మాజీ ప్రియుడి రిసెప్షన్‌లో అలియా భట్ - రణ్‌‌బీర్ ఎక్కడా?

సిద్ధార్థ్ - కియారా పెళ్లి రిసెప్షన్‌కు అలియా భట్ మాత్రమే వచ్చింది. రణ్ బీర్ కపూర్ గైర్హాజరు కావడంతో నెటిజనులు అనేక సందేహాలను వ్యక్తం చేస్తున్నారు.

Alia Bhatt

కియరా అద్వానీ, సిద్ధార్థ్ మల్హోత్రా పెళ్లి ఇటీవలే ఘనంగా జరిగిన సంగతి తెలిసిందే. తాజాగా ఈ జంట ముంబయిలో రిసెప్షన్ నిర్వహించారు. బాలీవుడ్ ప్రముఖులంతా ఈ రిసెప్షన్‌కు హాజరై వధువరులను ఆశీర్వదించారు. ఈ ఈవెంట్‌లో సిద్ధార్థ్ మల్హోత్రా బ్లాక్ సూట్‌తో, కియరా వైట్ అండ్ బ్లాక్ కాంబినేషన్ డ్రెస్‌లో అదిరిపోయింది. 

వీరి రిసెప్షన్‌కు బాలీవుడ్ నటి అలియా భట్ కూడా హాజరైంది. అయితే, ఆమె భర్త రణ్‌బీర్ కపూర్ మాత్రం గైర్హాజరయ్యాడు. అలియా సిద్ధార్థ్ మల్హోత్రాలు ‘స్టూడెంట్ ఆఫ్ ది ఇయర్’, ‘కపూర్ అండ్ సన్స్’ చిత్రాల్లో కలిసి నటించారు. అంతేకాదు, వీరిద్దరూ కొన్నాళ్లు డేటింగులో కూడా ఉన్నారని వదంతులు వచ్చాయ్.

‘స్టూడెంట్ ఆఫ్ ది ఇయర్’ మూవీ ఇద్దరికీ మొదటి చిత్రమే. దీంతో వారి మధ్య స్నేహం పెరిగింది. ఆ మూవీ హిట్ కొట్టడంతో ఇద్దరూ పార్టీలు, ఈవెంట్‌లకు హాజరయ్యేవారు. అలియా సిద్ధార్థ్‌తో ప్రేమగా ఉన్నప్పటికీ.. అతడు మాత్రం మరో హీరోయిన్ తో క్లోజ్ గా ఉండేవాడని వార్తలు వచ్చాయి. దీంతో అలియా, సిద్ధార్థ్ మధ్య బ్రేకప్ అయింది. అలియా, రణ్‌బీర్‌ను పెళ్లి చేసుకోవడంతో ఆ వార్తలకు పుల్‌స్టాప్ పడింది. మాజీ ప్రియుడి రిసెప్షన్‌కు అలియా రాకపోవచ్చని అంతా భావించారు. కానీ, ఆమె సింగిల్‌గా వచ్చి.. కొత్త జంటకు విష్ చేసి మరీ వెళ్లింది. అయితే, ఆమె భర్త రణ్‌బీర్ వెంట రాకపోవడంతో.. నెటిజన్స్ ‘‘వేర్ ఈజ్ రణ్‌బీర్’’ అని టీజ్ చేస్తున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by KIARA (@kiaraaliaadvani)

సిద్ధార్థ్ మాజీ ప్రియుడనే ఉద్దేశంతోనే రణ్‌బీర్ రిసెప్షన్‌కు గైర్హాజరై ఉంటాడని నెటిజన్స్ అంటున్నారు. ప్రస్తుతం ఆమె రిసెప్షన్‌కు హాజరైన ఫొటోలు వైరల్‌గా మారాయి.  ఫిబ్రవరి 7న రాజస్థాన్‌లోని జైసల్మేర్‌లోని సూర్యగఢ్ ప్యాలెస్‌లో సిద్ధార్థ్-కియారా వివాహం జరిగిన విషయం తెలిసిందే. ఈ జంట వారి వివాహానికి సంబంధించి ఫోటోలను సోషల్ మీడియాలో అప్లోడ్ చేయగానే.. అలియా కూడా వాటిని ఆమె ఇన్ స్టాగ్రామ్ స్టోరీలో యాడ్ చేసింది. అంతే కాదు వారికి విషెస్ కూడా తెలిపింది. ఇక సిద్ధార్థ్-కియారా రిసెప్షన్ కి ఆయుష్ శర్మ, సుహానా ఖాన్, ఆర్యన్ ఖాన్, శిల్పాశెట్టి, కరీనా కపూర్, దిశా పటాని, ఆదిత్య కపూర్, వరుణ్ ధావన్, రణవీర్ సింగ్, ఆకాష్ అంబానీ, అనుష్క రంజాన్, కాజోల్, కరణ్ జోహార్, అలియా భట్, నీతూ కపూర్, విద్యా బాలన్, అజయ్ దేవగణ్, అనుపమ్ ఖేర్, రాశి ఖన్నా, కృతి సనన్, జెనీలియా, రితేష్ దేశముఖ్, విక్కీ కౌశల్, రకుల్ ప్రీత్ సింగ్, అనన్య పాండే, నేహా ధూపియా.. ఇలా ఎంతో మంది సెలబ్రిటీలు హాజరయ్యారు. దీంతో ఒకేచోట ఇంత మంది స్టార్స్ ని చూడడంతో అభిమానులు ఆనందం వ్యక్తం చేశారు. ఇక ఈ ఫోటోలు సోషల్ మీడియాలో ట్రెండవ్వుతున్నాయి.