Pakka Commercial: గోపీచంద్ ‘పక్కా కమర్షియల్’ గ్లింప్స్ చూశారా... గురి చూసి కొట్టాడుగా

చాలా ఏళ్లుగా హిట్లు లేక డీలాగా ఉన్న హీరో గోపీచంద్ ‘పక్కా కమర్షియల్’ హిట్ కొట్టేందుకు వస్తున్నాడు.

(Image credit: Twitter)

ఆరడుగుల హీరో గోపీచంద్ ‘పక్కా కమర్షియల్’గా అతి త్వరలో ప్రేక్షకుల ముందు రావడానికి సిద్ధమైపోతున్నాడు. ముందుగా తన సినిమా ఫస్ట్ గ్లింప్స్ ను అభిమానుల కోసం వదిలాడు. అందులో మ్యాన్లీగా నడుస్తూ వెళుతున్న గోపీచంద్, అంతే స్టైలిష్ గా ప్రేక్షకులను గురి చూసి కన్నుకొట్టాడు. ఫస్ట్ గ్లింప్స్ లో గోపీ చంద్ బాగానే ఆకట్టుకున్నాడు. త్వరలోనే ట్రైలర్, టీజర్ విడుదల కాబోతున్నాయి. నవంబర్ 8న టీజర్ రానున్నట్టు గ్లింప్స్ వీడియోలో తెలిపారు. వాటిల్లో గోపీచంద్ పాత్ర గురించి తెలిసే అవకాశం ఉంది. అయితే టైటిల్ చూస్తుంటేనే హీరో పాత్ర పక్కా కమర్షియల్ అయ్యుంటాడని అనుమానం వస్తోంది అభిమానులకు.

ఈ సినిమా యూవీ క్రియేషన్స్, గీతా ఆర్ట్స్ బ్యానర్ పై నిర్మిస్తున్నారు. మారుతి దర్శకత్వం వహిస్తుండగా, బన్నీ వాసు, అల్లు అరవింద్ నిర్మాతలుగా వ్యవహరిస్తున్నారు. గోపీచంద్ సరసన రాశీ ఖన్నా నటిస్తోంది. ఈ సినిమా ఈ ఏడాది మొదట్లోనే ప్రకటించారు. షూటింగ్ మార్చి నుంచి ప్రారంభించారు. దాదాపు ఈ సినిమాను వచ్చే రెండు నెలల్లో విడుదల చేసే అవకాశం ఉంది. కాకపోతే సంక్రాంతి వరకు డేట్లు చాలా టైట్ గా కనిపిస్తున్నాయి. ఎన్నో పెద్ద సినిమాలు విడుదలకు సిద్ధంగా ఉన్నాయి కనుక, పక్కా కమర్షియల్ విడుదల కాస్త ఆలస్యమయ్యే అవకాశం ఉంది. 

ఆయన తాజా సినిమా సీటీమార్ కూడా అంతంతం మాత్రంగానే ఆడింది. కబడ్డీ నేపథ్యంలో వచ్చిన ఈ సినిమా బాక్సాఫీసు వద్ద పెద్దగా వసూళ్లు రాబట్టలేకపోయింది. ప్రస్తుతం డీస్నీ హాట్ స్టార్ లో సీటీమార్ స్ట్రీమింగ్ అవుతోంది. ఇందులో గోపీచంద్, తమన్నా జంటగా నటించారు. భూమిక కీలకపాత్ర పోషించింది. 

Here's Glimpse of #PakkaCommercial!

Teaser will be out on Nov 8th @ 6PM.https://t.co/eyt88S858m@RaashiiKhanna_ #BunnyVas @JxBe #KarmChawla #Raveendar @SKNonline @UV_Creations @GA2Official

— Gopichand (@YoursGopichand) November 4, 2021

Also read: మెగాఫ్యామిలీతో బన్నీ సందడి... వైభవంగా దీపావళి వేడుకలు
Also read: హి ఈజ్ ఎ గ్రాండ్ మాస్టర్... మాస్ హీరోకు క్లాస్ టైటిల్ సాంగ్
ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి