Nilave OTT: సూసైడ్ నుంచి మొదలైన ప్రేమకథ... ETV Win ఓటీటీలోకి డిఫరెంట్ లవ్ స్టోరీ

Nilave OTT Release Date: సౌమిత్ పోలాడి, శ్రేయాసి సేన్ జంటగా రూపొందిన మ్యూజికల్ లవ్ స్టోరీ 'నిలవే'. మరికొన్ని గంటల్లో ఓటీటీలో సందడి చేయనుంది. 

ఈటీవీ విన్ ఓటీటీలో స్ట్రీమింగ్... 'నిలవే' స్పెషాలిటీ ఏమిటో తెలుసా?

Source : https://www.instagram.com/shreyasi.sen/

Nilave Movie OTT Streaming: సౌమిత్ పోలాడి కథానాయకుడిగా పరిచయమైన సినిమా 'నిలవే'. హీరోగా నటించడంతో పాటు సాయి కే వెన్నంతో కలిసి దర్శకత్వం వహించారు. ఇందులో శ్రేయాసి సేన్ హీరోయిన్. ప్రేమికుల దినోత్సవం సందర్భంగా ఫిబ్రవరి 13న విడుదల అయ్యింది. థియేటర్లలోకి వచ్చిన రెండు నెలలకు ఓటీటీలోకి వస్తోంది. ఈ సినిమా స్ట్రీమింగ్ డేట్ తెలుసుకోండి. 

ఈటీవీ విన్ ఓటీటీలోకి 'నిలవే'
Nilave OTT Platform Streaming Date: ఈటీవీ విన్ ఓటీటీలోకి 'నిలవే' సినిమా వస్తోంది. ఏప్రిల్ 9వ తేదీ నుంచి స్ట్రీమింగ్ కానుంది. థియేటర్లలో విడుదలైన సమయంలో మంచి స్పందన అందుకుంది. మరి, ఓటీటీలో ఎటువంటి రెస్పాన్స్ అందుకుంటుందో చూడాలి.

 

 

 

 

 

View this post on Instagram

 

 

 

 

 

 

 

 

 

 

 

A post shared by ETV Win (@etvwin)

సూసైడ్ నుంచి మొదలైన ప్రేమ!
తెలుగులో చాలా ప్రేమ కథలు వచ్చాయి. అయితే... 'నిలవే' ఓ డిఫరెంట్ లవ్ స్టోరీ అని చెప్పాలి. ఇందులో హీరో అర్జున్ (సౌమిత్ పోలాడి) ఓ యాడ్ ఏజెన్సీలో ఫోటోగ్రాఫర్. అనాథ ఆశ్రమంలో పెరిగాడు. జీవితంలో తనకు ఓ తోడు కావాలని కోరుకుంటాడు. లేని కారణంగా సూసైడ్ చేసుకోవాలని ప్రయత్నిస్తాడు. సరిగ్గా ఆ సమయంలో కిటికీ లోనుంచి ఎదురుగా ఉన్న ఫ్లాట్‌లో అమ్మాయి అతిథి (శ్రేయాసి సేన్) కనిపిస్తుంది. ఆమె తెలియకుండా ఫాలో అవుతాడు. తర్వాత పరిచయం పెంచుకుని ప్రేమలో పడతాడు. ఇద్దరూ కలిసి సహా జీవనం చేస్తాడు. అతిథి ప్రెగ్నెంట్ అవుతుంది. కానీ పెళ్లి మాత్రం చేసుకోనని అంటుంది. ఎందుకు? ఏమిటి? వీళ్ళ కథ ఏ తీరానికి చేరింది? అనేది సినిమా చూసి తెలుసుకోవాలి.   

 

 

 

 

 

View this post on Instagram

 

 

 

 

 

 

 

 

 

 

 

A post shared by Point of View Arts (@pov_filmproductions)

'నిలవే'లో హర్ష చెముడు, సుప్రియా ఐసోలా మరో జంటగా నటించారు. ఈ చిత్రాన్ని POV ఆర్ట్స్ ప్రొడక్షన్స్ పతాకంపై రాజ్ అల్లాడ, గిరిధర్ రావు పోలాడి, సాయి కే వెన్నం నిర్మించారు. కళ్యాణ్ నాయక్ సంగీతం అందించారు. ఇందులో పదకొండు పాటలు ఉన్నాయి. పాటలతో పాటు నేపథ్య సంగీతం సినిమాకు హైలైట్ అని చెప్పాలి.