Kalyan Dev: మిస్సింగ్ యు - పుట్టిన రోజున తన కూతురును తలుచుకుని చిరంజీవి అల్లుడు కల్యాణ్ దేవ్ భావోద్వేగం
చిరంజీవి చిన్నల్లుడు, శ్రీజ భర్త కల్యాణ్ దేవ్ కూతురును తలుచుకుని ఎమోషనల్ అయ్యాడు. కూతురుతో కలిసి తన బర్త్ డే జరుపుకున్న పాత వీడియోను షేర్ చేసి, ఆల్రెడీ మిస్సింగ్ యు అంటూ ఆవేదన వ్యక్తం చేశాడు.
మెగాస్టార్ చిరంజీవి చిన్నల్లుడు, శ్రీజ రెండో భర్త కల్యాణ్ దేవ్ గురించి పెద్దగా పరిచయం అవసరం లేదు. సినిమా హీరోగా ప్రేక్షకులను అలరించినా, తన వ్యక్తిగత విషయాల ద్వారానే అతను బాగా పాపులర్ అయ్యాడు. గతంలో కుటుంబ సభ్యులను ఎదిరించి ప్రేమించిన అబ్బాయితో వెళ్లిపోయి పెళ్లి చేసుకుంది శ్రీజ. ఆ తర్వాత కొంత కాలానికి అతడితో విడిపోయింది. కల్యాదేవ్ ను రెండో వివాహం చేసుకుంది. ప్రస్తుతం వీరిద్దరు కూడా కలిసి ఉండటం లేదనే వార్తలు వినిపిస్తున్నాయి. సోషల్ మీడియాలో వీరిద్దరు పెట్టే పోస్టులే ఈ విషయాన్ని వెల్లడిస్తున్నాయి.
కూతురును తలుచుకుని ఎమోషనల్ పోస్టు పెట్టిన కల్యాణ్ దేవ్
తాజాగా కల్యాణ్ దేవ్ సోషల్ మీడియా వేదికగా ఎమోషన్ పోస్టు పెట్టాడు. తన కూతురు నవిష్కను గుర్తు చేసుకుంటూ ఈ పోస్టు షేర్ చేశాడు. ఫిబ్రవరి 11న కల్యాణ్ దేవ్ బర్త్ డే. ఈ సందర్భంగా గతంలో తన కూతురుతో కలిసి బర్త్ డే జరుపుకున్న వీడియోను ఇన్ స్టాలో షేర్ చేశాడు. తన మనసులోని బాధను బయటపెట్టుకుంటూ ఓ పోస్టు రాశాడు. “నీతో కలిసి ఇలా సెలబ్రేట్ చేసుకోవడం ఇది నాలుగోసారి. నా బర్త్ డేను ఇంతకంటే గొప్పగా మొదలుపెట్టలేను. ప్రతిరోజూ నిన్ను ప్రేమిస్తూనే ఉంటాను. ఇప్పటికే నిన్ను మిస్ అయ్యాను” అంటూ రాసుకొచ్చాడు. తాజాగా జరిగిన నవిష్క బర్త్ డే వేడుకల్లోనూ కల్యాణ్ దేవ్ ఎక్కడా కనిపించలేదు. అప్పుడు కూడా తన కూతురును తలుచుకుంటూ ఓ ఎమోషనల్ పోస్టు పెట్టాడు.
View this post on Instagram
View this post on Instagram
గత కొంత కాలంగా దూరంగా ఉంటున్న కల్యాణ్ దేవ్- శ్రీజ
కల్యాణ్ దేవ్, శ్రీజ రెండో పెళ్లి చేసుకున్నాక, వీరికి ఓ పాప పుట్టింది. ఆమెకు నవిష్క అని పేరు పెట్టారు. అయితే, కొంత కాలంగా శ్రీజ, కల్యాణ్ కలిసి ఉండటం లేదంటూ సోషల్ మీడియాలో వార్తలు వచ్చాయి. త్వరలోనే వీరిద్దరు విడాకులు తీసుకోబోతున్నట్లు కూడా ఊహాగానాలు వినిపించాయి. అయితే, ఈ వార్తలపై కల్యాణ్ దేవ్, శ్రీజ ఎలాంటి కామెంట్స్ చేయలేదు. అయితే, చాలా రోజులుగా కల్యాణ్ దేవ్ తన భార్య, కూతురుకు దూరంగా ఉంటున్నాడు. అటు శ్రీజ తన ఇన్ స్టా గ్రామ్ అకౌంట్ పేరును కొద్ది కాలం కిందటే శ్రీజ కొణిదెలాగా మార్చుకుంది. భర్త కల్యాణ్ దేవ్ ను అన్ ఫాలో చేసింది. ఈ నేపథ్యంలో వారి గురించి వస్తున్న వార్తలు వాస్తవమేనని తేలాయి. అంతేకాదు, మెగా ఫ్యామిలీలో జరిగే ఎలాంటి వేడుకలకు కల్యాణ్ దేవ్ హాజరుకావడం లేదు.
Read Also: తారకరత్నకు విదేశీ వైద్యుల ట్రీట్మెంట్, ప్రస్తుతం ఆయన ఆరోగ్యం ఎలా ఉందంటే?
టాప్ హెడ్ లైన్స్
ట్రెండింగ్ వార్తలు
