అన్వేషించండి

Deepika Padukone: ఈ బెంగాలీ అమ్మాయి అచ్చం దీపికాలానే ఉందే!

రిజుతా ఘోష్ అనే బెంగాలీ అమ్మాయి ఇండస్ట్రీకి చెందకపోయినా.. ఆ రేంజ్ లో ఫాలోవర్స్ ను పెంచుకునే ప్రయత్నం చేస్తుంది.

By : ABP Desam | Updated at : 14 Jul 2022 03:46 PM (IST)

ఈ బెంగాలీ అమ్మాయి అచ్చం దీపికాలానే ఉందే!

సెలబ్రిటీల పోలికలతో ఉన్న కొందరి ఫొటోలు సోషల్ మీడియాలో వైరల్ అవుతుంటాయి. హృతిక్ రోషన్, సల్మాన్ ఖాన్, ఐశ్వర్యారాయ్ ఇలా చాలా మంది తారలను పోలి ఉన్నవారిని చూశాం. టిక్ టాక్ యాప్ పాపులర్ అయిన సమయంలో ధనుష్, ప్రభాస్, మహేష్ బాబు లాంటి స్టార్స్ కి దగ్గర పోలికలతో ఉన్న వారి వీడియోలు అభిమానులను ఆశ్చర్యపరిచాయి. ఇప్పుడు అచ్చం దీపికా పదుకోన్ మాదిరి ఉన్న అమ్మాయిని చూసి ఫ్యాన్స్ ఆమె ఫొటోలను తెగ షేర్ చేస్తున్నారు.

రిజుతా ఘోష్ అనే బెంగాలీ అమ్మాయి ఇండస్ట్రీకి చెందకపోయినా.. ఆ రేంజ్ లో ఫాలోవర్స్ ను పెంచుకునే ప్రయత్నం చేస్తుంది. ఈమె కలకత్తాకు చెందిన డిజిటల్ క్రియేటర్. మొదట్లో తన సోషల్ మీడియా అకౌంట్ లో వృత్తిపరమైన విషయాలను పోస్ట్ చేస్తూ ఉండేది. ఆ తరువాత మెల్లగా తన ఫొటోలను షేర్ చేయడం మొదలుపెట్టింది. ఆమె ఫొటోలు కొన్ని చూస్తే దీపికాను పోలినట్లు ఉండడంతో నెటిజన్లలో ఆమె ఫాలోయింగ్ పెరిగిపోయింది.

అలానే రిజుతా అందాలను పొగుడుతూ.. ఆమెపై ప్రశ్నల వర్షం కురిపిస్తున్నారు. దీపికా మీకు సిస్టర్ అవుతుందా..? దీపికా 2.0 ఇలా రకరకాల కామెంట్స్ చేస్తున్నారు నెటిజన్లు ప్రస్తుతం ఈ బ్యూటీకి యాభై వేలకు పైగా ఫాలోవర్స్ ఉన్నారు. ఫ్యూచర్ లో ఆ నెంబర్ మరింత పెరిగే ఛాన్స్ ఉంది.

Also Read: నితిన్ పాటకు మహేష్ బాబు స్టెప్పులు - వీడియో వైరల్

Also Read: #JusticeForKoratalaShiva ట్రెండ్ చేస్తోన్న అభిమానులు - అసలేమైందంటే?