Hanuman Cast Remuneration: సంక్రాంతి హిట్ కొట్టిన 'హనుమాన్' - ఎవరి రెమ్యునరేషన్ ఎంతో తెలుసా? తేజా సజ్జాకు ఎంతంటే!
Hanuman Cast Remuneration: ప్రస్తుతం తెలుగు ప్రేక్షకులంతా మాట్లాడుకుంటున్న సినిమా 'హనుమాన్'. సూపర్ స్టార్ మహేష్ బాబు సినిమాతో పోటీ ఉన్నప్పటికీ హనుమాన్పైనే అందరి దృష్టి పడింది.
Hanuman Cast Remuneration: ప్రస్తుతం తెలుగు ప్రేక్షకులంతా మాట్లాడుకుంటున్న సినిమా 'హనుమాన్'. సూపర్ స్టార్ మహేష్ బాబు సినిమాతో పోటీ ఉన్నప్పటికీ 'హనుమాన్'పైనే అందరి దృష్టి పడింది. సంక్రాంతికి నాలుగు సినిమాలు రిలీజ్ కాగా అందులో ఎక్కువ బజ్ అందుకుంది మాత్రం 'హనుమాన్' అని చెప్పడంలో సందేహమే లేదు. ఈ సంక్రాంతికి వచ్చే సినిమాల్లో అంతా 'గుంటూరు కారం' వైపే చూశారు. ఈ మూవీ పక్కా హిట్ అనుకున్నారు. కానీ ఈ సినిమా కంటే కూడా 'హనుమాన్' మూవే బెటర్ రివ్యూస్ అందుకుంది.
దాంతో ఇండస్ట్రీ అంతా డైరెక్టర్ ప్రశాంత్ వర్మ గురించే మాట్లాడుకుంటుంది. త్రివిక్రమ్-మహేష్ వంటి దిగ్గజాల సినిమాను సైతం వెనక్కి నెట్టి హిట్ కొట్టడమంటే సాధారణ విషయం కాదు. అదీ కూడా ఓ యంగ్ హీరోతో కలిసి బ్లాక్బస్టర్ హిట్ కొట్టాడు. దాంతో ప్రశాంత్ వర్మ ఇప్పుడు హాట్టాపిక్గా మారాడు. ఇదే టైంలో హనుమాన్ నటీనటుల రెమ్యూనరేషన్ కూడా ఆసక్తిగా మారింది. ఈ లెటేస్ట్ బజ్ ప్రకారం హనుమాన్ కోసం ప్రధాన తారాగణంకు ఇచ్చిన రెమ్యునరేషన్ పది కోట్లు కూడా దాటలేదట. మరి ఈ సినిమా హీరోహీరోయిన్, ప్రధాన పాత్రల రెమ్యునరేషన్ ఎలా ఉందో చూద్దాం!
తేజ సజ్జా రెమ్యునరేషన్
చైల్డ్ ఆర్టిస్ట్ నుంచి హీరోగా ఎదిగిన తేజ సజ్జా.. అద్భుతం, జాంబిరెడ్డి వంటి సినిమాలతో హీరోగా మెప్పించాడు. తనదైన యాక్టింగ్ స్కిల్స్తో హనుమాన్ వంటి పాన్ ఇండియా సినిమాలో లక్కీ చాన్స్ కొట్టేశాడు. ఈ సినిమాలో సెటిల్డ్ యాక్టింగ్తో ఆకట్టుకున్న తేజా సజ్జా హనుమాన్ కోసం దాదాపు రూ. 2 కోట్ల రెమ్యునరేషన్ తీసుకున్నట్టు సమాచారం.
వరలక్ష్మీ శరత్ కుమార్ పారితోషికం
తెలుగు, తమిళ్లో లేడీ విలన్ పాత్రలకు కేరాఫ్ అడ్రస్గా మారారు వరలక్ష్మీ శరత్ కుమార్. ఉమెన్ ఒరియెంటెడ్ చిత్రాలతో పాటు పెద్ద హీరోలు, పాన్ ఇండియా చిత్రాల్లో లేడీ విలన్గా అలరిస్తున్నారు. అంతేకాదు పలు వెబ్సిరీస్లోనూ నటిస్తున్న వరలక్ష్మీ.. హనుమాన్లో హీరోకు అక్కగా నటించి అందరి దృష్టిని ఆకట్టుకున్నారు. ఇందుకు గాను వరలక్ష్మీ శరత్ కుమార్ రూ. 1 కోటీ నుంచి రూ. 1.5 కోట్ల వరకు తీసుకుందని తెలుస్తోంది.
డైరెక్టర్గా ప్రశాంత్ వర్మ రెమ్యునరేషన్
అ! వంటి తొలి సినిమాతో టాలెంటెడ్ డైరెక్టర్గా నిరూపించుకున్న ప్రశాంత్ వర్మ. ఆ తర్వాత కల్కి, జాంబీ రెడ్డి చిత్రాలతో మంచి పేరు సంపాదించుకున్నాడు. ఇప్పుడు సూపర్ హీరో జానర్లో హనుమాన్ రూపొందించి బ్లాక్బస్టర్ కొట్టాడు. కేవలం రూ. 55 కోట్ల బడ్జెట్తో 11 భాషల్లో సినిమాను తెరకెక్కించి ఇండస్ట్రీకి బిగ్ హిట్ అందించాడు. ఇక ఈ సినిమాకు ప్రశాంత్ వర్మ తీసుకున్న రెమ్యునరేసన్ రూ.1.5 కోట్లని సమాచారం. దీనిపై అధికారిక సూమాచారం లేదు కానీ, సోషల్ మీడియాలో ఆయన పారితోషికంపై చర్చ నడుస్తోంది.
హీరోయిన్గా అమృత అయ్యర్కు ఎంత ముట్టిందంటే..
ఈ సినిమాలో మీనాక్షిగా అమృత అయ్యార్ కనువిందు చేసింది. హనుమాన్ సినిమాకు అమృత అయ్యర్ అదనపు ఆకర్షణను తీసుకురానున్నట్లు తెలుస్తోంది. ఇక హనుమాన్ మూవీ కోసం అమృత అయ్యర్ సుమారు రూ. కోటీ పారితోషికం తీసుకుందని టాక్.
మిగిలిన కీ పాత్రల పారితోషికం ఇలా ఉంది..!
హనుమాన్ సినిమా కోసం రాజ్ దీపక్ శెట్టి (ఇస్మార్ట్ శంకర్ ఫేమ్) రూ. 85 లక్షలు, పాపులర్ కమెడియన్ వెన్నెల కిశోర్ రూ. 55 లక్షలు, వినయ్ రాయ్ రూ. 65 లక్షల రెమ్యునరేషన్, జబర్దస్త్ కమెడియన్ గెటప్ శ్రీను రూ. 35 లక్షలు రెమ్యునరేషన్ అందుకున్నట్లు సమాచారం.
Before You Go
NTR Sister In Law Politics Entry Rumours | నందమూరి ఫ్యామిలీ నుంచి మరో పొలిటికల్ ఎంట్రీ?
టాప్ హెడ్ లైన్స్
ట్రెండింగ్ వార్తలు
