అన్వేషించండి

Kangana Ranaut: అల్లు అర్జున్, యష్ లకు కంగనా సలహా.. బాలీవుడ్ వలలో పడొద్దంటూ రిక్వెస్ట్..

తాజాగా మరోసారి బాలీవుడ్ పై మండిపడింది కంగనా. సౌత్ స్టార్ ని పొగుడుతూ.. బాలీవుడ్ విషయంలో జాగ్రత్తగా ఉండాలంటూ సూచించింది.

By : ABP Desam | Updated at : 24 Jan 2022 01:09 PM (IST)

అల్లు అర్జున్, యష్ లకు కంగనా సలహా..

బాలీవుడ్ స్టార్ హీరోయిన్ కంగనా రనౌత్ లేడీ ఓరియెంటెడ్ సినిమాలతో మంచి గుర్తింపు తెచ్చుకుంది. ఓ పక్క నటిగా దూసుకుపోతూనే.. తరచూ వివాదాలతో వార్తల్లో నిలుస్తుంటుంది. బాలీవుడ్ లో నెపోటిజం, క్యాస్టింగ్ కౌచ్ ఇలా చాలా విషయాలపై వివాదాస్పద వ్యాఖ్యలు చేసింది కంగనా. స్టార్ కిడ్స్ ను డైరెక్ట్ గా ఎటాక్ చేస్తుంటుంది. రీసెంట్ గా రాజకీయాల్లో కూడా తలదూరుస్తూ.. మహారాష్ట్ర ప్రభుత్వంతో ఫైట్ చేస్తోంది.

తాజాగా మరోసారి బాలీవుడ్ పై మండిపడింది. సౌత్ స్టార్స్ ని పొగుడుతూ.. బాలీవుడ్ విషయంలో జాగ్రత్తగా ఉండాలంటూ సూచించింది. ఈ మధ్యకాలంలో పాన్ ఇండియా సినిమాలు సత్తా చాటుతున్న సంగతి తెలిసిందే. అల్లు అర్జున్ నటించిన 'పుష్ప' సినిమా నార్త్ లో బాగా సక్సెస్ అయింది. ఇప్పుడు దీనికి కొనసాగింపుగా పార్ట్ 2 రాబోతుంది. అలానే యష్ నటించిన 'కేజీఎఫ్ 2' సినిమా పాన్ ఇండియా లెవెల్ లో విడుదల కానుంది.

ఈ క్రమంలో అల్లు అర్జున్, యష్ ల ఫొటోలను షేర్ చేసిన కంగనా.. సౌత్ స్టార్స్ మన దేశ సంస్కృతి, సంప్రదాయాలకు కట్టుబడి ఉంటారని.. వారు తమ కుటుంబాలకు, బంధాలకు ఎక్కువ విలువనిస్తారని.. సినిమాపై వారికున్న ప్యాషన్ ను దేనితో మ్యాచ్ చేయలేమని చెప్పింది కంగనా. సౌత్ హీరోలపై పొగడ్తలు కురిపిస్తూనే.. బాలీవుడ్ మిమ్మల్ని కరెప్ట్ చేయడానికి ప్రయత్నిస్తుందని.. దాని వలలో పడొద్దని సూచించింది కంగనా. ప్రస్తుతం కంగనా చేసిన ఈ కామెంట్స్ వైరల్ అవుతున్నాయి.

'తలైవి' సినిమాతో ప్రేక్షకులను ఆకట్టుకున్న ఈ బ్యూటీ 'తేజస్' అనే సినిమాలో నటిస్తోంది. అలానే తన బ్యానర్ లో డైరెక్టర్ గా ఓ సినిమా చేయబోతుంది. వీటితో పాటు ఇందిరా గాంధీ బయోపిక్ లో ఆమె నటించనుందని తెలుస్తోంది.

Kangana Ranaut: అల్లు అర్జున్, యష్ లకు కంగనా సలహా.. బాలీవుడ్ వలలో పడొద్దంటూ రిక్వెస్ట్..