Gadar 2 Movie: అనిల్ శర్మ ప్రొడక్షన్స్ పై అమీషా పటేల్ ఆగ్రహం, అసలు ఏం జరిగిందంటే?

సన్నీ డియోల్‌, అమీషా పటేల్ నటించిన తాజా చిత్రం ‘గదర్-2‘. ఈ మూవీ షూటింగ్ చివరి రోజు చిత్ర నిర్మాణ సంస్థ కారణంగా ఎన్నో ఇబ్బందులు పడ్డామని అమీషా వెల్లడించింది. అనిల్ శర్మ ప్రొడక్షన్స్ పై మండిపడింది.

అమీషా పటేల్(Photo Credit: Ameesha Patel/Twitter)

నటి అమీషా పటేల్ గురించి పెద్దగా పరిచయం అవసరం లేదు. తెలుగులో ఎన్నో సినిమాల్లో నటించింది. బ్లాక్ బస్టర్ హిట్స్ అందుకుంది. కొంతకాలం పాటు టాలీవుడ్ లో టాప్ హీరోయిన్ గా కొనసాగింది. 2000లో హీరోయిన్ గా సినీ కెరీర్ మొదలు పెట్టింది.  తెలుగుతో పాటు హిందీలోకి ఒకేసారి ఎంట్రీ ఇచ్చింది. టాలీవుడ్ లో స్టార్ హీరోలు అందరితో కలిసి నటించింది. అగ్రతారగా చలామణి అయ్యింది. ఆ తర్వాత బాలీవుడ్ లోకి అడుగు పెట్టింది. అక్కడ కూడా సక్సెస్ ఫుల్ గా కెరీర్ కొనసాగిస్తోంది. ప్రస్తుతం పలు బాలీవుడ్ సినిమాల్లో బిజీ బిజీగా గడుపుతోంది. హిందీతో పాటు పంజాబీ సినిమాల్లోనూ నటిస్తోంది. ప్రస్తుతం ఆమె నటించి ‘గదర్ 2’ చిత్రంతో ప్రేక్షకుల ముందుకు రాబోతోంది. ఈ నేపథ్యంలోనే ఈ సినిమా నిర్మాణ సంస్థ తీరుపై అమీషా సోషల్ మీడియా వేదికగా నిప్పులు చెరిగింది.

అమీషా ఆగ్రహానికి కారణం ఏంటంటే?

అమీషా నటించిన తాజా చిత్రం ‘గదర్ 2’ సినిమా షూటింగ్ మేలో పూర్తి అయ్యింది. చివరి షెడ్యూల్ సందర్భంగా చిత్ర నిర్మాణ సంస్థ వ్యవహార తీరుపై ఆమె నిప్పులు చెరిగింది. సోషల్ మీడియాలో వరుస ట్వీట్లు పెడుతూ తనలోని కోపాన్నిఅంతా బయటపెట్టింది. చివరి షెడ్యూల్ షూటింగ్ లో పడిన బాధలు అన్నింటినీ వెళ్లగక్కింది.  ఈ సినిమా నిర్మాణంలో భాగస్వామి అయిన అనిల్ శర్మ ప్రొడక్షన్స్‌  కనీసం తమ భోజనం, వసతి, రవాణాకు సంబంధించిన  బిల్లులు కూడా చెల్లించలేదని ఫైర్ అయ్యింది. తన పట్లనే కాదు, మొత్తం సినిమా షూటింగ్ బృందం విషయంలోనూ అనిల్ శర్మ ప్రొడక్షన్స్‌  ఇలాగే వ్యవహరించిందని అమీషా తెలిపింది. మేకప్ ఆర్టిస్టులు, కాస్ట్యూమ్ డిజైనర్లు, సాంకేతిక నిపుణులు, ఇతర సిబ్బందికి ఇవ్వాల్సిన డబ్బులు కూడా ఇవ్వలేదని చెప్పింది. షూటింగ్ చివరి రోజున చండీగఢ్ విమానాశ్రయానికి వెళ్లేందుకు కనీసం ప్రయాణ ఖర్చులు కూడా ఇవ్వలేదని వెల్లడించింది. నటీనటులకు కనీసం వాహనాలు సమకూర్చలేదని చెప్పుకొచ్చింది. షూటింగ్ అయ్యాక సిబ్బందిని వదిలేసి నిర్మాణ సంస్థ ప్రతినిధులు వెళ్లిపోయారని చెప్పింది.  

Another concern of fans has been about certain incidents regarding ANIL SHARMA PRODUCTIONS to have taken place in regards to the final schedule of GADAR 2 that took place end May in CHANDIGARH!! 1/4

— ameesha patel (@ameesha_patel) June 30, 2023

There were certain queries that many technicians like make up artists,costume designers n others etc did not receive their rightful remuneration and dues from ANIL SHARMA PRODUCTIONS!!Yes they did not !! But @ZeeStudios_ stepped in and made sure all dues were settled as they are…

— ameesha patel (@ameesha_patel) June 30, 2023

జీ స్టూడియోస్ కు అమీషా స్పెషల్ థ్యాంక్స్

విషయం తెలిసి జీ స్టూడియోస్ సంస్థ ప్రతినిధులు అక్కడికి చేరుకుని పరిస్థితిని సరిదిద్దారని అమీషా తెలిపింది. అనిల్ శర్మ ప్రొడక్షన్స్ చేసిన తప్పులను వారు సరి చేసినట్లు చెప్పుకొచ్చింది. ఈ సమస్యను పరిష్కరించిన షరీక్ పటేల్, నీరజ్ జోషి, కబీర్ ఘోష్, నిశ్చిత్ కు ప్రత్యేక ధన్యవాదాలు చెప్పింది.  జీ స్టూడియోస్ టీమ్ ఎప్పుడు టాప్ లోనే ఉంటుందని ప్రశంసలు కురిపించింది. సన్నీ డియోల్‌, అమీషా పటేల్ నటిస్తున్న ‘గదర్ 2’ చిత్ర నిర్మాణ పనులను అనిల్ ప్రొడక్షన్స్ సంస్థ పర్యవేక్షిస్తోంది.

Yes from accommodation, to transport to Chandigarh airport on the final day to food bills were left unpaid and cars were not provided to certain cast and crew members leaving them stranded ! But yet again @zeestudios stepped in and corrected these issues caused by ANIL SHARMA…

— ameesha patel (@ameesha_patel) June 30, 2023

All involved in the film are aware that the production of GADAR 2 was being handled by ANIL SHARMA PRODUCTIONS which unfortunately misfired numerous times but @ZeeStudios_ always rectified issues!! A special thanks to them especially Shariq Patel,Neeraj Joshi, Kabeer Ghosh and…

— ameesha patel (@ameesha_patel) June 30, 2023