Dug Dug OTT : ఆ ఊరికి బైకే దేవుడు - ఓటీటీలోకి సడన్‌గా సెటైరికల్ కామెడీ థ్రిల్లర్... ఎందులో స్ట్రీమింగ్ అంటే?

Dug Dug OTT Platform : రీసెంట్ సెటైరికల్ కామెడీ థ్రిల్లర్ డుగ్ డుగ్ (Dug Dug) సడన్‌గా ఓటీటీలోకి వచ్చేసింది. దాదాపు 2 నెలల తర్వాత డిజిటల్ స్ట్రీమింగ్ అవుతోంది.

ఓటీటీలోకి వచ్చేసిన డుగ్ డుగ్

Source : ABPLIVE AI

Gaurav Pareek's Dug Dug OTT Streaming : ఓటీటీలోకి మరో సెటైరికల్ కామెడీ థ్రిల్లర్ సైలెంట్‌గా వచ్చేసింది. ఒక బాబా రియల్ లైఫ్ స్టోరీ ఆధారంగా తెరకెక్కించిన బాలీవుడ్ మూవీ 'డుగ్ డుగ్' (Dug Dug) బుధవారం నుంచి ఓటీటీలో స్ట్రీమింగ్ అవుతోంది. మే 8న ప్రేక్షకుల ముందుకు  వచ్చిన ఈ సినిమా దాదాపు రెండు నెలల తర్వాత డిజిటల్ స్ట్రీమింగ్ అవుతోంది.

ఎందులో స్ట్రీమింగ్ అంటే?

ప్రముఖ ఓటీటీ అమెజాన్ ప్రైమ్ వీడియో (Amazon Prime Video)లో 'డుగ్ డుగ్' స్ట్రీమింగ్‌కు వచ్చేసింది. ప్రస్తుతం హిందీలోనే అందుబాటులో ఉండగా త్వరలోనే తెలుగులోనూ వచ్చే ఛాన్సెస్ ఉన్నాయి. ఈ మూవీకి రిత్విక్ పరీక్ దర్శకత్వం వహించగా... బాలీవుడ్ ఫేమస్ డైరెక్టర్ అనురాగ్ కశ్యప్, నిఖిల్ అద్వానీ, విక్రమాదిత్య మోత్వానే, వాసన్ బాలా సపోర్ట్ చేశారు. సినిమాలో రిత్విక్‌తో పాటు యోగేంద్ర సింగ్ పర్మార్, గౌరవ్ సోనీ, ముకుల్ కుమార్ సింగ్, సర్వేష్ వ్యాస్ తదితరులు కీలకపాత్రలు పోషించారు.

స్టోరీ ఏంటంటే?

రాజస్థాన్‌లోని ఫేమస్ 'బుల్లెట్ బాబా' రియల్ లైఫ్ స్టోరీ ఆధారంగా డుగ్ డుగ్ (Dug Dug) రూపొందించినట్లు తెలుస్తోంది. ఊరిలో ఓ పాత లూనా బైక్ చుట్టూ కొందరు అల్లుకునే కథలు మూఢ విశ్వాసాలకు కారణం కాగా... కొందరు దీన్ని వ్యాపారంగా ఎలా మార్చుకున్నారు? అనేదే స్టోరీ. గ్రామానికి చెందిన ఠాకూర్ అనే వ్యక్తి ఫుల్లుగా మద్యం తాగి హైవేపై జరిగిన రోడ్డు ప్రమాదంలో చనిపోతాడు. అతను నడిపిన పాత లూనా బైక్ పోలీసులు స్టేషన్‌లో పెడతారు.

అయితే, ఆ తర్వాత రోజు ఉదయానికి ఆ బైక్ ప్రమాదం జరిగిన చోటికే వచ్చి ఉంటుంది. పోలీసులు అలా ఎన్ని ప్రయత్నాలు చేసినా అది అక్కడికే వచ్చి ఉంటుంది. దీంతో ఆ బైక్‌కు మహిమలు ఉన్నాయంటూ కొందరు లోకల్ వ్యక్తులు దాని చుట్టూ కథలు అల్లుతారు. వీటిని గ్రామస్థులు నమ్ముతారు. ఎంతలా అంటే రోడ్డు పక్కనే ఆ బైక్‌కు గుడి కట్టి దేవుడిలా ప్రతిష్టించి పూజిస్తుంటారు. దీన్ని కొందరు వ్యాపారంగా మార్చుకుంటారు. అసలు ఆ బైక్ ఎందుకు అక్కడికే వచ్చి ఉంటుంది? దీని వెనుక మిస్టరీ ఏంటి? లోకల్ వ్యక్తులు దీన్ని ఎలా వ్యాపారంగా మార్చుకున్నారు? ప్రజల నమ్మకాలతో వారు చేసింది ఏంటి? అనేది తెలియాలంటే మూవీ చూడాల్సిందే.

 

 

 

 

 

View this post on Instagram

 

 

 

 

 

 

 

 

 

 

 

A post shared by prime video IN (@primevideoin)

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

ఓటీటీలోకి క్రేజీ మినీ సిరీస్ - ఎప్పుడు, ఎందులో స్ట్రీమింగ్ అంటే?