Euphoria OTT : ఓటీటీలోకి గుణ శేఖర్ యుఫోరియా - రెండు నెలల తర్వాత స్ట్రీమింగ్... ఎందులో చూడొచ్చంటే?

Euphoria OTT Platform : గుణశేఖర్ రీసెంట్ సోషల్ డ్రామా యుఫోరియా ఓటీటీ రిలీజ్ ఫిక్స్ అయ్యింది. దాదాపు 2 నెలల తర్వాత తెలుగు ఓటీటీలో స్ట్రీమింగ్ కానుంది.

యుఫోరియా ఓటీటీ రిలీజ్ డేట్ ఫిక్స్

Source : https://www.instagram.com/p/DWgL9IlkxVF/

Bhumika's Euphoria OTT Release Date Locked : భూమిక, ధురంధర్ బ్యూటీ సారా అర్జున్ ప్రధాన పాత్రల్లో నటించిన రీసెంట్ సోషల్ డ్రామా 'యుఫోరియా'. చాలా రోజుల తర్వాత స్టార్ డైరెక్టర్ గుణశేఖర్ దర్శకత్వంలో ఫిబ్రవరి 6న ప్రేక్షకుల ముందుకు వచ్చిన ఈ మూవీ మిక్స్‌డ్ టాక్ సొంతం చేసుకుంది. తాజాగా ఓటీటీ రిలీజ్‌కు రెడీ అవుతోంది.

ఎప్పుడు, ఎందులో స్ట్రీమింగ్ అంటే?

'యుఫోరియా' ప్రముఖ తెలుగు ఓటీటీ 'ఈటీవీ విన్'లో ఏప్రిల్ 2 నుంచి స్ట్రీమింగ్ కానుంది. ఈ మేరకు అఫీషియల్ అనౌన్స్‌మెంట్ వచ్చింది. 'ఓ తల్లి, ఓ టీచర్... ఓ బాధాకరమైన నిజం. తన కొడుకు నేరస్థుడిగా మారినప్పుడు ఆమె ప్రేమ కన్నా న్యాయాన్ని ఎంచుకుంటుంది.' అంటూ స్పెషల్ పోస్టర్ రిలీజ్ చేసింది. 

మూవీలో భూమిక, సారా అర్జున్‌లతో పాటు నాజర్, గౌతమ్ వాసుదేవ్ మీనన్, రోహిత్, ఆదర్శ్ బాలకృష్ణ, రవి ప్రకాష్, నవీన రెడ్డి తదితరులు కీలక పాత్రలు పోషించారు. కాలభైరవ మ్యూజిక్ అందించగా... గుణశేఖర్ హోమ్ బ్యానర్ హ్యాండ్ మేడ్ ఫిల్మ్స్ బ్యానర్‌పై నీలిమ గుణ, రాగిణి గుణ, యుక్తా ముఖి నిర్మించారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by ETV Win (@etvwin)

స్టోరీ ఏంటంటే?

పెద్దింటమ్మాయి చైత్ర (సారా అర్జున్) చదువులో టాప్. ఐఏఎస్ అవ్వాలనేది ఆమె లక్ష్యం. పరీక్షల కోసం పట్టుదలగా శ్రమిస్తుంది. ఓ రోజు తన ఫ్రెండ్ పార్టీకి పిలవడంతో పేరెంట్స్ పర్మిషన్‌తో వెళ్తుంది. అక్కడే వికాస్ (విఘ్నేష్ గవిరెడ్డి)తో పాటు అతని ఫ్రెండ్స్ పరిచయం అవుతారు. చైత్రపై కన్నేసిన వికాస్ ఆమె తిరిగి వెళ్తుండగా కారులో బయటకు వెళ్దామని ఆఫర్ చేస్తాడు. స్నేహంతో కారెక్కిన చైత్రపై అతనితో పాటు ఫ్రెండ్స్ దారుణానికి పాల్పడతారు.

ఈ కేస్ రాష్ట్రవ్యాప్తంగా సంచలనం సృష్టిస్తోంది. సిటీ  కమిషనర్ జయదేవ్ (గౌతమ్ మీనన్) ఇన్వెస్టిగేట్ చేస్తాడు. ఈ క్రమంలో అతనికి ఎదురైన సవాళ్లేంటి? బడాబాబుల పిల్లలు ఇందులో ఇన్వాల్వ్ కావడంతో అతను ఏం చేశాడు? ఈ స్టోరీలో వింధ్య వేములపల్లి (భూమిక)కి ఉన్న ప్రాధాన్యత ఏంటి? ఆమెనే నేరుగా నేరం చేశానంటూ కోర్టు మెట్లు ఎందుకు ఎక్కింది? అసలు ఆపరేషన్ యుఫోరియా ఏంటి? అనేది తెలియాలంటే మూవీ చూడాల్సిందే.

మరిన్ని చదవండి

ఈ వారం రిలీజయ్యే మూవీస్ ఏంటో తెలుసా! - ఓటీటీ మూవీస్ / వెబ్ సిరీస్‌ల కంప్లీట్ లిస్ట్