Suriya In Dhoom 4: 'ధూమ్ 4'లో సూర్య... బాలీవుడ్ సినిమాలో విలన్‌గా రోలెక్స్‌కు ఛాన్స్?

Suriya Bollywood Movies: కోలీవుడ్ స్టార్ హీరో సూర్య శివకుమార్ బాలీవుడ్ సినిమా చేయబోతున్నారా? యాక్షన్ సినిమాలో విలన్ రోల్ చేయమని ఆయన్ను అడిగారా? అంటే...

సూర్య శివకుమార్

Source : https://www.instagram.com/actorsuriya/

హారర్ సినిమాలకు సీక్వెల్స్ రావడం టాలీవుడ్ అండ్ కోలీవుడ్ ఆడియన్స్ చూశారు. 'బాహుబలి' వంటి భారీ యాక్షన్ అండ్ ఫాంటసీ ఫిలిమ్స్ రెండు పార్టులుగా విడుదల కావడం చూశారు. స్టైలిష్ యాక్షన్ సినిమాలకు సీక్వెల్స్ సౌత్ ఇండస్ట్రీలో తక్కువ. ఆ మాటకు వస్తే... ఇండియన్ సినిమా ఇండస్ట్రీలో యాక్షన్ ఫిలిం ఫ్రాంచైజీ అంటే ప్రేక్షకులకు ముందుగా గుర్తుకు వచ్చేది 'ధూమ్' సిరీస్. ఇప్పుడు ఆ ఫ్రాంచైజీలో సూర్య చేరే అవకాశాలు ఉన్నాయని ముంబై టాక్.

ధూమ్ 4... సూర్యకు విలన్ ఛాన్స్?
'ధూమ్' సిరీస్ సినిమాలకు నార్త్ ఇండియా తో పాటు సౌత్ ఇండియా ప్రేక్షకులలో కూడా ఫ్యాన్ ఫాలోయింగ్ బాగుంది. 'ధూమ్' మొదటి సినిమాలో జాన్ అబ్రహం విలన్ రోల్ చేశారు. రెండో సినిమా వచ్చేసరికి బాలీవుడ్ గ్రీకు వీరుడు హృతిక్ రోషన్ నెగిటివ్ షేడ్స్ ఉన్న పాత్రలో నటించి ప్రేక్షకులు అందరినీ మెప్పించారు. 'ధూమ్ 3' వచ్చేసరికి బాలీవుడ్ మిస్టర్ పర్ఫెక్షనిస్ట్ ఆమిర్ ఖాన్ డ్యూయల్ రోల్ చేశారు. ఆయన విలనిజం చూసి ప్రేక్షకులు కొత్తగా ఫీలయ్యారు. 

ఇప్పుడు 'ధూమ్ 4' సినిమాలో విలన్ రోల్ చేయాల్సిందిగా కోలీవుడ్ స్టార్ హీరో సూర్యను యష్ రాజ్ ఫిలిమ్స్ అప్రోచ్ అయ్యిందట. మరి, సూర్య ఏం చెప్పారు? అనేది ప్రస్తుతానికి సస్పెన్స్!

ప్రతినాయకుడిగా కనిపించడం సూర్యకు కొత్త ఏమీ కాదు. ఫస్ట్ టైం '24' సినిమాలో ఆయన విలన్ రోల్ చేశారు. అయితే అందులో హీరో కూడా ఆయనే. ఆ తర్వాత లోకనాయకుడు కమల్ హాసన్ కథానాయకుడిగా లోకేష్ కనకరాజు రూపొందించిన 'విక్రమ్' సినిమాలో మరోసారి విలన్ వేషం వేశారు. 'విక్రమ్' సినిమాలో సూర్య పాత్ర నిడివి తక్కువే. అయినా సరే రోలెక్స్ ప్రేక్షకులకు విపరీతంగా నచ్చింది. ఆ సినిమా వరకు ఆయన విలన్ కాదు. ఎందుకంటే... ఆ సినిమా తర్వాత రోలెక్స్ పాత్రను బేస్ చేసుకుని ఒక సినిమా తీయాలని లోకేష్ కనకరాజు ప్లాన్ చేస్తున్నారు.'కేజిఎఫ్', 'సలార్' తరహాలో రోలెక్స్ క్యారెక్టర్ ఆ సినిమాలో హీరో అవుతుంది. మరి 'ధూమ్ 4' సినిమాకు సూర్య ఓకే చెబుతారా? లేదా? అనేది చూడాలి.

Suriya Upcoming Movies: సూర్య కథానాయకుడిగా శివ దర్శకత్వం వహించిన పీరియాడిక్ ఫాంటసీ యాక్షన్ ఫిలిం 'కంగువ' త్వరలో విడుదలకు రెడీ అవుతోంది. తొలుత అక్టోబర్ 10న ఆ సినిమాను విడుదల చేయాలని ప్లాన్ చేసినా... సూపర్ స్టార్ రజనీకాంత్ 'వేట్టయాన్' రావడంతో వాయిదా వేశారు. ఇప్పుడు కొత్త విడతల తేదీ కోసం చూస్తున్నారు. 'కంగువ' కాకుండా కార్తీక్ సుబ్బరాజ్ దర్శకత్వంలో ఓ సినిమా చేస్తున్నారు. కమల్ హాసన్ నిర్మాణంలో ఓ సినిమా చేయడానికి సూర్య మరో సినిమా చేసే అవకాశాలు ఉన్నాయని సమాచారం.