GoPro Hero 12 Black: గోప్రో హీరో బ్లాక్ 12 సేల్ మొదలైపోయింది - కొత్త దాంట్లో ఏం అప్‌గ్రేడ్స్ వచ్చాయి!

గోప్రో హీరో 12 బ్లాక్ యాక్షన్ కెమెరా సేల్ ప్రారంభం అయింది. ఈ కెమెరా ధర మనదేశంలో రూ.45 వేల నుంచి ప్రారంభం కానుంది.

గోప్రో హీరో 12 బ్లాక్ సేల్ ప్రారంభం అయింది.

Source : GoPro

గోప్రో హీరో 12 బ్లాక్ యాక్షన్ కెమెరా సేల్ మనదేశంలో ప్రారంభంలో అయింది. దీనికి ముందు వెర్షన్‌తో కంపేర్ చేస్తే కంపెనీ ఇందులో చాలా మార్పులు చేసింది. ఈ కొత్త యాక్షన్ కెమెరాలో కంపెనీ జీపీ2 ప్రాసెసర్‌ అందుబాటులో ఉంది. ముందు వెర్షన్ తరహాలోనే పెద్ద 8:7 సెన్సార్‌ను కూడా ఇందులో చూడవచ్చు. గో ప్రో హీరో 12 బ్లాక్‌లో కొత్త ఫీచర్లు కూడా అందుబాటులోకి రానున్నాయి. దీని బాక్స్‌‌లో ఎండ్యురో బ్యాటరీని కూడా ఈసారి అందించారు. ఈ బ్యాటరీ ద్వారా గోప్రో హీరో 12 బ్లాక్ రెట్టింపు బ్యాటరీ బ్యాకప్ అందించనుంది.

గోప్రో హీరో 12 బ్లాక్ ధర
ఇందులో స్టాండర్డ్ వేరియంట్ ధర రూ.45,000గా ఉంది. దీంతోపాటు క్రియేటర్స్ ఎడిషన్ కూడా లాంచ్ అయింది. దీన్ని కొనాలనుకుంటే రూ.65,000 పెట్టాల్సిందే. క్రియేటర్ ఎడిషన్‌లో యాక్షన్ కెమెరాతో పాటు మీడియా మోడ్, లైట్ మోడ్, వోల్టా గ్రిప్ కూడా రానున్నాయి. ఇందులో కేవలం బ్లాక్ కలర్ మోడల్ మాత్రమే అందుబాటులో ఉంది.

దీనికి సంబంధించిన సేల్ ప్రముఖ ఆన్‌లైన్‌, ఆఫ్‌లైన్ రిటైలర్ల వద్ద ఇప్పటికే ప్రారంభం అయింది. గో ప్రో హీరో 11 బ్లాక్ ధరను కూడా మనదేశంలో తగ్గించారు. ప్రస్తుతం మనదేశంలో ఇది రూ.40,999కే అందుబాటులో ఉంది.

గోప్రో హీరో 12 స్పెసిఫికేషన్లు
గోప్రో హీరో 12 కొత్త మోడల్ చూడటానికి ముందు వెర్షన్ తరహాలోనే ఉంది. కానీ కొన్ని మార్పులు అయితే చేశారు. 5.3కే, 4కే రిజల్యూషన్‌లో షూట్ చేసే వీడియోలకు హెచ్‌డీఆర్ సపోర్ట్‌ను గోప్రో తీసుకువచ్చింది. ఇందులో కొత్త వర్టికల్ క్యాప్చర్ మోడ్ కూడా అందుబాటులో ఉంది. దీని ద్వారా 9:16 యాస్పెక్ట్ రేషియోలో వీడియోలు రికార్డు చేసే అవకాశం ఉంటుంది. టైమ్‌ ర్యాప్, టైమ్‌ ల్యాప్స్, నైట్ ఎఫెక్ట్స్, నైట్ ల్యాప్స్ వంటి ఫీచర్లు కూడా గోప్రో హీరో 12 8:7 మోడ్‌లో అందుబాటులో ఉన్నాయి.

ఆటోబూస్ట్ ఉన్న హైపర్‌స్మూత్ 6.0 ఫీచర్ కూడా గోప్రో హీరో 12లో ఉంది. దీని ద్వారా మరింత స్టెబిలైజేషన్ కూడా లభించనుంది. అలాగే నాలుగు రెట్లు ఎక్కువ డేటాను ఈ కొత్త మోడల్ అందించనుందని కంపెనీ తెలిపింది. మీరు గోప్రోలో ఫొటోలు దిగాలనుకుంటే ఇంటర్వల్ ఫొటో అనే ఫీచర్ కూడా అందించారు. ఈ ఫీచర్ ద్వారా 0.5 సెకన్ల నుంచి 120 సెకన్ల వరకు టైమర్‌తో ఫొటోలు తీసుకోవచ్చు.

వైర్‌లెస్ ఆడియో రికార్డింగ్ ఫీచర్‌ను కూడా కంపెనీ అందుబాటులోకి తీసుకువస్తుంది. వినియోగదారులు తమ బ్లూటూత్ ఇయర్‌ఫోన్స్‌ను కనెక్ట్ చేసుకుని ఆడియో కూడా రికార్డు చేసుకోవచ్చు. వాయిస్ కమాండ్లను కూడా వైర్‌లెస్‌గా వినవచ్చు. గోప్రో హీరో 12 బ్లాక్‌కు ఒకేసారి నాలుగు బ్లూటూత్ డివైస్‌లు కనెక్ట్ చేసే అవకాశం ఉంది.

ఈ కొత్త గోప్రో హీరో 12 బ్లాక్‌లో జీపీ2 ప్రాసెసర్‌ను అందించారు. 8:7 యాస్పెక్ట్ రేషియో ఉన్న 1/1.9 అంగుళాల సెన్సార్ కూడా అందించారు. ఈ కెమెరాకు 2.27 అంగుళాల టచ్ డిస్‌ప్లేను కూడా అటాచ్ చేశారు. వెనకవైపు టచ్ ఫీచర్ లేని 1.4 అంగుళాల డిస్‌ప్లే ఉంది. కేస్ లేకుండానే 10 మీటర్లు లేదా 33 అడుగుల లోతు వరకు వాటర్ ప్రూఫ్ రేటింగ్‌ను గోప్రో హీరో 12 పొందింది. ఈ యాక్షన్ కెమెరాలో 1720 ఎంఏహెచ్ ఎండ్యురో బ్యాటరీని కూడా అందించారు. ప్రస్తుతం ఉన్న మోడల్ కంటే రెండు రెట్లు ఎక్కువ బ్యాటరీ బ్యాకప్‌ను గోప్రో 12 ద్వారా అందించనున్నట్లు కంపెనీ ప్రకటించింది.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial