Gunturu Karam: ‘గుంటూరు కారం’ కొత్త షెడ్యూల్ ఖరారు - త్రివిక్రమ్ ఫేవరేట్ ప్లేస్‌లో షూటింగ్ షురూ!

‘గుంటూరు కారం’ సినిమా కోసం కూడా మహేష్ అభిమానులు ఎంతగానో ఎదురు చూస్తున్నారు. తాజాగా ఈ మూవీకు సంబంధించి కొత్త షెడ్యూల్ ను ప్రారంభించనున్నారు మూవీ టీమ్.

Image Credit: Trivikram/Instagram

Guntur Karam: మాటల మాంత్రికుడు త్రివిక్రమ్ శ్రీనివాస్ ప్రస్తుతం మహేష్ బాబుతో సినిమా చేస్తున్నారు. ఇటీవలే ఈ మూవీకి ‘గుంటూరు కారం’ టైటిల్ ను ఖరారు చేశారు. మహేష్, త్రివిక్రమ్ కాంబోకు మంచి టైమింగ్ ఉంటుంది. గతంలో వచ్చిన సినిమాలు చూస్తే అది అర్థమవుతుంది. అందుకే ఈ ‘గుంటూరు కారం’ సినిమా కోసం కూడా మహేష్ అభిమానులు ఎంతగానో ఎదురు చూస్తున్నారు. తాజాగా ఈ మూవీకు సంబంధించి కొత్త షెడ్యూల్ ను ప్రారంభించనున్నారు మూవీ టీమ్. ఒకటి రెండు రోజుల్లో బి.హెచ్.ఇ.ఎల్ లో ఈ షెడ్యూల్ ప్రారంభం కానుందని తెలుస్తోంది. 

త్రివిక్రమ్ ఫేవరేట్ షూటింగ్ ప్లేస్ బి.హెచ్.ఇ.ఎల్..

మహేష్-త్రివిక్రమ్ కాంబోలో వస్తోన్న మూవీ ‘గుంటూరు కారం’ నూతన షూటింగ్ షెడ్యూల్ ను ప్రారంభించనుందని తెలుస్తోంది. ఇందుకు మూవీ టీమ్ హైదరాబాద్ లోని బి.హెచ్.ఇ.ఎల్ కు వెళ్లనుందట. అక్కడే కొన్ని భారీ యాక్షన్ సన్నివేశాలతో పాటు కొన్ని సన్నివేశాలను కూడా చిత్రీకరించనున్నట్లు సమాచారం. నిజానికి త్రివిక్రమ్ శ్రీనివాస్ ఇక్కడ షూటింగ్ చేయడం ఇదేమీ మొదటిసారి కాదు. గతంలో కూడా ఆయన ఇక్కడ షూటింగ్ లు చేశారు. ఆయనకు ఇది ఫేవరేట్ షూటింగ్ కాలనీననట. అందుకే ఆయన తీసిన కొన్ని సినిమాల్లో ఈ కాలనీలో షూటింగ్ లు తీస్తుంటారని టాక్. త్రివిక్రమ్ గతంలో తీసిన ‘జులాయి’, ‘సన్ ఆఫ్ సత్యమూర్తి’ వంటి సినిమాల్లో కొన్ని సన్నివేశాలను ఇక్కడే చిత్రీకరించారట. ఇప్పుడు మళ్లీ మహేష్ బాబు సినిమా కోసం అక్కడకి వెళ్తున్నారట మూవీ టీమ్. మరి ఇక్కడ ఎలాంటి యాక్షన్స్ సీన్స్ తెరకెక్కిస్తారో చూడాలి. 

ఆలస్యం అవుతోన్న ‘గుంటూరు కారం’..

మహేష్-త్రివిక్రమ్ కాంబోలో మూవీ అనగానే మహేష్ అభిమానులు హర్షం వ్యక్తం చేశారు. ఈసారి మరో హిట్ గ్యారెంటీ అని ఫిక్స్ అయిపోయారు. ఈ మూవీ ఎప్పుడు పూర్తవుతుందా ఎప్పుడు చూద్దామా అని ఆశగా ఎదురు చూస్తున్నారు మహేష్ ఫ్యాన్స్. అయితే ఈ మూవీను ప్రకటించి దాదాపు ఏడాది గడించింది. ఇప్పటికీ సగం షూటింగ్ కూడా పూర్తి కాలేదని టాక్. గతంలో రెండు షెడ్యూల్ లు తీసి వాటిని పక్కనపెట్టి మళ్లీ ఇప్పుడు కొత్తగా షూటింగ్ ప్రారంభించారనే టాక్ కూడా ఉంది. సినిమా స్క్రిప్ట్ విషయంలో మంతనాలు జరుగుతున్నాయని, అందుకే మూవీ లేట్ అవుతుందనే టాక్ కూడా వినిపిస్తోంది. 

త్రివిక్రమ్ తీరుపై మహేష్ ఫ్యాన్స్ అసంతృప్తి..

మహేష్ బాబుతో సినిమా అనౌన్స్ చేసిన తర్వాత కూడా త్రివిక్రమ్ పూర్తిగా సినిమాపై దృష్టి పెట్టకుండా ఇతర సినిమా వర్క్స్ కోసం పనిచేస్తున్నాడనే టాక్ రావడంతో మహేష్ అభిమానులు ఫైర్ అవుతున్నారట. మహేష్ సినిమా చేస్తుండగానే అది పక్కన పెట్టి పవన్ కళ్యాణ్ ‘బ్రో’ సినిమా స్క్రిప్ట్ వర్క్ కోసం పనిచేశారనే విమర్శలు రావడం కూడా ఫ్యాన్స్ అసంతృప్తికి కారణం కావచ్చు. మళ్లీ ఇప్పుడు అల్లు అర్జున్ తో తన నెక్స్ట్ సినిమాను ప్రకటించడం కూడా తాజాగా ఫ్యాన్స్ అసహనాన్ని పరీక్షిస్తోంది. ఒక మూవీ సెట్స్ పై ఉండగా మరో మూవీను అనౌన్స్ చేయడం ఏంటని మండిపడుతున్నారట మహేష్ ఫ్యాన్స్. మరి అనుకున్న విధంగా మూవీ షూటింగ్ ను ఫాస్ట్ గా కంప్లీట్ చేసి వచ్చే సంక్రాంతికి రిలీజ్ చేస్తారా లేదా అనేది చూడాలి. 

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.

Join Us on Telegram: https://t.me/abpdesamofficial