Pawan Kalyan: పవన్‌తో సురేందర్ రెడ్డి సినిమా - అసలు విషయం చెప్పేసిన నిర్మాత!

Pawan Kalyan: పవన్ కల్యాణ్, సురేందర్ రెడ్డి కాంబినేషన్ లో గతంలో ఓ సినిమా అనౌన్స్ అయ్యింది. అనుకోని కారణాలతో వాయిదా పడింది. తాజాగా ఈ మూవీపై నిర్మాత రామ్‌ తాళ్లూరి స్పందించారు.

పవన్ కల్యాణ్

Source : Social Media

Producer Ram Talluri About Pawan Kalyan Movie: కొద్ది సంవత్సరాల క్రితం పవర్ స్టార్ పవన్ కల్యాణ్ హీరోగా, సురేందర్ రెడ్డి దర్శకత్వంలో ఓ సినిమాను ప్రకటించారు. ఇప్పటి వరకు ఈ సినిమా విషయంలో ఎలాంటి క్లారిటీ లేదు. అసలు ఈ మూవీ ఉంటుందా? లేదా? అనేది కూడా తెలియదు. ప్రస్తుతం పవన్ కల్యాణ్ రాజకీయాల్లో బిజీగా ఉన్నారు. ఇప్పటికే ఆయన మొదలు పెట్టిన మూడు సినిమాలు ఎప్పుడు పూర్తవుతాయో తెలియని పరిస్థితి నెలకొంది. తాజాగా ఓ ఇంటర్వ్యూలో పాల్గొన్న నిర్మాత రామ్ తాళ్లూరి ఈ మూవీ గురించి కీలక విషయాలు వెల్లడించారు.    

ఇప్పట్లో ఆ సినిమా కష్టమే!

ప్రస్తుతం పరిస్థితుల్లో పవర్ స్టార్, సురేందర్ రెడ్డి సినిమా మొదలు పెట్టడం కష్టమే అన్నారు రామ్ తాళ్లూరి. దాదాపు ఫైనల్ స్టేజ్ లో ఉన్న ‘హరిహర వీరమల్లు’, ‘ఓజీ’ సినిమాలు పూర్తి చేసేందుకే చాలా సమయం తీసుకుంటున్నట్లు చెప్పారు. ‘ఉస్తాద్ భగత్ సింగ్’ పరిస్థితి ఏంటో  తెలియదన్నారు. ఇలాంటి టైమ్ సురేందర్ రెడ్డితో సినిమా అనేది కష్టమే అన్నారు రామ్ తాళ్లూరి. “పవన్ కల్యాణ్ కు సినిమా కోసం అడ్వాన్స్ ఇచ్చాను. ఇప్పటికే ఐదు సంవత్సరాలు పూర్తయ్యింది. ఇప్పటి వరకు ఆయనతో సినిమా చేయలేకపోయాను. అది నా బ్యాడ్ లక్. ఆయన ఓకే చెప్పిన సమయంలో మా డైరక్టర్ అఖిల్ తో సినిమా చేశాడు. అదే టైమ్ లో కరోనా వచ్చింది” అన్నారు.

కథ చాలా బాగా నచ్చింది!

దర్శకుడు సురేందర్ రెడ్డి చెప్పిన కథ పవన్ కు విపరీతంగా నచ్చిందని రామ్ తాళ్లూరి వెల్లడించారు. కథ విన్న వెంటనే లేచి కౌగిలించుకున్నాడని చెప్పారు. “పవన్ తో సినిమా చేస్తే సురేందర్ రెడ్డి దర్శకత్వంలోనే సినిమా చేయాలి అనుకున్నాం. కథ చాలా అద్భుతంగా ఉంది. పవర్ స్టార్ కు కూడా బాగా నచ్చింది. కథ విన్న వెంటనే లేచి సురేందర్ రెడ్డిని హగ్ చేసుకున్నారు. రకరకాల కారణాలతో ఈ సినిమా వాయిదా పడుతూ వచ్చింది. స్క్రిప్టు రెడీగా ఉంది. సినిమా షూటింగ్ ఎప్పుడు అనేది కచ్చితంగా చెప్పలేం. ఇప్పటికే పవన్ కల్యాణ్ స్టార్ట చేసిన సినిమాలు పూర్తి చేసేందుకు చాలా టైమ్ పడుతోంది” అని చెప్పుకొచ్చారు.

సురేందర్ రెడ్డితో ఓ సినిమా చేస్తున్నా!

అటు పవన్ కల్యాణ్ తో సినిమా అటుంచి సురేందర్ రెడ్డితో మరో సినిమా చేయబోతున్నట్లు రామ్ తాళ్లూరి వెల్లడించారు. ఇప్పటికే ఓ కథ రెడీ చేసినట్లు చెప్పారు. ఆ సినిమాను తానే నిర్మిస్తున్నానన్నారు. త్వరలో ఈ సినిమా కథను ఓ స్టార్ హీరోకు వినిపించబోతున్నట్లు తెలిపారు.   

త్వరలో ప్రేక్షకుల ముందుకు ‘మెకానిక్ రాకీ’

ప్రస్తుతం రామ్ తాళ్లూరి ‘మెకానిక్ రాకీ’ అనే సినిమా నిర్మిస్తున్నారు. మాస్ కా దాస్ విశ్వక్ సేన్ ఈ సినిమాలో హీరోగా నటిస్తున్నారు. రొమాంటిక్ యాక్షన్ ఎంటర్టైనర్ గా తెరకెక్కుతున్న ఈ సినిమాను రవితేజ ముళ్లపూడి తెరకెక్కిస్తున్నారు. మీనాక్షి చౌదరి, శ్రద్ధా శ్రీనాథ్ హీరోయిన్లుగా నటిస్తున్నారు. నవంబర్ 22న ఈ సినిమా ప్రేక్షకుల ముందుకురానుంది. ఎస్ ఆర్ టీ ఎంటర్టైన్ మెంట్స్ బ్యానర్‌ పై రామ్ తాళ్లూరి ఈ సినిమాను నిర్మిస్తున్నారు.