Venkatesh - Trivikram Movie: సెట్స్‌ మీదకు వెంకీ - త్రివిక్రమ్ సినిమా... 20 నెలల తర్వాత కెమెరా వెనక్కి గురూజీ!

Venky 77 Movie Update: విక్టరీ వెంకటేష్ కథానాయకుడిగా గురూజీ త్రివిక్రమ్ శ్రీనివాస్ దర్శకత్వం వహిస్తున్న సినిమా ఇవాళ సెట్స్ మీదకు వెళ్ళింది. రెగ్యులర్ షూటింగ్ మొదలైంది.

వెంకటేష్ - త్రివిక్రమ్ మూవీ షూటింగ్ ప్రారంభం... హీరోయిన్లు వీరేనా?

Source : https://x.com/vamsi84/status/1975898035201929298

విక్టరీ వెంకటేష్ (Venkatesh), మాటల మాంత్రికుడు త్రివిక్రమ్ శ్రీనివాస్ (Trivikram Srinivas)లది సూపర్ డూపర్ హిట్ కాంబినేషన్. ఇప్పటి వరకు వాళ్ళిద్దరి కలయికలో మూడు సినిమాలు వచ్చాయి. అయితే ఆ మూడింటికి త్రివిక్రమ్ రచయిత. ఇప్పుడు వెంకీని డైరెక్ట్ చేయబోతున్న సంగతి తెలిసిందే. కొన్ని రోజుల క్రితం పూజా కార్యక్రమాలతో సినిమా ప్రారంభం అయ్యింది. లేటెస్ట్ అప్డేట్ ఏమిటంటే... తాజాగా షూటింగ్ మొదలైంది.

సెట్స్ మీదకు వెంకీ 77...
20 నెలలు తర్వాత త్రివిక్రమ్!
సంక్రాంతికి విడుదలైన 'సంక్రాంతికి వస్తున్నాం'తో విక్టరీ వెంకటేష్ తన కెరీర్ బిగ్గెస్ట్ బాక్స్ ఆఫీస్ హిట్ అందుకున్నారు. ఆ సినిమా 300 కోట్లకు పైగా వసూలు చేసింది. ఆ తరువాత మెగాస్టార్ చిరంజీవి హీరోగా అనిల్ రావిపూడి దర్శకత్వం వహిస్తున్న సినిమా‌‌ 'మన శంకర వరప్రసాద్ గారు' (Mana Shankara Vara Prasad Garu)లో అతిథి పాత్ర చేసేందుకు అంగీకరించారు. ఇక 'సంక్రాంతికి వస్తున్నాం' తర్వాత సోలో హీరోగా ఆయన నటిస్తున్న సినిమా త్రివిక్రమ్ దర్శకత్వం వహిస్తున్నదే. 

అక్టోబర్ 8... బుధవారం నాడు వెంకటేష్ - త్రివిక్రమ్ సినిమా రెగ్యులర్ షూటింగ్ మొదలైంది. 'గుంటూరు కారం' విడుదల తర్వాత సుమారు 20 నెలలు అయ్యాక త్రివిక్రమ్ మళ్ళీ కెమెరా వెనక్కి వెళ్లారు. తన దర్శకత్వంలో సినిమాను సెట్స్ మీదకు తీసుకు వెళ్లారు. హారిక అండ్ హాసిని క్రియేషన్స్ పతాకం మీద సూర్యదేవర రాధాకృష్ణ ఈ చిత్రాన్ని ప్రతిష్టాత్మకంగా నిర్మిస్తున్నారు.

After 20 long months, the wizard of words #Trivikram garu is back behind the camera, joining hands with everyone’s favourite, Victory @VenkyMama garu! 🙌❤️

The OGs of entertainment are back on sets to recreate the magic once again! ❤️😉🎬

Produced by #SRadhaKrishna (Chinababu)… pic.twitter.com/781uxgmQ5P

— Naga Vamsi (@vamsi84) October 8, 2025

వెంకటేష్ హీరోగా నటించిన 'వాసు', 'నువ్వు నాకు నచ్చావ్', 'మల్లీశ్వరి' చిత్రాలకు త్రివిక్రమ్ రచయితగా పని చేశారు. ఇంతకు ముందు ఆయనతో రచయితగా పని చేసిన త్రివిక్రమ్ తొలిసారి దర్శకుడిగా పని చేస్తుండడంతో ఈ సినిమా మీద భారీ అంచనాలు నెలకొన్నాయి. ఈ సినిమా హీరోగా వెంకీకి 77వది.

వెంకటేష్ హీరోయిన్ ఎవరు?
Venkatesh Trivikram Movie Heroine: వెంకటేష్ - త్రివిక్రమ్ సినిమాలో హీరోయిన్ ఎవరు? అనే ప్రశ్నకు ఇంకా అధికారికంగా సమాధానం రాలేదు. ఈ సినిమాలోని ఇద్దరు హీరోయిన్లకు చోటు ఉంటుందని సమాచారం. సౌత్ క్వీన్ త్రిషతో పాటు పవన్ కళ్యాణ్ 'హరిహర వీరమల్లు', ప్రభాస్ 'ది రాజా సాబ్' సినిమాలో నటించిన నిధి అగర్వాల్, రీసెంట్ పాన్ ఇండియా బ్లాక్ బస్టర్ 'కాంతార ఛాప్టర్ 1', ప్రస్తుతం ఎన్టీఆర్ 'డ్రాగన్' సినిమాలో కథానాయికగా నటిస్తున్న రుక్మిణి వసంత్ పేర్లు ప్రచారంలో ఉన్నాయి. అయితే ఎవరు ఫైనల్ అవుతారు అనేది త్వరలో తెలుస్తుంది. త్రివిక్రమ్ సినిమా తర్వాత 'దృశ్యం 3' చేయనున్నారు వెంకటేష్.