Rajamouli Appreciates Shashank: 'లూజర్ 2' చూసిన రాజమౌళి... ఆయన ఫెవరెట్ సీన్ ఏంటంటే?
జీ 5 ఓటీటీలో విడుదలైన 'లూజర్' వెబ్ సిరీస్ సీజన్ 2ను దర్శక ధీరుడు రాజమౌళి ఇటీవల చూశారు. ఆయన ఫెవరెట్ సీన్ ఏంటంటే...
దర్శక ధీరుడు రాజమౌళి తెరకెక్కిన స్పోర్ట్స్ డ్రామా 'సై'లో శశాంక్ నటించారు. ఆ సినిమాలో నటనకు గాను ఉత్తమ సహాయ నటుడిగా నంది అవార్డు కూడా అనుకున్నారు. ఆ తర్వాత రాజమౌళి సినిమాల్లో శశాంక్కు అటువంటి క్యారెక్టర్ పడలేదు. రాజమౌళి సినిమాల్లో ఆయన ఎక్కడా కనిపించలేదు. కానీ, ఇద్దరి మధ్య అనుబంధం కొనసాగుతోంది. శశాంక్ నటించిన సినిమాలు, వెబ్ సిరీస్లు దర్శక ధీరుడు చూస్తారు. ఇటీవల 'లూజర్ 2' చూశారు. అందులో శశాంక్ నటనను, సిరీస్ను ప్రశంసించారు. ఈ సంగతిని ట్విట్టర్ వేదికగా శశాంక్ తెలిపారు.
"ఎవరు 'లూజర్ 2' చూశారో చూడండి... మీరు సిరీస్ చూడటంతో పాటు నా పెర్ఫార్మన్స్ మెచ్చుకున్నందుకు థాంక్యూ రాజమౌళి గారు. ఓల్డ్ విల్సన్ మేనరిజమ్స్, నటనలో చిన్న చిన్న విషయాలు ఆకట్టుకునేలా ఉన్నాయని మీరు చెప్పడం గౌరవంగా భావిస్తున్నాను. అలాగే, సిరీస్ మీకు నచ్చడం సంతోషంగా ఉంది" అని శశాంక్ ట్వీట్ చేశారు. క్లైమాక్స్లో ఎప్పుడూ ఓటమిని ఒప్పుకోవద్దని జాన్ను విల్సన్ మోటివేట్ చేసే సీన్ రాజమౌళి ఫేవరెట్ సీన్ అని ఆయన తెలిపారు.
The dressing room scene in the climax episode where WILSON MOTIVATES JOHN TO NEVER GIVE UP is @ssrajamouli sir's favourite in #Loser2 and happy to hear that he thought it was inspiring and stirring ☺#Loser #Loserseason2 #IamLoser #WatchNow#webseries@ZEE5India pic.twitter.com/pfwnMcvGDl
— Shashank (@ActorShashank) January 29, 2022
'లూజర్' తొలి సీజన్లో నటించిన ప్రియదర్శి, కల్పికా గణేష్, శశాంక్, పావనీ గంగిరెడ్డి రెండో సీజన్లో ప్రధాన పాత్రల్లో కనిపించారు. ధన్యా బాలకృష్ణ, హర్షిత్ రెడ్డి ఇందులో ప్రధాన పాత్రలు పోషించారు. తొలి సీజన్ తెరకెక్కించిన అభిలాష్ రెడ్డి... శ్రవణ్ మాదాలతో కలిసి రెండో సీజన్ తెరకెక్కించారు. దీనిని 'జీ 5', అన్నపూర్ణ స్టూడియోస్, స్పెక్ట్రమ్ మీడియా నెట్వర్క్క్ సంయుక్తంగా నిర్మించాయి. జనవరి 21నుంచి సి సిరీస్ 'జీ 5'లో సిరీస్ స్ట్రీమింగ్ అవుతోంది.
View this post on Instagram
టాప్ హెడ్ లైన్స్
ట్రెండింగ్ వార్తలు
