Allu Arjun Remuneration: షారూఖ్‌ను బీట్ చేసిన బన్నీ... 'పుష్ప 2'తో ఇండియాలోనే హయ్యస్ట్ పెయిడ్ యాక్టర్‌గా నయా రికార్డ్‌ - బాలీవుడ్ ఏమంటుందో తెలుసా?

Allu Arjun fee for Pushpa 2: 'పుష్ప 2'కు బన్నీ భారీ పారితోషికం తీసుకున్నట్టు ప్రచారం జరుగుతోంది. దీంతో ఆయన నెంబర్ వన్ హయ్యెస్ట్ పెయిడ్ ఇండియన్ యాక్టర్ గా రికార్డును క్రియేట్ చేశారు.

'పుష్ప 2'కు అల్లు అర్జున్ రెమ్యూనరేషన్ ఎంతో తెలుసా?

Source : twitter

ఇండస్ట్రీలో స్టార్స్ రెమ్యూనరేషన్ అనేది ఎప్పుడూ హాట్ టాపిక్కే. అయితే ఈ లిస్టులో టాప్ ప్లేస్ లో ఉండే స్టార్స్ పేరు ఎప్పటికప్పుడు మారుతూ ఉంటుంది. ఫేమ్ పెరిగే కొద్దీ రెమ్యూనరేషన్ కూడా పెరుగుతుంది అన్న సంగతి తెలిసిందే. ఇలా క్రేజ్ ను బట్టి హైయెస్ట్ పెయిడ్ స్టార్ స్టేటస్ అందుకునే సెలబ్రిటీల పేర్లు కూడా మారుతాయి. తాజాగా ఐకాన్ స్టార్ అల్లు అర్జున్ ఇండియాలోనే అత్యధిక పారితోషికం (Allu Arjun Remuneration) అందుకుంటున్న స్టార్ హీరోగా నిలిచాడు. మరి ఆయన రెమ్యూనరేషన్ ఎంత అనే వివరాల్లోకి వెళితే...

'పుష్ప 2' కోసం 300 కోట్లు తీసుకున్న బన్నీ?
క్రియేటివ్ డైరెక్టర్ సుకుమార్ దర్శకత్వంలో అల్లు అర్జున్ హీరోగా నటించిన "పుష్ప 2 : ది రూల్" (Pushpa 2 The Rule) మూవీ డిసెంబర్ మొదటి వారంలో రిలీజ్ కాబోతోంది. తాజాగా ఈ సినిమాకు సంబంధించిన ట్రైలర్ ని నవంబర్ 17న రిలీజ్ చేయబోతున్నట్టు వెల్లడించారు. ఈ మూవీ గురించి ప్రపంచవ్యాప్తంగా ఉన్న మూవీ లవర్స్ అందరూ ఈగర్ గా వెయిట్ చేస్తున్నారు. ఈ నేపథ్యంలోనే తాజాగా ఈ చిత్రానికి సంబంధించి స్టార్స్ తీసుకుంటున్న రెమ్యూనరేషన్ వివరాలు వెల్లడయ్యాయి.

'పుష్ప' పార్ట్ వన్ లో అద్భుతంగా నటించి జాతీయ అవార్డును తన ఖాతాలో వేసుకున్నారు అల్లు అర్జున్. అయితే ఈ సీక్వెల్ కోసం ఆయన తీసుకుంటున్న రెమ్యూనరేషన్ మాత్రం అందర్నీ నోర్లు వెళ్లబెట్టేలా చేస్తోంది. "పుష్ప 2" కోసం అల్లు అర్జున్ ఏకంగా రూ. 300 కోట్లు పారితోషికంగా తీసుకుంటున్నారు అన్న వార్త సంచలనంగా మారింది. దీంతో ఆయన అత్యధిక పారితోషికం అందుకుంటున్న భారతీయ నటుల స్థానంలో మొదటి స్థానంలో నిలిచాడు. దీంతో ఆయన రజనీకాంత్, షారుక్ ఖాన్ వంటి స్టార్ హీరోలను పారితోషికం విషయంలో బీట్ చేసినట్టుగా తెలుస్తోంది. 

ఇది వరకు ఇండియాలోనే అత్యధిక పారితోషికం తీసుకునే నటుల్లో ప్రభాస్, షారుక్ ఖాన్, రజనీకాంత్, విజయ్ వంటి స్టార్స్ ఉన్నారు. తాజా సమాచారం ప్రకారం అల్లు అర్జున్ "పుష్ప 2" కోసం ఏకంగా 300 కోట్లు పారితోషకంగా అందుకుని వీరందరిని వెనక్కి నెట్టేశారు. "పుష్ప" తర్వాత ఆయన పాపులారిటీ, డిమాండ్ పెరగడంతో రెమ్యూనరేషన్ కూడా ఈ రేంజ్ లో పెరిగిందని టాక్ నడుస్తోంది. షారుక్ ఖాన్ నిన్న మొన్నటిదాకా ఒక్కో సినిమాకు 150 నుంచి 250 కోట్లు వసూలు చేసి, ఇండియాలోనే హయ్యెస్ట్ పెయిడ్ యాక్టర్స్ లిస్ట్ లో మొదటి స్థానంలో ఉన్నారు. ఆ తర్వాత విజయ్ 170 నుంచి 275 కోట్లతో విజయ్ రెండవ స్థానంలో ఉన్నారు. అయితే తాజాగా అల్లు అర్జున్ 300 కోట్లతో ఈ లిస్టులో డైరెక్టుగా ఫస్ట్ ప్లేస్ లోకి వెళ్ళిపోయారు. ఈ విషయం తెలిసి ఏదేమైనా ఇది పుష్ప గాడి రూల్ అంతే అంటూ బన్నీ ఫ్యాన్స్ కాలర్ ఎగరేస్తున్నారు.  

ఇదిలా ఉండగా మామూలుగానే 'పుష్ప 2'పై హైప్ ఓ రేంజ్ లో ఉంది. ఇక ఇప్పుడు ఈ మూవీలో సమంత, శ్రీలీల ఎంట్రీ ఉంటుందనే వార్తలతో అంచనాలు ఆకాశాన్ని తాకాయి. "పుష్ప 2" డిసెంబర్ 5న థియేటర్లలోకి రానుంది.