర్తింపు తెచ్చుకున్నారు మెగా పవర్ స్టార్ రామ్ చరణ్. మొదటి సినిమాతోనే సిల్వర్ స్క్రీన్ పై మాస్ ఎంట్రీ ఇచ్చి అందరినీ ఆకట్టుకున్నారు. అయితే ఆయన ఎన్నో సూపర్ హిట్ సినిమాల్లో నటించారు. రామ్ చరణ్ విషయంలో కూడా కొన్ని సినిమాలు షూటింగ్ ప్రారంభించి ఆగిపోయినవి ఉన్నాయట. అలాంటి సినిమాల్లో ‘మెరుపు’ ఒకటి. ఇది చాలా సంవత్సరాల క్రితం జరిగిన విషయమే అయినా.. చరణ్ పుట్టిన రోజు నేపథ్యంలో సోషల్ మీడియాలో దీనిపై చర్చ నడుస్తోంది.
టాలీవుడ్ లో సినిమా బ్యాగ్రౌండ్ ఉన్న ఫ్యామిలీ నుంచి వచ్చి స్టార్ హీరోలుగా నిలదొక్కుకున్నవారు కొద్ది మందే ఉన్నారు. అలాంటి వారిలో రామ్ చరణ్ ఒకరు. మెగాస్టార్ చిరంజీవి కొడుకుగానే ఇండస్ట్రీకి వచ్చినా అనతి కాలంలోనే నటుడుగా మంచి గుర్తింపు తెచ్చుకున్నారు. ‘చిరుత’ సినిమాతో హీరోగా ఎంట్రీ ఇచ్చి తరువాత ‘మగధీర’ సినిమాతో దేశవ్యాప్తంగా గుర్తింపు తెచ్చుకున్నారు. ఈ సినిమా తరువాత చరణ్ ‘ఆరెంజ్’ సినిమాలో నటించారు. ఈ మూవీ భారీ అంచనాల మధ్య విడుదలైనా.. అనుకున్నంతగా ఆకట్టుకోలేకపోయింది. ఆర్థికంగా కూడా ఈ సినిమా నిర్మాతలను ముంచేసింది. ఓ సరికొత్త లవ్ స్టోరీతో రూపొందించిన ఈ మూవీ ఎందుకో ప్రేక్షకులను థియేటర్లకు రప్పించలేకపోయింది.
ఈ మూవీ తర్వాత రామ్ చరణ్ ‘మెరుపు’ అనే సినిమాను ఓకే చేశారు. హీరోయిన్గా కాజల్ అగర్వాల్ ను ఎంపిక చేశారు. కొన్ని రోజులు షూటింగ్ చేసిన తర్వాత ఆర్థిక ఇబ్బందులు కారణంగా సినిమాను నిలిపివేశారట దర్శకనిర్మాతలు. దానికి తోడు ‘ఆరెంజ్’ సినిమా ప్రభావం ఈ మూవీ పైన కూడా ఉంటుందేమోనని దర్శక నిర్మాతలు వెనక్కి తగ్గినట్టు సమాచారం. స్పోర్ట్ బ్యాక్ డ్రాప్ లో ఈ మూవీ స్టోరీ ఉంటుందట. ఫైనాన్షియల్ కారణాల వలన ‘మెరుపు’ సినిమాను నిలిపివేశారట. తర్వాత అంతా ఈ సినిమా గురించి మర్చిపోయారు.
రామ్ చరణ్ కు స్పోర్ట్స్ బ్యాక్ డ్రాప్ లో సినిమాలు చేయడం ఎంతో ఇష్టమట. అలాంటి మంచి కథ కోసం ఎదురుచూస్తున్నారట ఆయన. అందుకే ‘జెర్సీ’ లాంటి ఎమోషనల్ స్పోర్ట్స్ డ్రామా సినిమాను తీసి హిట్ కొట్టిన గౌతమ్ తిన్ననూరితో స్పోర్ట్ నేపథ్యంలో ఓ సినిమాకు ఓకే చేశారట రామ్ చరణ్. ఇక ‘ఆర్ఆర్ఆర్’ సినిమాతో రామ్ చరణ్ స్థాయి ప్రపంచ వ్యాప్తంగా పెరిగిపోయింది. ఆయన ప్రస్తుతం దర్శకుడు శంకర్ తో ‘ఆర్ సి 15’ సినిమాలో నటిస్తున్నారు. ఈ మూవీ షూటింగ్ అయిపోయిన తర్వాత గౌతమ్ తిన్ననూరి సినిమాను స్టార్ట్ చేస్తారని టాక్.
Read Also: బేబీ జాక్వెలిన్, నిన్నుచాలా మిస్ అవుతున్నా! జైలు నుంచి సుకేష్ మరో ప్రేమలేఖ!
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)