Keerthi Suresh: డేట్ లాక్ చేసుకున్న 'గుడ్ లక్ సఖి'.. రిలీజ్ ఎప్పుడంటే..?

కీర్తి సురేష్ నటించిన 'గుడ్ లక్ సఖి' సినిమా ఎట్టకేలకు ప్రేక్షకుల ముందుకు రాబోతుంది. రిలీజ్ ఎప్పుడంటే..?

డేట్ లాక్ చేసుకున్న 'గుడ్ లక్ సఖి'

నేషనల్ అవార్డ్ విన్నింగ్ యాక్ట్రెస్ కీర్తి సురేష్ టైటిల్‌ పాత్రలో నటించిన లేడీ ఓరియెంటెడ్ సినిమా 'గుడ్ లక్ సఖి'. ఆది పినిశెట్టి హీరోగా నటిస్తోన్న ఈ సినిమాలో విల‌క్ష‌ణ న‌టుడు జగపతి బాబు కీలక పాత్రలో నటిస్తున్నారు. సహ నిర్మాత శ్రావ్య వర్మ నేతృత్వంలో ఎక్కువ మంది మ‌హిళా స‌భ్యుల బృందంతో ఈ చిత్రం రూపొందుతోంది. ఈ సినిమా మొదలుపెట్టి చాలా కాలమవుతున్నప్పటికీ.. కరోనా కారణంగా రిలీజ్ ఆగిపోయింది. మధ్యలో సినిమాను ఓటీటీకి ఇచ్చేస్తున్నట్లు వార్తలు వచ్చాయి. కానీ చిత్రబృందం ఆ వార్తలను కొట్టిపారేసింది. 

కీర్తి సురేష్ బర్త్ డే సందర్భంగా రిలీజ్ చేసిన పోస్టర్‌లో సినిమాను నవంబర్‌లో ప్రేక్షకుల ముందుకు తీసుకురాబోతోన్నట్టు ప్రకటించారు. తాజాగా ఈ చిత్రానికి సంబంధించిన విడుదల తేదీని ప్రకటించారు. ఈ మేరకు రిలీజ్ చేసిన పోస్టర్‌లో కీర్తి సురేష్ తన టార్గెట్‌కు గురిపెట్టినట్టు కనిపిస్తోంది. అంతే కాకుండా ఆ పోస్టర్‌లో ఆది పినిశెట్టి, జగపతి బాబు కూడా కనిపిస్తున్నారు.

నగేష్ కుకునూర్ దర్శకత్వం వహిస్తున్న 'గుడ్ లక్ సఖి' సినిమాని ప్ర‌ముఖ నిర్మాత దిల్‌రాజు సమర్పణలో 'వర్త్ ఏ షాట్ మోషన్ ఆర్ట్స్' బ్యానర్ పై సుధీర్ చంద్ర ప‌దిరి నిర్మిస్తున్నారు. రాక్ స్టార్ దేవిశ్రీ ప్రసాద్ సంగీతం సమకూరుస్తుండ‌గా చిరంతాన్ దాస్ సినిమాటోగ్రఫీ బాధ్య‌త‌లు నిర్వ‌హిస్తున్నారు. ఇప్పటి వరకు విడుదల చేసిన టీజర్, ఇతర ప్రమోషనల్ వీడియోలు, పోస్టర్లకు మంచి రెస్పాన్స్ వ‌చ్చింది.

We can’t wait for you to meet Sakhi on 26th November! ❤️ #GoodLuckSakhi is coming to theatres near you! 👋🏻#GoodLuckSakhiOn26thNov@AadhiOfficial @IamJagguBhai #NageshKukunoor @ThisIsDSP #DilRaju @sudheerbza @shravyavarma @WorthAShotArts @MangoMusicLabel pic.twitter.com/tXMIUPs9zT

— Keerthy Suresh (@KeerthyOfficial) November 1, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి