Mathu Vadalara 3 Movie: మత్తు వదలరా... మూడో పార్ట్‌ వస్తుందా? - మూవీ లవర్స్‌కు డైరెక్టర్ రితేష్ సర్‌ప్రైజ్ అనౌన్స్‌మెంట్

శ్రీ సింహా, సత్య ప్రధాన పాత్రల్లో తెరకెక్కిన 'మత్తు వదలరా 2' సక్సెస్ ఫుల్ గా రన్ అవుతోంది. ఈ సందర్భంగా నిర్వహించిన సక్సెస్ సెలబ్రేషన్స్ లో 'మత్తు వదలరా3'పై దర్శకుడు ఇంట్రెస్టింగ్ కామెంట్స్ చేశారు.

‘మత్తువదలా 3‘ ఉంటుందన్న దర్శకుడు రితేష్

Source : Ritesh Rana/Instagram

Mathu Vadalara 3 Announced: యంగ్ హీరో శ్రీ సింహ, కమెడియన్ సత్య, హీరోయిన్ ఫరియా అబ్దుల్లా ప్రధాన పాత్రల్లో తెరకెక్కిన తాజా చిత్రం 'మత్తు వదలరా 2'. రీసెంట్ గా ప్రేక్షకుల ముందుకు వచ్చిన ఈ కామెడీ ఎంటర్ ​ట్రైనర్... తొలి షో నుంచే పాజిటివ్ టాక్ తెచ్చుకుంది. థియేటర్లలో ఆడియెన్స్ ను కడుపుబ్బా నవ్విస్తోంది. బాక్సాఫీస్ దగ్గర మంచి వసూళ్లను సాధిస్తోంది. ఈ నేపథ్యంలో చిత్ర బృందం సక్సెస్ సెలబ్రేషన్స్ నిర్వహించింది. ఈ వేడుకలో దర్శకుడు రితేష్ రానా ఇంట్రెస్టింగ్ కామెంట్స్ చేశారు.

'మత్తు వదలరా 2’ సీక్వెల్ పై క్రేజీ అప్ డేట్  

‘మత్తు వదలరా2’ సినిమాకు ప్రేక్షకుల నుంచి మంచి ఆదరణ లభించడంతో సీక్వెల్ గురించి అదిరిపోయే అప్ డేట్ ఇచ్చారు దర్శకుడు రితేష్ రానా. ‘మత్తు వదలరా 3’ తప్పకుండా ఉంటుందన్నారు. “మత్తు వదలరా 2 సినిమాకు ప్రేక్షకుల నుంచి వస్తున్న స్పందన చూస్తే సంతోషంగా ఉంది. ఈ సినిమాకు కొనసాగింపు ఉంటుంది. కచ్చితంగా ‘మత్తువదలరా 3’ వస్తుంది. ఎప్పుడు వస్తుంది అనేది కచ్చితంగా చెప్పలేను. కానీ, తప్పకుండా వస్తుంది” అని చెప్పుకొచ్చారు. ఇప్పటికే వచ్చిన రెండు సినిమాలు మంచి హిట్ అందుకోవడంతో మూడో భాగంపై ప్రేక్షకులలో మంచి అంచనాలు నెలకొన్నాయి. ఈ సినిమా ఎప్పుడెప్పుడు వస్తుందా? అని ప్రేక్షకులు ఎదురుచూస్తున్నారు. అంతేకాదు, ‘మత్తు వదలరా 2’ సినిమాకు కొనసాగింపుగా సీక్వెల్ వస్తుందా? లేదంటే కొత్త స్టోరీతో తెరకెక్కిస్తారా? అనేది ఆసక్తికరంగా మారింది.

'మత్తు వదలరా 2’పై చిరంజీవి, మహేష్ బాబు ప్రశంసలు

‘మత్తు వదలరా 2’ సినిమా ప్రేక్షకులతో పాటు సినీ సెలబ్రిటీలను ఆకట్టుకుంటున్నది. తాజాగా ఈ సినిమాపై మెగాస్టార్ చిరంజీవి, సూపర్ స్టార్ మహేష్ బాబు ప్రశంసల వర్షం కురిపించారు. ఈ సినిమాలో రాత, తీత, కోత, మోత, ప్రతీది చక్కగా బ్యాలెన్స్ చేశారంటూ దర్శకుడు రితేష్ రానాను చిరంజీవి అభినందించారు. ఈ మధ్యకాలంతో తనను ఎక్కువగా నవ్వించిన సినిమా ఇదే అన్నారు. ఈ సినిమాలో భాగస్వామ్యం అయిన ప్రతి ఒక్కరికీ అభినందనలు చెప్పారు. అటు ఈ సినిమా చూసి నవ్వుల్లో మునిగిపోయామని మహేష్ బాబు చెప్పుకొచ్చారు. ఈ సినిమా చాలా ఎంటర్ టైనింగ్ గా ఉందన్నారు. వెన్నెల కిషోర్ కనిపించినంత సేపు తన కూతురు సితార నవ్వు ఆపుకోలేక పోయిందన్నారు. సత్య కూడా అద్భుతంగా నవ్వించాడని చెప్పారు. ఈ సినిమాలోని ప్రతి యాక్టర్ అద్భుతంగా అలరించారని చెప్పారు. అందరికీ అభినందనలు చెప్పారు.

ఇక ఈ సినిమాలో  శ్రీ సింహా, సత్య, ఫరియా అబ్దుల్లాతో పాటు వెన్నెల కిశోర్, రోహిణి ప్రధాన పాత్రల్లో నటించి ఆకట్టుకున్నారు. ఈ మూవీని క్లాప్ ఎంటర్‌ టైన్‌ మెంట్, మైత్రీ మూవీ మేకర్స్ బ్యానర్లపై చిరంజీవి పెద్దమల్లు, హేమలత పెద్దమల్లు నిర్మించారు. ఈ చిత్రానికి కాల భైరవ మ్యూజిక్ అందించారు.