'గ్యాంగ్స్ ఆఫ్ గోదావరి' రిలీజ్ డేట్ ఫిక్స్ - వరుణ్ తేజ్, నితిన్ లతో పోటీ పడనున్న విశ్వక్ సేన్!

టాలీవుడ్ యంగ్ హీరో విశ్వక్ సేన్ నటిస్తున్న 'గ్యాంగ్స్ ఆఫ్ గోదావరి' మూవీని డిసెంబర్ 8న విడుదల చేస్తున్నట్లు మేకర్స్ తాజాగా అనౌన్స్ చేశారు. ఈ మేరకు ఓ స్పెషల్ పోస్టర్ సైతం రిలీజ్ చేశారు.

Photo Credit : Vishwak Sen/Instagram

టాలీవుడ్ యంగ్ అండ్ టాలెంటెడ్ హీరో మాస్ కా దాస్ విశ్వక్ సేన్ సినిమా సినిమాకి తన మార్కెట్ ని పెంచుకుంటూ పోతున్నాడు. రీసెంట్ గా 'దమ్కి' సినిమాతో సూపర్ హిట్ అందుకున్న ఈ యంగ్ హీరో ఇప్పుడు 'గ్యాంగ్స్ ఆఫ్ గోదావరి' అనే సినిమాతో ఒక ప్రేక్షకుల ముందుకు రాబోతున్నాడు. కేవలం 10 సినిమాల కెరియర్ లోనే తన గ్రాఫ్ ని అమాంతం పెంచుకుంటూ వస్తున్న విశ్వక్ సేన్ మరోసారి గ్యాంగ్స్ ఆఫ్ గోదావరితో బాక్సాఫీస్ వద్ద రచ్చ చేసేందుకు సిద్ధమయ్యాడు కృష్ణ చైతన్య దర్శకత్వం వహిస్తున్న ఈ చిత్రాన్ని సితార ఎంటర్టైన్మెంట్స్ ఫార్చ్యూన్ ఫోర్ మీడియా సంయుక్తంగా నిర్మిస్తున్నాయి.

రాజమండ్రి బ్యాక్ డ్రాప్ లో తెరకెక్కిన ఈ చిత్రంలో విశ్వక్ సేన్ కి జోడిగా నేహా శెట్టి హీరోయిన్ గా నటిస్తోంది. విశ్వక్ సేన్ కెరీర్ లోని భారీ బడ్జెట్ మూవీగా 'గ్యాంగ్స్ ఆఫ్ గోదావరి' వస్తుంది. ఇప్పటికే విడుదలైన పోస్టర్స్, టీజర్, సాంగ్ ప్రేక్షకుల నుంచి భారీ రెస్పాన్స్ ని అందుకుంది. ప్రస్తుతం పోస్ట్ ప్రొడక్షన్ పనులు జరుపుకుంటున్న ఈ చిత్రం నుంచి మేకర్స్ అదిరిపోయే అప్డేట్ ని అందజేశారు. గ్యాంగ్స్ ఆఫ్ గోదావరి మూవీని డిసెంబర్ 8న విడుదల చేస్తున్నట్లు ఈ సందర్భంగా స్పెషల్ పోస్టర్ తో అనౌన్స్ చేశారు. ఈ పోస్టర్లో విశ్వక్ సేన్ మరోసారి తన మాస్ లుక్ తో ఆకట్టుకోగా డిసెంబర్ 8న ప్రపంచవ్యాప్తంగా ఈ చిత్రాన్ని విడుదల చేస్తున్నట్లు మేకర్స్ అధికారికంగా వెల్లడించారు.

Get ready to Meet our Mass Ka Das @VishwakSenActor as the Massiest ‘𝐋𝐀𝐍𝐊𝐀𝐋𝐀 𝐑𝐀𝐓𝐍𝐀’ in #GangsofGodavari from 8th December, 2023! 🔥

In cinemas #GOGonDec8th 🌊@thisisysr @iamnehashetty @yoursanjali #KrishnaChaitanya @vamsi84 #SaiSoujanya @Venkatupputuri @innamuri8888… pic.twitter.com/M1wej7msfH

— Sithara Entertainments (@SitharaEnts) October 10, 2023

నిజానికి ఈ చిత్ర టీజర్ రిలీజ్ అయినప్పుడు సినిమాని డిసెంబర్ లో విడుదల చేస్తున్నట్లు ప్రకటించారు. దాని ప్రకారం ఈ మూవీని క్రిస్మస్ కానుకగా థియేటర్స్ లో రిలీజ్ చేయాలని అనుకున్నారు. కానీ ఆ సమయానికి ప్రభాస్ నటించిన 'సలార్' మూవీ రిలీజ్ కాబోతోంది. దాంతో చిత్ర బృందం డిసెంబర్ మొదటి వారంలో రావాలని ఫిక్స్ అవుతూ రిలీజ్ డేట్ ని అనౌన్స్ చేశారు. సరిగ్గా అదే రోజు నితిన్ 'ఎక్స్ ట్రా ఆర్డినరీ మ్యాన్', వరుణ్ తేజ్ 'ఆపరేషన్ వాలెంటైన్' సినిమాలు కూడా విడుదలవుతున్నాయి. ఈ రెండు సినిమాలపై ఆడియన్స్ లోనూ ఇండస్ట్రీలోనూ మంచి అంచనాలే ఉన్నాయి.

నితిన్ మొదటిసారి రచయిత, దర్శకుడు అయిన వక్కంతం వంశీతో చేస్తున్న సినిమా కావడంతో 'ఎక్స్ ట్రా ఆర్డినరీ' మూవీపై మంచి హైప్ నెలకొంది. రీసెంట్ గా ఈ మూవీ నుంచి విడుదలైన నితిన్ లుక్, డేంజర్ పిల్లా సాంగ్ ఆడియన్స్ ని ఆకట్టుకున్నాయి. అటు వరుణ్ తేజ్ నటిస్తున్న 'ఆపరేషన్ వాలెంటైన్' కూడా రియల్ లైఫ్ ఇన్సిడెంట్ తో తెరకెక్కింది. ఈ మూవీతో వరుణ్ బాలీవుడ్ కి ఎంట్రీ ఇస్తున్నాడు. అంతేకాదు రీసెంట్ గా ఈ మూవీకి భారీగా ఫ్రీ రిలీజ్ బిజినెస్ కూడా జరిగినట్టు తెలుస్తోంది.

డిసెంబర్ 8 బరిలో ఇప్పటికే వరుణ్ తేజ్, నితిన్ ఉండగా ఇప్పుడు వీళ్లకు పోటీగా విశ్వక్ సేన్ 'గ్యాంగ్స్ ఆఫ్ గోదావరి' తో వస్తున్నాడు. సో వరుణ్, నితిన్, విశ్వక్ సేన్ ల మధ్య డిసెంబర్ 8న త్రిముఖ పోటీ ఉండబోతోందన్నమాట. మరోవైపు మూడు సినిమాలు ఒకే రోజున విడుదల ఉండడంతో కచ్చితంగా థియేటర్స్ కొరత ఏర్పడే అవకాశం ఉంది. కాబట్టి వీరిలో ఏ హీరో అయినా వెనక్కి తగ్గుతారా? లేక అదే రోజున తమ సినిమాలని రిలీజ్ చేస్తారా? అనేది చూడాలి.

Join Us on Telegram: https://t.me/abpdesamofficial