Gruhalakshmi June 30th: రంగంలోకి దిగిన లాస్య- అడకత్తెరలో పోకచెక్కలా నలిగిపోతున్న దివ్య

లాస్యకి హాస్పిటల్ లో జాబ్ ఇచ్చేందుకు విక్రమ్ ఒప్పుకోవడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

నందు, తులసి సంతోషంగా ఇంటికి వస్తారు. ఏమైందని మాధవి వాళ్ళు అడుగుతారు. కేఫ్ కి గిరాకీ బాగా దొరికిందని నెలవారీ కాంట్రాక్ట్ దొరికిందని క్రెడిట్ అంతా మీ వదినదేనని నందు మెచ్చుకుంటాడు. దివ్యకి మంచి జరగాలని దానితో బోనం ఎత్తించాలని మొక్కుకున్నా, రేపు వాళ్ళ ఇంటికి వెళ్ళి కూతురు అల్లుడిని తీసుకురావాలని తులసి చెప్తుంది. విక్రమ్ ఆవేశంగా ఇంటికి వచ్చి సీరియస్ గా కూర్చుంటాడు. దివ్య తనని గదిలోకి తీసుకెళ్లాడనికి చూస్తుంది. ఆ ఎస్సై ఏంటి నన్ను అరెస్ట్ చేస్తానని అంటాడు. నేనేమైనా దొంగతనం చేశానా మన డబ్బు మనం తీసుకెళ్లడం కూడా నేరమా? అని విక్రమ్ ఆవేశంగా చిరాకుపడతాడు. సంజయ్ వచ్చి సోరి చెప్పి తప్పు తనదేనని అంటాడు. డబ్బు నేనే తీసుకెళ్తానని పర్మిషన్ లెటర్ కూడా తన దగ్గర పెట్టుకున్నానని చెప్తాడు.

బసవయ్య: ప్రాబ్లం అంతా హాస్పిటల్ ఆడిటర్ లేకపోవడం వల్ల

దివ్య: దానికి దీనికి సంబంధం ఏంటి ఇది మన పొరపాటు

బసవయ్య: ఆడిటర్ ఉంటే విక్రమ్ డబ్బు తీసుకెళ్ళే వాడు కాదు కదా ఇలా కంప్లైంట్ వచ్చేది కాదు

సంజయ్: ఇంత చిన్న విషయానికి పోలీసులు పట్టుకుని గందరగోళం చేస్తారు. ఇప్పుడు ఏం చేయాలో ఏంటో. నాకు ఉన్న టెన్షన్ ఇప్పుడు యాన్యూవల్ రిపోర్ట్

రాజ్యలక్ష్మి: నాకు తెలిసిన ఐడియా నిన్ననే చెప్పాను కదా ఇంకేమీ లేదు చెప్పడానికి

బసవయ్య: మీ వల్ల సంజయ్ ఇరుక్కుపోతాడు. ఇప్పుడున్న పరిస్థితిలో లాస్యనే మనకి ఆప్షన్. వేరే వాళ్ళు దొరకగానే తనని పీకి అవతల పడేద్దాం

విక్రమ్: లాస్యని తీసుకోవడానికి ఒప్పుకుంటున్నా. వేరే మార్గం కనిపించడం లేదు దివ్య హాస్పిటల్ మూసుకోవాల్సిన పరిస్థితి వచ్చింది. కొద్ది రోజులు సర్దుకుపోదామనేసి వెళ్ళిపోతాడు

రాజ్యలక్ష్మి: ఆరోజు ఏమన్నావ్ అక్కడ మీ నాన్న గెలిచాడా? ఇక్కడ నువ్వు గెలిచావా? ఇప్పుడు చెప్పు ఎవరు గెలిచారు. నా కొడుకు న చేజారిపోతుంటే ఎలా ఉంటాను కొట్టాను కదా దెబ్బ

తల్లి మాట వింటున్నాడంటే విక్రమ్ ఇక నా మాట పట్టించుకొడు, నన్ను నమ్మడు. ఇప్పుడు లాస్య ఆంటీకి జాబ్ ఇవ్వడంతో అత్తయ్య బలం పెరిగినట్టేనని దివ్య బాధపడుతుంది. అప్పుడే తులసి దివ్యకి ఫోన్ చేసి బోనాలు పండగ కోసం వస్తున్నామని చెప్తుంది. తల్లి వస్తానని చెప్పేసరికి విషయం ఎక్కడ తెలిసిపోతుందోనని కంగారుపడుతుంది. అమ్మ వాళ్ళు వచ్చినప్పుడు లాస్య మేటర్ బయటకి రాకుండా ఉంటే బాగుందని అనుకుంటుంది. రాజ్యలక్ష్మి లాస్యకి ఫోన్ చేసి గుడ్ న్యూస్ చెప్తుంది.

ఇక రంగంలోకి దిగి ఆట ఆడతానని లాస్య సంబరపడుతుంది. విక్రమ్ ఆలోచిస్తుంటే దివ్య వచ్చి డల్ గా భుజం మీద వాలుతుంది. పెళ్లికి ముందు నా మీద ఎలాంటి అనుమానాలు ఉండేవి కావు కానీ పెళ్ళైన తర్వాత నీకు ప్రతిదీ అనుమానంగానే కనిపిస్తుందని విక్రమ్ అంటాడు. మన మధ్య దూరానికి కారణం మీ అమ్మ అని మనసులో అనుకుని మాట్లాడకుండానే వెళ్ళిపోతుంటే ఆపుతాడు. లాస్య గురించి అంతా తెలిసి తనకి జాబ్ ఇవ్వడం అంటే నన్ను ఇబ్బంది పెట్టడమే. అంతా తెలిసి కూడా ఎందుకు ఇలా చేస్తున్నారు.