Republic Movie:రిపబ్లిక్ స్పెషల్ స్క్రీనింగ్.. నాని అదిరే రియాక్షన్

సాయిధరమ్ తేజ్ కొత్త సినిమా ‘రిపబ్లిక్’ అక్టోబర్ 1న విడుదలకు సిద్ధంగా ఉంది. ఈలోపే నాని సినిమాను చూసి అభిప్రాయాన్ని ట్వీట్ చేశారు.

హీరో నాని (Image credit: Instagram/Nani)

సాయిధరమ్ తేజ్ కు యాక్సిడెంట్ అవ్వడంతో అందరి ఆలోచన ఆయన సినిమా ‘రిపబ్లిక్’పైనే. దాని విడుదల ఆపవద్దని, అనుకున్న సమయానికే విడుదల చేయాలని తేజు కోరడంతో అక్టోబర్ 1న థియేటర్లలోకి రానుంది రిపబ్లిక్. ఈలోపు ఇండస్ట్రీలోని సెలెబ్రిటీల కోసం స్పెషల్ స్క్రీనింగ్ లు వేస్తున్నారు. నాచురల్ స్టార్ నానీ ‘రిపబ్లిక్’ మూవీని చూశారు. ఆ సినిమా చూశాక ట్విట్టర్ వేదికగా స్పందించారు. సాయిధరమ్ తేజ్ వ్యక్తిత్వాన్ని, సినిమాను సైతం కలిపి పొగిడేశారు. 

‘సాయిధరమ్ తేజ్ తన చుట్టూ ఉన్నవారి పట్ల చూపించే ప్రేమాభిమానాలు, తిరిగి ఆయనకు అభిమానుల ప్రార్థనల రూపంలో చేరాయి. ఇప్పుడు మరింత బలంగా రిపబ్లిక్ సినిమా రూపంలో రాబోతున్నాయి. ఇది దర్శకుడు దేవాకట్టా తిరిగి ఫామ్ లోకి వచ్చాడని చెప్పడానికి ఈ సినిమా ఒక అనౌన్స్ మెంట్. చిత్ర యూనిట్ కు శుభాకాంక్షలు’ అని ట్వీట్ చేశారు. ఈ ట్వీట్ రిపబ్లిక్ టీమ్ కు ఆనందాన్ని కలిగించింది. 

రిపబ్లిక్ ట్రైలర్ కు ఇప్పటికే అదిరిపోయే రెస్పాన్స్ వచ్చింది. ఇందులో తేజూ రాజీకయ వ్యవస్థతో యుద్ధం చేసే కలెక్టర్ గా కనిపించబోతున్నాడు. భగవాన్-పుల్లారావు కలిసి సినిమాను నిర్మించారు. ఐశ్వర్యా రాజేష్, రమ్యకృష్ణ, జగపతిబాబు కీలక పాత్రల్లో నటించారు. 

Watched Republic.
For all the kindness @IamSaiDharamTej has shown towards everyone around him it has come back in the form of your prayers and it’s coming back stronger in the form of #REPUBLIC. This is @devakatta ‘s announcement that he is back. Congratulations to the team 🤗

— Nani (@NameisNani) September 30, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి