Malayalam comedy film Grrr: తెలుగులో రిలీజ్ కానున్న సూప‌ర్ హిట్ మ‌ల‌యాళం సినిమా.. స్ట్రీమింగ్ ఎప్పుడంటే?

Malayalam comedy film Grrr: మ‌ల‌యాళం సూప‌ర్ హిట్ కామెడీ సినిమా 'గ్ర్ర్ర్' తెలుగులో రిలీజ్ కానుంది. ప్ర‌ముఖ ఓటీటీలో ప్రేక్ష‌కుల‌కు అందుబాటులోకి రానుంది.

Image Credit: Grrr Movie

Source : Image Credits: GRRR Movie / Instagram

Malayalam comedy film Grrr… to premiere in Telugu on this OTT And Streamin Date: ఓటీటీలు వ‌చ్చిన త‌ర్వాత సినిమాల‌కి భాష‌తో ప‌నిలేకుండా పోతుంది. ఏ భాష‌లో సినిమా రిలీజైన మిగ‌తా భాష‌ల్లో కూడా రిలీజ్ చేస్తున్నారు. ఓటీటీలు కూడా వేరే భాష‌ల్లో హిట్ అయిన సినిమాల‌ను రిలీజ్ చేసేందుకు ఆస‌క్తి చూపిస్తున్నాయి. దాంట్లో భాగంగానే ఇప్పుడు మ‌రో సూప‌ర్ హిట్ సినిమా ఓటీటీలో రిలీజ్ కానుంది. మ‌ల‌యాళంలో సూప‌ర్ హిట్ అయిన కామెడీ సినిమా 'Grrr' త్వ‌ర‌లోనే అందుబాటులోకి రానుంది. 

స్ట్రీమింగ్ ఎక్క‌డంటే? 

‘Grrr’ సినిమా కామెడీ ఎంట‌ర్ టైన‌ర్. జూన్ 14న‌ మ‌ల‌యాళంలో రిలీజైన ఈ సినిమా అక్క‌డ సూప‌ర్ హిట్ టాక్ తెచ్చుకుంది. ఆ సినిమాని ప్ర‌స్తుతం మ‌రో నాలుగు భాష‌ల్లో రిలీజ్ చేయ‌నున్నారు. డిస్నీ + హాట్ స్టార్ లో హిందీ, తెలుగు, త‌మిళ్, క‌న్న‌డ భాష‌లో రిలీజ్ చేయ‌నున్నారు. ఆగ‌స్టు 20 నుంచి సినిమా ఓటీటీ ప్రేక్ష‌కుల‌కు అందుబాటులోకి రానున్న‌ట్లు డిస్నీ + హాట్ స్టార్ అధికారికంగా ప్ర‌క‌టించింది. 

న‌టీన‌టులు ఎవ‌రంటే? 

‘Grrr’ సినిమాని జై కే డైరెక్ట్ చేశారు. ఈసినిమాలో కుంచ‌కో బోబ‌న్, సూరజ్ వెంజార్మోడు ప్ర‌ధాన పాత్ర‌లు పోషించారు. ప్ర‌ముఖ న‌టులు శృతి రామ‌చంద్ర‌న్, రాజేశ్ మాధ‌వ‌న్, అన‌ఘా, శోభి తిల‌క‌న్ త‌దిత‌రులు ముఖ్య పాత్ర‌లు పోషించారు. ‘Grrr’ సినిమాని షాజీ న‌టేష‌న్, త‌మిళ్ హీరో ఆర్య సంయుక్తంగా నిర్మించారు. ఆగ‌స్టు సినిమా బ్యాన‌ర్ పై సినిమా తెర‌కెక్కింది. ఈ సినిమాకి జ‌యేశ్ నాయ‌ర్ సినిమాటోగ్ర‌ఫ‌ర్ కాగా.. వివేక్ హ‌ర్ష‌న్ ఎడిటింగ్, దావ‌న్ విన్సెంట్ మ్యూజిక్ కంపోజ్ చేశారు. 

క‌థేంటంటే? 

త‌ను ప్రేమించిన అమ్మాయి ర‌చ‌న (అన‌ఘ‌) దూర‌మ‌వ్వ‌డంతో రెజిమెన్‌ నాడర్ (కుంచ‌కో బోబ‌న్) ఫుల్లుగా మందుకొట్టి ఆ మ‌త్తులో జూకి వెళ్తాడు. అక్క‌డ నేరుగా సింహం ఉన్న ప్ర‌దేశానికి వెళ్తాడు. సింహానికి, మ‌నుషులకు మ‌ధ్య ఏర్పాటు చేసి ఫెన్సింగ్ ని దాటి సింహం ద‌గ్గరికి వెళ్తాడు. సింహం ద‌గ్గ‌రికి మ‌నిషి వెళ్లాడు అని తెలిసి జూలో ప‌నిచేస్తున్న ఉద్యోగి హరిదాస్‌ నాయర్‌ (సూరజ్‌ వెంజరమూడు) అత‌డిని కాపాడేందుకు వెళ్లి బోనులో ఇరుక్కుపోతాడు. సింహం వారికి దగ్గరగా ఉండటంతో ఇద్దరూ ప్రమాదంలో పడతారు. వాళ్ల‌ను కాపాడేందుకు పోలీసులు, జూ సిబ్బంది ప్ర‌య‌త్నాలు చేస్తుంటారు. ఆ వార్త‌లు మీడియాలో వైర‌ల్ అవుతాయి. మరి రెజిమెన్‌, హరిదాస్‌లు సింహం బారి నుంచి ఎలా బయటపడ్డారు? అన్నది హాస్యభరితంగా చూపించాడు జయ్‌ కె. అదెలాగో సినిమా చూసి తెలుసుకోవాల్సిందే!