Ramachandra: 'వెంకీ' మూవీ కమెడియన్ దీన స్థితి - సాయం కోసం ఎదురుచూపులు
Ramachandra Health Condition: టాలీవుడ్ కమెడియన్ ప్రస్తుతం దీన స్థితిలో ఉన్నారు. దాదాపు 100కు పైగా మూవీస్లో నటించిన రామచంద్ర సాయం కోసం ఎదురు చూస్తున్నారు.
Tollywood Comedian Ramachandra Health Condition: వెంకీ మూవీలో రవితేజ సరసన నటించిన కమెడియన్ రవిచంద్ర గుర్తుండే ఉంటారు. 'అవుట్ గోయింగ్ చెయ్యొద్దన్నాడ్రా మా నాన్న...' అంటూ రవితేజ ఫ్రెండ్గా తన నటనతో ఆకట్టుకున్నారు. ఆ తర్వాత దుబాయ్ శీను మూవీలోనూ నటించారు. దాదాపు 100 సినిమాలకు పైగా నటించిన ఆయన ప్రస్తుతం పెరాలసిస్తో మంచంపై కదల్లేని స్థితిలో ఉన్నారు. టాలీవుడ్ కమెడియన్ను దీన స్థితిలో చూసిన పలువురు తీవ్ర ఆవేదన చెందుతున్నారు.
అసలేం జరిగిందంటే?
రీసెంట్గా ఓ యూట్యూబ్ ఛానల్కు ఇచ్చిన ఇంటర్వ్యూలో కమెడియన్ రామచంద్ర తన దీనస్థితిని వివరించారు. తనకు బ్రెయిన్లో బ్లడ్ క్లాట్ అయ్యిందని... దీంతో ఎడమ కాలు చేయి పని చేయడం లేదని చెప్పారు. '15 రోజుల క్రితం ఫ్రెండ్ది ఓ డెమో షూట్కు వెళ్లాను. ఆ తర్వాత కాస్త అస్వస్థతకు గురయ్యాను. కాళ్లు చేతులు లాగేసినట్లుగా అనిపించాయి. దీంతో వెంటనే డాక్టర్ దగ్గరకు వెళ్లి చూపిస్తే టెస్టులు చేసి బ్రెయిన్లో క్లాట్స్ ఉన్నాయని కన్ఫర్మ్ చేశారు.
ప్రస్తుతం నా ఎడమ చేయి, ఎడమ కాలు పని చేయడం లేదు. దీని కోసం మందులు వాడుతున్నా. కనీసం 2 నెలలు కంప్లీట్ బెడ్ రెస్ట్ తీసుకోవాలని డాక్టర్ చెప్పారు. మా అన్నయ్య, వదినలు, ఫ్రెండ్స్ అంతా నాకు సపోర్ట్ చేశారు. నా బ్రదర్ ఉద్యోగానికి రెండు నెలలు సెలవు పెట్టేశారు. నా గురించి మొత్తం నా సోదరుడే చూసుకుంటున్నారు.' అంటూ తన దీన స్థితిని వివరించారు.
Also Read: ఆ ఫ్యామిలీ దాచిన సీక్రెట్ ఏంటి? - రెండు ఓటీటీల్లో మలయాళ క్రైమ్ ఇన్వెస్టిగేషన్ థ్రిల్లర్
సాయం కోసం ఎదురుచూపులు
తన పేరెంట్స్ ఎప్పుడో చనిపోయారని... ప్రస్తుతం తన తమ్ముడే తనను చూసుకుంటున్నట్లు రామచంద్ర తెలిపారు. తోటి ఆర్టిస్టులు తన ఆరోగ్య పరిస్థితి తెలుసుకుని వచ్చి చూసి వెళ్లారని... వారి ద్వారా ఇండస్ట్రీ పెద్దలకు తన దీన స్థితి తెలుస్తుందని ఆశాభావం వ్యక్తం చేశారు. 'నా ఫిజియోథెరపీకి ప్రతీ రోజు రూ.500 ఖర్చవుతుంది. బ్రెయిన్లో క్లాట్ కరగడానికి మెడిసిన్ ఇచ్చారు. వాటిని 15 రోజులకు ఓసారి తెచ్చుకోవాలి. ఇప్పటివరకూ టాలీవుడ్ నుంచి ఎవరూ నాకు ఫోన్ చేసి అడగలేదు. నా ఫ్రెండ్స్, సినీ ఇండస్ట్రీలో కొందరికి తప్ప నా స్థితి ఎవరికీ తెలియదు. టాలీవుడ్ పెద్దల వరకూ వెళ్తే సాయం అందుతుందని భావిస్తున్నా. ఇండస్ట్రీ నుంచి ఎవరికి తోచినంత వాళ్లు సాయం చేస్తే బాగుంటుంది.' అంటూ చెప్పారు.
జూనియర్ ఎన్టీఆర్ హీరోగా ఎంట్రీ ఇచ్చిన 'నిన్ను చూడాలని' మూవీతో రామచంద్ర నటుడిగా తెరంగేట్రం చేశారు. ఆ తర్వాత రవితేజ, అల్లు అర్జున్, నాగార్జున, గోపీచంద్ వంటి స్టార్లతో కలిసి నటించారు. వెంకీ, దుబాయ్ శీను, లౌక్యం, ఆనందం, సొంతం, దువ్వాడ జగన్నాథమ్ వంటి మూవీస్లో నటించి మెప్పించారు. తన కెరీర్లో దాదాపు 100కు పైగా సినిమాల్లో నటించారు. ప్రస్తుతం తనకు సినిమా ఛాన్సెస్ కూడా తగ్గిపోయాయని... ఆరోగ్య పరిస్థితి బాగోలేదని సాయం చేయాలంటూ కోరుతున్నారు.
Before You Go
Bigg Boss Agnipariksha Uppal Balu | అగ్నిపరీక్షపై ఉప్పల్ బాలు సంచలన వ్యాఖ్యలు
టాప్ హెడ్ లైన్స్
ట్రెండింగ్ వార్తలు
