Rahul Sipligunj Harinya Reddy : ఘనంగా సింగర్ రాహుల్ సిప్లిగంజ్ వివాహం - కొత్త జంటకు వెల్లువలా విషెష్

Rahul Sipligunj Wedding : ఫేమస్ సింగర్ రాహుల్ సిప్లిగంజ్ వివాహం గురువారం ఉదయం ఘనంగా జరిగింది. తన ప్రియురాలు హరిణ్య రెడ్డి మెడలో ఆయన మూడు ముళ్లు వేశారు.

ఘనంగా సింగర్ రాహుల్ సిప్లిగంజ్ వివాహం

Source : https://x.com/i/status/1993894642249814345

Singer Rahul Sipligunj Harinya Reddy Wedding : ఫేమస్ సింగర్ రాహుల్ సిప్లిగంజ్ వివాహం బంధంలోకి అడుగుపెట్టారు. తన ప్రియురాలు హరిణ్య రెడ్డి మెడలో గురువారం తెల్లవారుజామున మూడు ముళ్లు వేశారు. హైదరాబాద్‌లో జరిగిన వీరి వివాహానికి పలువురు రాజకీయ, సినీ ప్రముఖులు హాజరై నూతన జంటను ఆశీర్వదించారు. ప్రస్తుతం వీరి పెళ్లి ఫోటోలు సోషల్ మీడియాలో వైరల్ అవుతుండగా... పలువురు సెలబ్రిటీలతో పాటు నెటిజన్లు శుభాకాంక్షలు చెబుతున్నారు.

ఆగస్టులో తన ప్రియురాలితో సడన్‌గా ఎంగేజ్మెంట్ చేసుకున్నారు రాహుల్. ఆ తర్వాత పెళ్లి పనుల్లో బిజీగా మారారు. గురువారం మూడు ముళ్ల బంధంతో ఇరువురూ ఒక్కటయ్యారు.

Telangana Jagruthi chief @RaoKavitha blessed the newly wed @Rahulsipligunj couple pic.twitter.com/LJkYUREl5q

— SS Sagar (@SSsagarHyd) November 27, 2025

తన వాయిస్‌తో అటు తెలంగాణ ఫోక్, ఇటు మాస్ సాంగ్స్‌తో ఫుల్ క్రేజ్ సంపాదించుకున్నారు రాహుల్ సిప్లిగంజ్. బిగ్ బాస్ సీజన్ 3లో విన్నర్‌గా నిలిచి మరింత పాపులారిటీ పెంచుకున్నారు. అలాగే, దర్శక ధీరుడు రాజమౌళి తెరకెక్కించిన 'RRR' మూవీలో ఆస్కార్ విన్నింగ్ సాంగ్ 'నాటు నాటు'కు వాయిస్ అందించింది ఇతనే. ఓల్డ్ సిటీ నుంచి ఆస్కార్ వరకూ మన తెలంగాణ కుర్రాడంటూ 'గద్దర్' అవార్డుల ప్రధానోత్సవంలో సీఎం రేవంత్ ప్రశంసించారు. అంతే కాకుండా నగదు బహుమతిని కూడా ఇచ్చి సత్కరించారు. 

రాహుల్ పాడిన పాటల్లో 'కాలేజ్ బుల్లోడా', 'రంగా రంగా రంగస్థలానా', 'బొమ్మోలే ఉన్నదిరా పోరీ', 'వాస్తు బాగుందే', 'ఓ నా రాహులా' సాంగ్స్ ఫుల్ క్రేజ్ సంపాదించుకున్నాయి. అలాగే, తెలంగాణ ఫేమస్ బోనాల జాతర, వినాయక చవితి ఫెస్టివల్స్‌కు పాటలు పాడారు. దీంతో పాటే ప్రకాష్ రాజ్, రమ్యకృష్ణ ప్రధాన పాత్రల్లో నటించిన 'రంగమార్తాండ' మూవీలో కీలక పాత్ర పోషించారు. త్వరలోనే మరో మూవీతో హీరోగా ప్రేక్షకుల ముందుకు రాబోతున్నారు.

 

మరిన్ని చదవండి

ఘట్టమనేని జయకృష్ణ 'శ్రీనివాస మంగాపురం' - న్యూ ఏజ్ లవ్ స్టోరీ ప్రీ లుక్ రివీల్