అన్వేషించండి

Thaman: బాలకృష్ణ, బోయపాటి కాంబినేషన్‌లో వంద సినిమాలు వచ్చినా ప్లాప్ అవ్వవు! - తమన్

బాలకృష్ణ 'అఖండ'కు తమన్ సంగీతం అందించారు. సినిమా డిసెంబర్ 2న ప్రేక్షకుల ముందుకు వస్తున్న సందర్భంగా తమన్ మీడియాతో మాట్లాడారు.

By : ABP Desam | Updated at : 23 Nov 2021 06:29 PM (IST)

Music Director S Thaman about understanding between the Balakrishna and Director Boyapati Srinu Thaman: బాలకృష్ణ, బోయపాటి కాంబినేషన్‌లో వంద సినిమాలు వచ్చినా ప్లాప్ అవ్వవు! - తమన్

తమన్

నట సింహం నందమూరి బాలకృష్ణ, మాస్ కమర్షియల్ సినిమాల దర్శకుడు బోయపాటి శ్రీను కాంబినేషన్‌లో వంద సినిమాలు వచ్చినా ప్లాప్ అవ్వవని, వాళ్లిద్దరి మధ్య అంత మంచి అండర్ స్టాండింగ్ ఉంటుందని సంగీత దర్శకుడు అన్నారు. బాలకృష్ణ, బోయపాటి కాంబినేషన్‌లో తెరకెక్కిన తాజా సినిమా 'అఖండ' డిసెంబర్ 2న విడుదల కానుంది. ఈ నేపథ్యంలో తమన్ మీడియాతో మాట్లాడారు.

'అఖండ'లో బాలయ్యగారు అదరగొట్టేశారని, అభిమానులతో పాటు ప్రేక్షకులకు ఇది పర్ఫెక్ట్ మీల్‌ లాంటి సినిమా అని తమన్ అన్నారు. ఇందులో మంచి ఎమోషన్ ఉందన్నారు. నేపథ్య సంగీతం కోసం అఘోరలపై రీసెర్చ్ చేశానని, ఆ పాత్రలకు తగ్గట్టుగానే నేపథ్య సంగీతం అందించానని తమన్ తెలిపారు. అఘోరా పాత్ర వచ్చిన తర్వాత సినిమా రేంజ్ మారుతుందని చెప్పారు. 'అఖండ'తో అఘోరాల గురించి ప్రేక్షకులకు ఓ స్పష్టత వస్తుందన్నారు. శివుడి నేపథ్యంలో శంకర్ మహదేవన్ ఎక్కువ పాటలు పాడారు కనుక ఆయనతో 'అఖండ' టైటిల్ సాంగ్ పాడించానని తెలిపారు.

కరోనా కారణంగా సినిమా విడుదల ఆలస్యం కావడంతో ఇప్పటి ట్రెండ్‌కు తగ్గట్టు మళ్లీ రీ-రికార్డింగ్ చేశానని తమన్ చెప్పారు. టైటిల్ సాంగ్ విని బాలకృష్ణగగారు అప్రిషియేట్ చేశారని తమన్ సంతోషం వ్యక్తం చేశారు. 'అఖండ' తర్వాత గోపీచంద్ మలినేని దర్శకత్వంలో బాలకృష్ణ చేస్తున్న సినిమాకు కూడా తమన్ సంగీతం అందిస్తున్నారు.