NTR: 'నోరేసుకొని పడిపోతుంది' యాంకర్ సుమపై ఎన్టీఆర్ కామెంట్స్
సంగీత దర్శకుడు కీరవాణి.. ఎన్టీఆర్, రామ్ చరణ్ లతో ముచ్చట్లు పెట్టారు.
దర్శకధీరుడు రాజమౌళి తెరకెక్కించిన 'ఆర్ఆర్ఆర్' సినిమా కోసం ప్రేక్షకులు ఎంతగానో ఎదురుచూస్తున్నారు. ఎన్టీఆర్, రామ్ చరణ్ కలిసి నటించిన ఈ సినిమాపై భారీ అంచనాలు ఏర్పడ్డాయి. పలుమార్లు వాయిదా పడుతూ వచ్చిన ఈ సినిమా ఫైనల్ గా మార్చి 25న విడుదలకు సిద్ధంగా ఉంది. ఇప్పటికే సినిమా ప్రమోషన్స్ షురూ చేశారు. వరుసగా ఇంటర్వ్యూలు ఇస్తోంది టీమ్. రీసెంట్ గా దర్శకుడు అనిల్ రావిపూడి.. రాజమౌళి, ఎన్టీఆర్, రామ్ చరణ్ లను ఇంటర్వ్యూ చేశారు. ఆ తరువాత సంగీత దర్శకుడు కీరవాణి.. ఎన్టీఆర్, రామ్ చరణ్ లతో ముచ్చట్లు పెట్టారు.
ఈ క్రమంలో వారు చేసిన కామెంట్స్ వైరల్ అవుతున్నాయి. 'నెంబర్ వన్ యాంకర్ సుమకు మీ సినిమాల్లో ఏదైనా క్యారెక్టర్ ఇవ్వాల్సి వస్తే ఎలాంటి పాత్రను ఇవ్వడానికి ఒప్పుకుంటారని..?' కీరవాణి అడిగిన ప్రశ్నకు ఎన్టీఆర్ బదులిస్తూ.. నాయనమ్మ, అమ్మమ్మలాంటి రోల్ ఇవ్వాలని చెప్పారు. సుమను చూడగానే నిర్మలమ్మ, సూర్య కాంతం వంటి వాళ్లు పోషించిన గయ్యాలి పాత్రలు గుర్తుకు వస్తాయని ఎన్టీఆర్ అన్నారు. సుమకు చాదస్తం ఎక్కువైందని, నోరేసుకుని పడిపోతుందని ఫన్నీగా చెప్పుకొచ్చారు.
ఇదే ప్రశ్నకు రాజమౌళి స్పందిస్తూ.. సుమకు పంచాయితీలు పరిష్కరించే మధ్యవర్తి పాత్రను ఇవ్వాలని అన్నారు. ఆ తరువాత కీరవాణి కంపోజ్చేసిన పాటల్లో భీమవరం బుల్లోడా పాలు కావాలా.. సాంగ్ తనకు నచ్చదని చెప్పారు ఎన్టీఆర్. ఫేవరెట్ సింగర్ ఎవరనే ప్రశ్నకు మోహన భోగరాజు, గీతామాధురి గొంతు నచ్చుతుందని అన్నారు.
నిర్మాత దానయ్య రూ.400 కోట్ల బడ్జెట్ తో ఈ సినిమాను నిర్మించారు. ఈ సినిమాకి ఎం.ఎం. కీరవాణి సంగీతం అందించగా.. కె.కె. సెంథిల్ కుమార్ సినిమాటోగ్రఫీ అందించారు. ఈ సినిమాలో ఎన్టీఆర్ సరసన విదేశీ భామ ఒలీవియా మోరిస్, రామ్ చరణ్కు జోడీగా ఆలియా భట్ కనిపించనున్నారు. శ్రియా శరన్, అజయ్దేవ్గణ్, రాహుల్ రామకృష్ణ తదితరులు కీలక పాత్రలు పోషిస్తున్నారు.
Watch This: సుమకు అలాంటి పాత్రలే కరెక్టు
View this post on Instagram
Before You Go
Toxic Movie Telugu Review | యష్ 'టాక్సిక్' హిట్టా? ఫ్లాపా?
టాప్ హెడ్ లైన్స్
ట్రెండింగ్ వార్తలు
