Janaki Kalaganaledu April 11th: మనోహర్ దెబ్బకి రామ, జానకి విలవిల- రోడ్డున పడ్డ జ్ఞానంబ పరువు

బిల్డర్ మధుని హత్య కేసు నుంచి తప్పించడం కోసం మనోహర్ రామని ఇరికిస్తాడు. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

జానకి ఇంట్లో లేకపోవడంతో జ్ఞానంబ ఎక్కడికి వెళ్ళిందని నిలదీస్తుంది. అర్జంట్ పని ఉంటే నేనే స్టేషన్ కి వెళ్ళమని చెప్పానని రామ అంటాడు. దీంతో జ్ఞానంబ కోపంగా సర్పంచ్ కి ఫోన్ చేసి పీటల మీద విష్ణు, మల్లిక కూర్చుంటారని చెప్పు. సౌభాగ్య వ్రతం రోజు ఇలాగే జరిగింది. తన ఉద్యోగం అలాంటిది. తను ఏ పని మీద వెళ్లిందో తెలుసా? జానకి వెళ్లేటప్పుడు నాకు ఎందుకు చెప్పలేదని కోపంగా అడుగుతుంది. సందు దొరికింది కదా అని మల్లిక మరింత ఎగేసేలా మాట్లాడుతుంది. జానకి మీద ఉన్న ప్రేమని పక్కన పెట్టి ఆలోచించమని మల్లిక అంటుంది. సర్పంచ్ అడగ్గానే ఎవరి అనుమతి తీసుకోకుండా పెద్ద కొడుకు, కోడలు కూర్చుంటారని చెప్పారు. ఇప్పుడు వాళ్ళ స్థానంలో మేము కూర్చుంటే ఎంగిలి కూడు కోసం ఆశపడినట్టు ఉంటుందని మల్లిక దెప్పి పొడుస్తుంది. జ్ఞానంబ మాత్రం గుడికి వెళ్ళేలోపు జానకి ఇంటికి రావాల్సిందేనని చెప్పేసి వెళ్ళిపోతుంది.

మనోహర్ స్టేషన్ లో ఎవరి కోసమో ఎదురుచూస్తూ ఉంటే జానకి వచ్చి ఎస్పీ దగ్గరకి వెళ్దామా అని అడుగుతుంది. అప్పుడే కానిస్టేబుల్ ఒక వ్యక్తిని పట్టుకుని ఈడ్చుకుంటూ వస్తాడు. అది గమనించి ఎస్పీ దగ్గరకి వెళ్దామని నటిస్తాడు. కానిస్టేబుల్ తెచ్చిన వ్యక్తి దగ్గర మత్తు పదార్థాలు దొరికాయని ఎస్సైకి ఇస్తాడు. వచ్చాక ఈ కేసు చూద్దాం ముందు ఎస్పీ దగ్గరకి వెళ్దామని జానకి అంటుంది కానీ మనోహర్ మాత్రం ఆ కేసు కంటే ఇదే ముఖ్యమని వాడిని కొడతాడు. ఈ మత్తు పదార్థాలు రామ దగ్గర కొన్నాను అతనే అమ్ముతాడని చెప్పేసరికి ఎవరు ఆ రామ అని ఎస్సై ఏమి తెలియనట్టు అడుగుతాడు. మిఠాయి బండి రామ అని చెప్పేసరికి జానకి వాడి చెంప పగలగొడుతుంది. చంపేస్తాను ఇంకోసారి ఆ పేరు నీ నోటి నుంచి వచ్చిందంటే ఏదో ఒక పేరు చెప్పి తప్పించుకోవాలని అనుకుంటున్నావా తిడుతుంది.

నిజంగా రామ దగ్గర కొన్న ఎప్పటి నుంచో అతని దగ్గరే కొంటున్నానని అంటాడు. వీడు అబద్ధం చెప్తున్నాడు వీడి మాటలు నమ్మొద్దని జానకి చెప్తుంది. ఎస్పీని కలిసి తర్వాత గుడికి కళ్యాణంకి వెళ్ళి వచ్చిన తర్వాత చూద్దామని అంటుంది. కానీ మనోహర్ మాత్రం రామ ఇల్లు సెర్చ్ చేయాలని నాటకం ఆడతాడు. అందరి ముందు మాట పడకుండా ఉండాలంటే సెర్చ్ చేయాలని చెప్తాడు. దీంతో జానకి చేసేది లేక మనోహర్ తో కలిసి ఇంటికి బయల్దేరుతుంది. ఇక ఇంటి దగ్గర జానకి ఇంకా రాలేదని మల్లిక సీన్ క్రియేట్ చేస్తుంది. ఎంత చెప్పినా వినకుండా జానకి వెళ్లారు ఇప్పుడు అమ్మ ముందు దోషిగా నిలబడ్డాననని మనసులో అనుకుంటాడు. రామ ఇంట్లో వాళ్ళని కళ్యాణానికి వెళ్ళమని జానకి వచ్చేవరకు ఇంట్లోనే ఉంటానని చెప్తాడు. తన ప్లాన్ వర్కవుట్ అయినందుకు మనోహర్ లోలోపల సంతోషపడతాడు. రామ మళ్ళీ జానకికి కాల్ చేస్తాడు దార్లో ఉన్నానని చెప్పి ఫోన్ కట్ చేస్తుంది. దార్లో ఉన్నారని ఇంట్లో చెప్పేసరికి మల్లిక నవ్వుతుంది.

జానకి దొంగ నోటి వెంట రామ పేరు ఎలా వచ్చిందా అని ఆలోచిస్తున్నానని చెప్పేసరికి మనోహర్ గుటకలు వేస్తాడు. కాసేపటికి జానకి ఇంటికి రావడం చూసి సంతోషపడతారు. అంతలోనే వెనుక నుంచి మనోహర్ రావడం చూసి జ్ఞానంబ షాక్ అవుతుంది. గంజాయి పట్టుకున్న వ్యక్తిని ఇంటికి తీసుకొచ్చి రామని ఎప్పుడైనా చూశావా అని అడుగుతాడు. ఇతను నీ దగ్గర మిఠాయి కొనే కస్టమర్ కాదు నీ దగ్గర రెగ్యులర్ గా నిషిద్ధ మాదక ద్రవ్యాలు కొనే కస్టమర్ అంట అని చెప్పేసరికి అందరూ షాక్ అవతారు.