Rakul Preet Singh: ‘రామాయణం‘లో రకుల్ - క్యారెక్టర్ ఏంటో తెలిస్తే షాక్ అవ్వాల్సిందే!

నితీష్ తివారీ ప్రతిష్టాత్మకంగా తెరకెక్కిస్తున్న ‘రామాయణం’లో రకుల్ ప్రీత్ సింగ్ కీలక పాత్ర పోషించనున్నట్లు తెలుస్తోంది. ఇందుకోసం ఆమెతో చర్చలు కొనసాగుతున్నాయట.

రకుల్ ప్రీత్ సింగ్(Photo Credit: Rakul Singh/Instagram)

Rakul Preet Singh In Ramayana: దర్శకుడు నితీష్ తివారీ ప్రతిష్టాత్మకంగా తెరకెక్కించబోతున్న చిత్రం ‘రామాయణం’. బాలీవుడ్ స్టార్ హీరో రణబీర్ కపూర్, సౌత్ బ్యూటీ సాయి పల్లవి సీతారాముడిగా నటించబోతున్నఈ చిత్రం త్వరలో సెట్స్ మీదకు వెళ్లనుంది. వచ్చే ఏడాది(2025) దీపావళికి ఈ సినిమాను ప్రేక్షకుల ముందుకు తీసుకురావడమే లక్ష్యంగా మేకర్స్ శరవేగంగా నిర్మాణ పనులు కొనసాగిస్తున్నారు. ఈ సినిమాలో రావణ్‌గా కన్నడ స్టార్ హీరో యష్, హనుమంతుడిగా సన్నీ డియోల్‌ కనిపించబోతున్నారు. కైకేయి పాత్రలో లారా దత్తా, విభీషణ పాత్రలో విజయ్ సేతుపతి నటించబోతున్నారు.

‘రామాయణం’లో రకుల్ ప్రీత్ సింగ్

తాజాగా ‘రామయణం’ సినిమాకు సంబంధించి మరో న్యూస్ వైరల్ అవుతోంది. ఈ చిత్రంలో అత్యంత కీలకమైన శూర్పణఖ పాత్రకు స్టార్ హీరోయిన్ ను ఓకే చేసినట్లు తెలుస్తోంది. రావణుడి చెల్లి శూర్పణఖ పాత్రకు హీరోయిన్ రకుల్ ప్రీత్ సింగ్ సెట్ అవుతుందని నితీష్ తివారీ భావిస్తున్నారట. ఇప్పటికే చిత్రం బృందం రకుల్ తో చర్చలు జరుపుతున్నట్లు తెలుస్తోంది. “రామాయణంలో శూర్పణఖ పాత్ర కోసం రకుల్, నితీష్ తివారీ కొంతకాలంగా చర్చలు జరుపుతున్నారు. ఈ పాత్రలో నటించేందుకు రకుల్ సానుకూలంగా స్పందించినట్లు తెలుస్తోంది. రామాయణంలో రావణుడితో పాటు శూర్పణఖ పాత్ర ఎంతో ముఖ్యమైనది” అని బాలీవుడ్ రిపోర్ట్స్ వెల్లడిస్తున్నాయి.  

పెళ్లి తర్వాత రకుల్ నటించే తొలి చిత్రం ఇదే!

‘రామాయణం’ చిత్రంలో శూర్పణఖ పాత్ర కోసం ఇప్పటికే రకుల్ ప్రీత్ సింగ్ లుక్ టెస్ట్ లో పాల్గొన్నట్లు తెలుస్తోంది. అనుకున్న క్యారెక్టర్ కు రకుల్ చక్కగా సెట్ అయ్యిందని దర్శకుడు నితీష్ భావిస్తున్నారట. అన్నీ అనుకున్నట్లు  జరిగితే, జాకీ భగ్నానితో తన పెళ్లి తర్వాత రకుల్ నటించబోయే తొలి చిత్రం ‘రామాయణం’ అవుతుంది. “రకుల్ ‘రామాయణం’ ఇతిహాస ప్రపంచంలోకి అడుగు పెట్టడానికి ఎంతో ఉత్సాహంగా ఉంది. త్వరలో అగ్రమెంట్ చేసుకోబోతోంది. ‘రామాయణం’ లాంటి సినిమాలో నటించే అవకాశం జీవితంలో ఒకేసారి వస్తుంది అని రకుల్ భావిస్తోంది” అని బాలీవుడ్ నివేదికలు చెప్తున్నాయి.    

మార్చి నుంచి ‘రామాయణం’ షూటింగ్

‘రామాయణం’ షూటింగ్ మార్చి నుంచి ప్రారంభం కానుంది. మేలో సన్నీ డియోల్ పార్ట్ ను పూర్తి చేయాలని భావిస్తున్నారు. అటు జులైలో యష్ ‘రామాయణం’ సెట్స్ లో అడుగు పెట్టే అవకాశం ఉంది. యష్ పార్ట్ వరకు ఈ సినిమా తొలి భాగంగా రూపొందనున్నట్లు తెలుస్తోంది. 2025 దీపావళి కానుకగా ‘రామాయణం’ తొలి భాగాన్ని ప్రేక్షకుల ముందుకు తీసుకొచ్చేలా దర్శకుడు ప్రయత్నం చేస్తున్నారు.

‘రామాయణం’ నుంచి సాయి పల్లవి తప్పుకుందా?

అటు ‘రామాయణం’ సినిమా నుంచి సాయిప‌ల్ల‌వి బయటకు వచ్చినట్లు వార్తలు వచ్చాయి. సాయి ప‌ల్ల‌వి ప్లేస్ లో ప్ర‌ముఖ బాలీవుడ్ న‌టి జాన్వీ కపూర్ నటిస్తున్నారనే టాక్ వినిపించింది. వాస్తవానికి ఈ సినిమాలో రాముడిగా ర‌ణ్ బీర్ న‌టిస్తుండ‌గా, ఆలియాను సీతగా తీసుకోవాలని దర్శకుడు నితీష్ భావించారట. కానీ, ఆలియా భ‌ట్ వేరే ప్రాజెక్ట్స్ లో బిజీగా ఉండ‌టం వ‌ల్ల‌ డెట్స్ అడ్జ‌స్ట్ కాలేదట. ఈ నేపథ్యంలో సాయిప‌ల్ల‌విని సీతగా అనుకున్నార‌ట‌. ఇప్పుడు ఆమె ప్లేస్ లో జాన్వీ కపూర్ ని రీప్లేస్ చేస్తున్న‌ట్లు తెలుస్తోంది. అయితే, దీనిపై ఎలాంటి అధికారిక ప్ర‌క‌ట‌న రాలేదు.