Good Luck Sakhi Movie: గుడ్ లక్ సఖి, వచ్చేస్తుంది మీ ఇంటికి, ఓటీటీ స్ట్రీమింగ్ ఎప్పుడంటే?
గుడ్ లక్ సఖి సినిమా ఫిబ్రవరి 12వ తేదీ నుంచి అమెజాన్ ప్రైమ్లో స్ట్రీమ్ కానుంది.
కీర్తి సురేష్ నటించిన ‘గుడ్ లక్ సఖి’ సినిమా ఫిబ్రవరి 12వ తేదీ నుంచి అమెజాన్ ప్రైమ్లో స్ట్రీమ్ కానుంది. ఈ సినిమా జనవరి 28వ తేదీన థియేటర్లలో విడుదల అయింది. విడుదల అయిన 15 రోజులకే ఈ సినిమా ఓటీటీలో స్ట్రీమ్ అవుతూ ఉండటం విశేషం.
ఈ సినిమాకు నగేష్ కుకునూర్ దర్శకత్వం వహించారు. జగపతి బాబు, ఆది పినిశెట్టి కీలక పాత్రల్లో కనిపించారు. ప్రముఖ నిర్మాత 'దిల్' రాజు సమర్పణలో వర్త్ ఏ షాట్ మోషన్ ఆర్ట్స్ పతాకంపై సుధీర్ చంద్ర పదిరి నిర్మించిన ఈ సినిమాకు శ్రావ్య వర్మ సహ నిర్మాత.
గుడ్ లక్ సఖి 2021లోనే ప్రేక్షకుల ముందుకు విడుదల కావాల్సి ఉండగా... చాలా సార్లు వాయిదా పడింది. 2021 నవంబర్ 26వ తేదీన ఈ సినిమా విడుదల కానుందని మొదట నిర్మాతలు ప్రకటించారు. కానీ ఆ తర్వాత అది డిసెంబర్ 10వ తేదీకి విడుదల కానుంది. అనంతరం డిసెంబర్ 10వ తేదీ నుంచి డిసెంబర్ 31వ తేదీకి కూడా వాయిదా వేశారు. చివరికి జనవరి 28వ తేదీన ఈ సినిమా ప్రేక్షకుల ముందుకు వచ్చింది.
థియేటర్లలో గుడ్ లక్ సఖి ప్రేక్షకులను ఆకట్టుకోవడంలో విఫలం అయింది. అయితే ఈ మధ్య ఆడియన్స్ తీర్పు కూడా థియేటర్లకు, ఓటీటీకి వేర్వేరుగా ఉంటుంది. థియేటర్లలో ఫ్లాప్ అయ్యాక, ఓటీటీలో మంచి టాక్ తెచ్చుకున్న సినిమాలు, థియేటర్లలో హిట్ అయినా.. ఓటీటీ ప్రేక్షకులు పెదవి విరిచిన సినిమాలు చాలానే ఉన్నాయి. కాబట్టి గుడ్ లక్ సఖికి ఓటీటీ ప్రేక్షకులు ఏ తీర్పు ఇస్తారో చూడాలి మరి!
View this post on Instagram
టాప్ హెడ్ లైన్స్
ట్రెండింగ్ వార్తలు
