Kushi Release Date : సెప్టెంబర్‌లో 'ఖుషి' ఖుషీగా - విజయ్ దేవరకొండ, సమంత సినిమా రిలీజ్ ఎప్పుడంటే?

సెన్సేషనల్ హీరో, రౌడీ బాడీ విజయ్ దేవరకొండ (Vijay Devarakonda), సమంత రూత్ ప్రభు (Samantha) జంటగా చిత్రం 'ఖుషి'. శివ నిర్వాణ (Shiva Nirvana) దర్శకత్వం వహిస్తున్నారు. మైత్రీ మూవీ మేకర్స్ పతాకంపై నవీన్ యేర్నేని, రవిశంకర్ యలమంచిలి నిర్మిస్తున్నారు. సినిమా విడుదల తేదీ ఖరారు అయ్యింది.

సెప్టెంబర్ 1న 'ఖుషి'
Kushi Release Date : సెప్టెంబర్ 1న ప్రపంచ వ్యాప్తంగా 'ఖుషి' సినిమాను విడుదల చేయనున్నట్లు ఈ రోజు అనౌన్స్ చేశారు. తెలుగు, కన్నడ, తమిళ, మలయాళ భాషల్లో సినిమాను విడుదల చేయనున్నారు. పాన్ ఇండియా రిలీజ్ అన్నమాట. 

'అర్జున్ రెడ్డి', 'గీత గోవిందం' సినిమాలతో విజయ్ దేవరకొండకు నార్త్ ఇండియన్ ఆడియన్స్‌లో గుర్తింపు లభించింది. 'డియర్ కామ్రేడ్'ను దక్షిణాది భాషల్లో విడుదల చేశారు. 'లైగర్' అయితే పాన్ ఇండియా రిలీజ్ అయ్యింది. 'ది ఫ్యామిలీ మ్యాన్' వెబ్ సిరీస్ సెకండ్ సీజన్ ద్వారా ఉత్తరాది ప్రేక్షకులకు సమంత పరిచయం అయ్యారు. అందులో నటనకు మంచి పేరు తెచ్చుకున్నారు. 'యశోద' పాన్ ఇండియా సక్సెస్ సాధించింది. వీళ్ళిద్దరూ నటిస్తున్న సినిమా కావడంతో దేశవ్యాప్తంగా ఈ సినిమాకు మంచి క్రేజ్ నెలకొంది.

Also Read : మృగాలను భయపెట్టే మగాడిగా ఎన్టీఆర్ - స్టోరీలైన్ చెప్పేసిన కొరటాల 
     

 

 

 

 

 

View this post on Instagram

 

 

 

 

 

 

 

 

 

 

 

A post shared by Vijay Deverakonda (@thedeverakonda)

జోరుగా, హుషారుగా షూటింగ్!
సమంత మయోసైటిస్ బారిన పడటంతో ఈ సినిమా చిత్రీకరణకు కొన్ని రోజులు బ్రేక్ పడింది. అంతర్జాతీయ మహిళల దినోత్సవం రోజున 'ఖుషి' చిత్ర బృందంతో సమంత జాయిన్ అయ్యారు. ప్రైమ్ వీడియో ఓటీటీ కోసం తెరకెక్కుతున్న 'సిటాడెల్' వెబ్ సిరీస్ షెడ్యూల్ ముగించుకుని హైదరాబాద్ వచ్చారు.  

ప్రస్తుతం 'ఖుషి' షూటింగ్ భాగ్య నగరంలో జరుగుతోంది. ఇటీవల దుర్గం చెరువు సమీపంలోని ఓ సాఫ్ట్‌వేర్ కంపెనీలో హీరో హీరోయిన్స్ విజయ్ దేవరకొండ, సమంత మీద కీలక సన్నివేశాలు తెరకెక్కించారు. కశ్మీర్ నేపథ్యంలో రూపొందుతోన్న చిత్రమిది. ఫస్ట్ లుక్ రిలీజ్ చేసినప్పుడు విజయ్ దేవరకొండను కశ్మీర్ కుర్రాడిగా, సమంతను తమిళ్ అమ్మాయిగా చూపించారు. 

'ఖుషి'లో పీటర్ హెయిన్ ఫైట్స్!
Peter Hein for Kushi : 'ఖుషి' ప్రేమ కథ అని తెలిసిందే. అయితే, ఈ ప్రేమ కథలో ఫైట్స్ కూడా ఉన్నాయ్! ఫేమస్ స్టంట్ కొరియోగ్రాఫర్ పీటర్ హెయిన్ ఆ ఫైట్స్ కంపోజ్ చేస్తున్నారు. ఈ చిత్రానికి మాలీవుడ్ మ్యూజిక్ సెన్సేషన్, యువ సంగీత దర్శకుడు హేషామ్ అబ్దుల్ వాహాబ్ (Hesham Abdul Wahab) సంగీతం అందిస్తున్నారు. కొన్ని రోజుల క్రితం ఆయన్ను హీరో విజయ్ దేవరకొండ కలిశారు. సినిమాలో సాంగ్స్ ఎలా ఉండాలనేది డిస్కస్ చేశారు. మ్యూజిక్ సిట్టింగ్స్ మొదలు అయ్యాయని చిత్ర బృందం తెలిపింది.

Also Read : హీరోగా రవితేజ తమ్ముడి కొడుకు - క్లాప్ కొట్టిన రాఘవేంద్రుడు

ఈ చిత్రంలో మలయాళ నటుడు జయరామ్, మరాఠీ నటుడు సచిన్ ఖేడేకర్, ఇంకా మురళీ శర్మ, లక్ష్మీ, అలీ, రోహిణి, 'వెన్నెల' కిశోర్, రాహుల్ రామకృష్ణ, శ్రీకాంత్ అయ్యంగార్, శరణ్య ప్రదీప్ తదితరులు నటిస్తున్నారు. ఈ చిత్రానికి ఫైట్స్: పీటర్ హెయిన్, సంగీత దర్శకుడు : హిషామ్ అబ్దుల్ వాహాబ్, సీఈవో : చెర్రీ, ఛాయాగ్రహణం: జి. మురళి.