Pushpa in OTT: ఆ రెండు ఓటీటీల్లోకి పుష్ప సినిమా... ఇంకేం పండగ చేసుకోండి
అల్లు అర్జున్ లేటెస్ట్ హిట్ పుష్ప త్వరలో ఓటీటీలోకి రాబోతోంది.
పుష్ప పార్ట్ 1 విడుదలై అల్లు అర్జున్ అభిమానులను అలరించింది. బన్నీ - సుకుమార్ కాంబినేషన్లో వచ్చిన మూడో సినిమా ఇది. అంతకుముందు ఆర్య, ఆర్య2 వచ్చాయి. ఆర్య సినిమా ఎంత పెద్ద హిట్టో అందరికీ తెలిసిందే. నిజానికి బన్నీని స్టార్ హీరోగా మార్చింది కూడా ఆ మూవీనే. అందుకే సుకుమార్-అల్లు అర్జున్ కాంబినేషన్ అంటే అభిమానులకు పిచ్చెక్కిపోవడం ఖాయం. పుష్పలో బన్నీది నేలమాస్ క్యారెక్టర్ కావడంతో ఆ పిచ్చి పీక్స్ కు వెళ్లింది. ఆ సినిమా కోసం మామూలుగా వెయిట్ చేయలేదు. పుష్ప సినిమా విడుదలై మంచి టాకే తెచ్చుకుంది. రష్మిక మందన్న తొలిసారి బన్నీతో జత కట్టింది. అది కూడా చాలా డీ గ్లామర్ పాత్రలో.
ఆ ఓటీటీలో...
తాజా సమాచారం ప్రకారం ఈ సినిమా ఓటీటీ హక్కులను అమెజాన్ ప్రైమ్ కొనుక్కుంది. అయితే తెలుగులో మాత్రం ఆహా ఓటీటీలో ప్రసారం అవుతుంది. మిగతా భాషల్లో మాత్రం ప్రైమ్ లో ప్రసారం అవుతాయని టాక్. ఎప్పుడు ఓటీటీలో విడుదలవుతుందన్నది మాత్రం ఇంకా తెలియరాలేదు. పాన్ ఇండియా మూవీగా తెరకెక్కిన ఈ సినిమా తెలుగు, తమిళ, కన్నడ భాషల్లో విడుదలైంది. మలయాళంలో విడుదల కావాల్సి ఉంది. ఈ సినిమాను మైత్రీ మూవీ మేకర్స్, ముత్తంశెట్టి మీడియా కలిసి నిర్మించారు. మలయాళ నటుడు ఫహాద్ ఫాజిల్ ఈ సినిమాలో పోలీసాఫీసర్ గా ప్రధాన పాత్రలో నటించాడు. సునీల్, అనసూయ మరో రెండు ముఖ్య పాత్రల్లో కనిపించారు. ఈ సినిమా పాటలు సూపర్ హిట్ అయ్యాయి. దేవి శ్రీప్రసాద్ సంగీతం అందించారు. ఈ సినిమా మొదటి రోజు రూ.36.72 కోట్ల భారీ వసూళ్లను రాబట్టింది.
Also Read: 'పుష్ప' రివ్యూ: సినిమా ఎలా ఉందంటే...?
Also Read: 'పుష్ప'లో ఆ రాజకీయ నాయకుడు ఎవరు?
Also Read: బన్నీ ఫ్యాన్స్ బీభత్సం.. పుష్ప థియేటర్లపై అల్లు అర్జున్ అభిమానుల రాళ్ల దాడులు
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి
టాప్ హెడ్ లైన్స్
ట్రెండింగ్ వార్తలు
