Chamkeela Angeelesi Song: దుమ్మురేపుతున్న‘చమ్కీల అంగీలేసి’ సాంగ్, సోషల్ మీడియాకు కొత్త వైరస్!

నాని, కీర్తి సురేష్ నటించిన తాజా చిత్రం ‘దసరా’. ఈ నెల 30న విడుదలకానుంది. ఈ సినిమాలోని ‘చమ్కీల అంగీలేసి’ సాంగ్ ఓ రేంజిలో పాపులర్ అయ్యింది. ఈ పాటకు నెటిజన్లు రీల్స్ చేస్తూ ఆకట్టుకుంటున్నారు.

Photo@Keerthy Suresh/instagram and Twitter

నేచురల్ స్టార్ నాని హీరోగా, శ్రీకాంత్ ఓదెల తెరకెక్కించిన సినిమా ‘దసరా’. ఈ చిత్రం మార్చి 30న విడుదల కాబోతోంది. నాని నటించిన తొలి పాన్ ఇండియన్ మూవీ ఇదే. ఇప్పటి వరకు నాని ఎప్పుడూ కనిపించని లుక్ తో ఇందులో అలరించబోతున్నాడు. కీర్తి సురేష్ తో కలిసి పూర్తి స్థాయిలో డీగ్లామర్ పాత్రలో కనిపించబోతున్నాడు. ఇప్పటికే విడుదలైన ఈ చిత్రంలోని టీజర్, పాటలకు అన్ని భాషలలో అద్భుతమైన స్పందన వచ్చింది. సంతోష్ నారాయణన్ విభిన్న ట్రాక్‌‌లతో కూడిన ఆల్బమ్‌‌ను స్కోర్ చేశారు.

భార్యాభర్తల మధ్య పంచాయితీ పాటగా చిత్రీకరణ 

‘దసరా’ మూవీలోని మూడో సింగిల్ గా ‘చమ్కీల అంగీలేసి’ పాట  విడుదలైంది. ఇందులో నాని ‘దసరా’ బుల్లోడిలా కనిపించగా, కీర్తి సురేష్ చీరలో అందంగా కనిపించింది. ఈ పాట ప్రస్తుతం సోషల్ మీడియాను ఊపు ఊపేస్తోంది. సంతోష్ నారాయణన్ డీప్ రూటేడ్ సాంగ్ స్కోర్ చేశారు. పెళ్లిలో భార్యాభర్తలు పరస్పరం వాదులాడుకుంటూ ఒకరిపై ఒకరు కంప్లైంట్ చేసుకునే పాట ఇది. భార్య పాత్ర పోషించిన కీర్తి సురేష్, తన భర్త పెళ్లైన కొత్తలో ఎలాంటి బట్టలు వేసుకునేవాడో, ఎలాంటి జాగ్రత్తలు తీసుకున్నాడో, తర్వాత ఎంత నిర్లక్ష్యంగా ఉంటున్నాడో వివరిస్తుంది. నాని కూడా భర్తగా అలాంటి కంప్లైంట్ చేస్తాడని తెలుస్తోంది.

నెట్టింట్లో హల్ చల్ చేస్తున్న ‘చమ్కీల అంగీలేసి’ రీల్స్

ప్రతి భార్య భర్త రిలేట్ చేసుకునే ఈ పాట నెట్టింట్లో ఓ రేంజిలో హల్ చల్ చేస్తోంది. ట్విట్టర్, ఫేస్ బుక్, ఇన్ స్టా గ్రామ్ ఎక్కడ చూసినా ఈ పాటకు సంబంధించిన రీల్సే కనిపిస్తున్నాయి. ఒకరికి మించి మరొకరు అదిరిపోయేలా ఫర్ఫార్మెన్స్ ఇస్తున్నారు. చిన్న పిల్లలను నుంచి పెద్దవారి దాకా అద్భుతంగా రీల్స్ చేస్తున్నారు. ‘‘దసరా’’ సినిమాకు ఈ పాట ఓ రేంజిలో హైప్ తీసుకొచ్చింది. నెట్టింట్లోనే కాదు, బయట కూడా ఈ పాట బాగా పాపులర్ అయ్యింది. ఏ ఫంక్షన్ లోనైనా ఈ పాటే వినిపిస్తోంది.

Why are you playing that song so
frequently?
That song: #ChamkeelaAngeelesi #DasaraOnMarch30th pic.twitter.com/Stq6aOqhKq

— dineshuuuuuuuuu (@DineshYadla3) March 28, 2023

#ChamkeelaAngeelesi ❤️#Dasara pic.twitter.com/K6Ov4P0rcr

— 𝙂𝙤𝙙𝙖𝙫𝙖𝙧𝙞𝙠𝙝𝙖𝙣𝙞 𝘿𝙝𝙖𝙧𝙖𝙣𝙞🔥 (@Naveen_Tweetz_) March 20, 2023

#ChamkeelaAngeelesi reel by famous serial actress 🥰❤️#Dasara #Nani pic.twitter.com/BCoHI9yld3

— DASARA (@Gokul_1909) March 23, 2023

Dia movie heroine wishing #Dasara by joining the trending song 🔥🔥#ChamkeelaAngeelesi#DasaraOnMarch30th @NameisNani @KeerthyOfficial @KusheeRavi #Nani #DasaRAWhttps://t.co/aDdhJ6Ue2U pic.twitter.com/MDzLNXhlyn

— P A V A N (@NameisPavan_) March 25, 2023

అద్భుతంగా రాసిన కాసర్ల శ్యామ్, చక్కగా పాడిన రామ్ మిరియాల, దీక్షిత

భార్యాభర్తలకు ఒకరిపై మరొకరికి ఉండే అభిప్రాయాలను రచయిత కాసర్ల శ్యామ్ తన అద్భుతమైన సాహిత్యంతో చక్కగా ఆవిష్కరించారు. రామ్ మిరియాల, థీ అలియాస్ దీక్షిత మళ్ళీ మళ్ళీ వినాలనిపించేలా  చక్కగా పాడారు. ప్రేమ్ రక్షిత్ అదిరిపోయే కొరియోగ్రఫీ అదుర్స్ అనిపించింది. పెళ్లిళ్ల సీజన్‌ లో అన్ని పెళ్లిళ్లలో ఈ పాట ప్లే అవుతుందన్న ముందుగానే చిత్ర బృందం వెల్లడించింది. ప్రస్తుతం అదే నిజమయ్యింది.   

శ్రీ లక్ష్మీ వెంకటేశ్వర సినిమాస్ బ్యానర్‌పై సుధాకర్ చెరుకూరి ‘దసరా’ సినిమాను ప్రతిష్టాత్మకంగా నిర్మించారు.  దీక్షిత్ శెట్టి, సముద్రఖని, సాయి కుమార్, జరీనా వహాబ్ ముఖ్య పాత్రల్లో నటిస్తున్నారు. సత్యన్ సూర్యన్ సినిమాటోగ్రాఫర్ గా వ్యవహరిస్తున్నారు. ‘దసరా’ మూవీ మార్చి 30న తెలుగు, తమిళం, కన్నడ, మలయాళం, హిందీ భాషల్లో ఒకేసారి విడుదలవుతోంది.