Yash: అభిమానం చూపించే పద్ధతి ఇది కాదు - ఫ్యాన్స్ మృతిపై యాశ్ ఆవేదన

Yash Birthday: తాజాగా రాకింగ్ స్టార్ యశ్ పుట్టినరోజు సందర్భంగా బ్యానర్లు కట్టి సెలబ్రేట్ చేసుకుందామని ఫ్యాన్స్ అనుకున్నారు. కానీ అదే ప్రమాదంలో ముగ్గురు ఫ్యాన్స్ మరణించారు. దానిపై యశ్ స్పందించాడు.

Image Credit: Yash/Twitter

Yash Reaction on Fans Death: తమ అభిమాన హీరో పుట్టినరోజు అంటే ఫ్యాన్సే ముందుగా ఎక్కువ ఎగ్జైట్ అవుతుంటారు. వారి పుట్టినరోజును ఒక పండగలాగా చేస్తారు. అందుకే తాజాగా కన్నడ స్టార్ హీరో యశ్ పుట్టినరోజు వేడుకలను కూడా అదే విధంగా ఘనంగా చేయాలనుకున్నారు ఫ్యాన్స్. కానీ అనుకోని విధంగా ఆ వేడుకల్లో అపశృతి జరిగింది. యశ్ బర్త్ డే సందర్భంగా కర్ణాటకలోని సురంగి అనే గ్రామానికి చెందిన ముగ్గురు అభిమానులు బ్యానర్లు ఏర్పాటు చేయడంలో పాల్గొన్నారు. అదే క్రమంలో కరెంటు షాక్ తగిలి మృతిచెందారు. మరో ముగ్గురు ఫ్యాన్స్‌ పరిస్థితి విషమంగా ఉండడంతో ఆసుపత్రిలో చేర్చారు. ఈ విషయంపై యశ్ స్పందించాడు. అంతే కాకుండా తన ఆసుప్రతిలో ఉన్న తన ఫ్యాన్స్‌ను స్వయంగా వెళ్లి కలిశాడు.

పుట్టినరోజు అంటేనే భయమేస్తుంది..
తన బ్యానర్ కడుతూ మృతిచెందిన ఫ్యాన్స్ కుటుంబాలను యశ్ వెళ్లి కలిశాడు. అంతే కాకుండా ఆసుపత్రిలో ఉన్న ఫ్యాన్స్‌ను కూడా వెళ్లి చూసి, వారి ఆరోగ్య పరిస్థితి గురించి తెలుసుకున్నాడు. ఆ తర్వాత మీడియా ముందుకు వచ్చి ఈ ఘటనపై స్పందించాడు యశ్. ఫ్యాన్స్ ఎక్కడ ఉన్నా తనకు మనస్ఫూర్తిగా విష్ చేస్తే చాలు అని, అదే తనకు పెద్ద విషయమని యశ్ అన్నాడు. ‘‘ఇలాంటి ఘటలను చూస్తుంటే నా పుట్టినరోజు అంటే నాకు భయమేస్తుంది. ఫ్యాన్‌డమ్‌ను చూపించే పద్ధతి ఇది కాదు. మీ ప్రేమను ఇలా మాత్రం చూపించకండి ప్లీజ్. మిమ్మల్ని అందరినీ రిక్వెస్ట్ చేసుకుంటున్నాను. బ్యానర్లు కట్టకండి, భయంకరమైన బైక్ రేసులు చేయకండి, సెల్ఫీల కోసం రిస్కులు తీసుకోకండి. నేను ఎలా జీవితంలో ఎదిగానో.. నా ఫ్యాన్స్ కూడా అలాగే ఎదగాలని నా కోరిక’’ అని ఫ్యాన్స్‌ను రిక్వెస్ట్ చేసుకున్నాడు యశ్.

కోవిడ్ వల్లే..
ఫ్యాన్స్ అంతా సంతోషంగా ఎలో ఉండాలి, ఎలా సక్సెస్‌ఫుల్ అవ్వాలి అనే విషయాలపై దృష్టిపెట్టాలని కోరాడు యశ్. దాంతో పాటు కుటుంబానికి గర్వపడేలా చేయాలని అన్నాడు. తన పాపులారిటీని చూపించుకోవడానికి తన ఫ్యాన్స్ ప్రేమను అడ్డం పెట్టుకోవడం తనకు ఎప్పుడూ నచ్చదని, ఫ్యాన్స్‌కు నచ్చకపోయినా.. మినిమమ్ ఉంచడానికి ట్రై చేస్తానని తెలిపాడు. ‘‘కోవిడ్ కేసులు పెరుగుతున్న కారణంగా ఈ ఏడాది నేను నా పుట్టినరోజును సెలబ్రేట్ చేసుకోకూడదని అనుకున్నాను. మా తరపున ఎలాంటి ప్రమాదం జరగకూడదు. అందుకే ఈసారి సింపుల్‌గా కేవలం కుటుంబంతో కలిసి నా పుట్టినరోజును సెలబ్రేట్ చేసుకున్నాను’’ అని యశ్ బయటపెట్టాడు.

కమిట్‌మెంట్స్‌తో బిజీ..
తన పుట్టినరోజున బ్యానర్లు కడుతూ మరణించిన, గాయాలపాలైన ఫ్యాన్స్‌కు ఆర్థిక సాయాన్ని కూడా అందించాడు యశ్. ‘కేజీఎఫ్’ సినిమాతో రాకింగ్ స్టార్‌గా దేశవ్యాప్తంగా పాపులారిటీని సంపాదించుకున్నాడు యశ్. ప్రస్తుతం తనకు కేవలం కన్నడలోనే కాదు.. ఇతర సౌత్ భాషల్లో, హిందీలో కూడా ఫ్యాన్స్ ఉన్నారు. అందుకే దేశవ్యాప్తంగా ఉన్న తన ఫ్యాన్స్‌ను తృప్తిపరిచే విధంగా తన తరువాతి సినిమాలను ప్లాన్ చేసుకుంటున్నాడు యశ్. ప్రస్తుతం గీతూ మోహన్‌దాస్ దర్శకత్వంలో ‘టాక్సిక్’ అనే చిత్రంలో నటిస్తున్నాడు. ముందుగానే కమిట్‌మెంట్స్ ఉండడం వల్ల ఈసారి పుట్టినరోజుకు తన ఫ్యాన్స్‌ను కలవలేకపోతున్నానని తన బర్త్ డే కంటే ముందే ప్రకటించాడు యశ్.

Hope hospitalised fans recover soon 🥺🙏🏻#Yash #Gadag #ToxicTheMovie pic.twitter.com/fIxsoNgoND

— 𝗦𝗵𝗿𝗲𝘆𝗶 ᵀᵒˣᶦᶜ (@NameIsShreyash) January 8, 2024