Governor OTT : ఓటీటీలోకి వచ్చేసిన మనోజ్ బాజ్‌పాయ్ కొత్త మూవీ - నేషనల్ అవార్డ్ విన్నర్ పొలిటికల్ థ్రిల్లర్ ఎందులో స్ట్రీమింగ్ అంటే?

Governor OTT Platform : బాలీవుడ్ స్టార్ మనోజ్ బాజ్‌పాయ్ ఫైనాన్షియల్ పొలిటికల్ థ్రిల్లర్ గవర్నర్ ఓటీటీలోకి వచ్చేసింది. జూన్ 12న ప్రేక్షకుల ముందుకు వచ్చిన సినిమా అనుకున్నంత సక్సెస్ కాలేదు.

ఓటీటీలోకి వచ్చేసిన గవర్నర్

Source : https://www.instagram.com/p/DZhMil1OQNr/?hl=en

Show Quick Read

Key points generated by AI, verified by newsroom

• మనోజ్ బాజ్‌పాయ్ ‘గవర్నర్’ చిత్రం అమెజాన్ ప్రైమ్‌లో స్ట్రీమింగ్ అవుతోంది.
• రూ.349 అద్దెకు చూడవచ్చు, బాజ్‌పాయ్ నటనకు ప్రశంసలు దక్కాయి.
• 1990-91 ఆర్థిక సంక్షోభం నేపథ్యంలో ఆర్బీఐ గవర్నర్ పోరాటం కథాంశం.
• దేశ ఆర్థిక వ్యవస్థను నిలబెట్టేందుకు ఆయన కఠిన నిర్ణయాలు తీసుకుంటాడు.

Manoj Bajpayee's Governor The Silent Saviour OTT Streaming : బాలీవుడ్ స్టార్, నేషనల్ అవార్డ్ విన్నర్ మనోజ్ బాజ్‌పాయ్ ప్రధాన పాత్రలో నటించిన లేటెస్ట్ ఫైనాన్షియల్ పొలిటికల్ యాక్షన్ థ్రిల్లర్ 'గవర్నర్ : ది సైలెంట్ సేవియర్'. ఎన్నో అంచనాల మధ్య జూన్ 12న ప్రేక్షకుల ముందుకు వచ్చిన ఈ సినిమా బాక్సాఫీస్ వద్ద అనుకున్నంత సక్సెస్ కాలేదు. దాదాపు నెల రోజుల తర్వాత ఇప్పుడు ఓటీటీలోకి వచ్చేసింది.

ఎందులో స్ట్రీమింగ్ అంటే?

ప్రముఖ ఓటీటీ అమెజాన్ ప్రైమ్ వీడియోలో (Amazon Prime Video) 'గవర్నర్' (Governor The Silent Saviour) శుక్రవారం నుంచి స్ట్రీమింగ్ అవుతోంది. అయితే, ప్రస్తుతం రెంటల్ విధానంలో మాత్రమే అందుబాటులో ఉంది. రూ.349 చెల్లించి మూవీ చూడొచ్చు. సినిమాకు డిజాస్టర్ టాక్ వచ్చినా మనోజ్ బాజ్‌పాయ్ నటనకు మాత్రం విమర్శకుల నుంచి ప్రశంసలు దక్కాయి. 

ఈ మూవీకి చిన్మయ్ డి మాండ్లేకర్ దర్శకత్వం వహించగా... ఆర్బీఐ గవర్నర్‌గా మనోజ్ బాజ్‌పాయ్ అద్భుతంగా నటించారు. ఆయనతో పాటే అదాశర్మ, నౌషాద్ మహమ్మద్ కుంజు, మధూషా తదితరులు కీలకపాత్రలు పోషించారు. సన్ షైన్ పిక్చర్స్ బ్యానర్‌పై విపుల్ అమృత్ లాల్‌షా నిర్మించారు. అమిత్ త్రివేది మ్యూజిక్ అందించగా... జావేద్ అక్తర్ సాహిత్యం అందించారు.

స్టోరీ ఏంటంటే?

ఈ మూవీ స్టోరీ 1990 - 91ల నాటి భారత ఆర్థిక సంక్షోభం చుట్టూ సాగుతుంది. దేశం ఆర్థిక పరంగా క్లిష్ట పరిస్థితుల్లో ఉన్నప్పుడు ఆర్బీఐ గవర్నర్‌గా బాధ్యతలు స్వీకరించిన సాధారణ వ్యక్తి తీసుకున్న కఠిన నిర్ణయాలు మళ్లీ ఆర్థిక వ్యవస్థను గాడిలో పడేలా చేశాయి అనేదే ప్రధానాంశంగా స్టోరీ సాగుతుంది. గల్ఫ్ యుద్ధం వల్ల ఇంధన ధరలు పెరిగిపోవడం, విదేశీ మారక నిల్వలు అట్టడుగు స్థాయికి చేరుకోవడంతో దేశంలో ఆర్థిక పరిస్థితి దిగజారుతుంది.

ఆ టైంలో దేశాన్ని గట్టిక్కించే బాధ్యతను కొత్తగా బాధ్యతలు స్వీకరించిన ఆర్బీఐ గవర్నర్ (మనోజ్ బాజ్‌పాయ్) తీసుకుంటారు. అంతర్జాతీయ ద్రవ్య నిధి నుంచి  రుణం కోసం ఓ సీక్రెట్ మిషన్ చేపడతారు. ఈ క్రమంలో ఆయనకు ఎదురైన సవాళ్లు, రాజకీయ ఒత్తిళ్లు అన్నింటినీ అధిగమిస్తారు. అసలు గవర్నర్ చేపట్టిన సీక్రెట్ మిషన్ ఏంటి? రాజకీయ ఒత్తిళ్లను ఎలా అధిగమించారు? ఆర్థిక వ్యవస్థపై జర్నలిస్ట్ చేసిన పరిశోధన ఏంటి? అనేది తెలియాలంటే సినిమా చూడాల్సిందే.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

రామాయణ ట్రైలర్ రిలీజ్ వాయిదా - అసలు రీజన్ ఏంటో చెప్పిన ప్రొడ్యూసర్