Coolie Movie: రజనీకాంత్‌-లోకేష్‌ కనగరాజ్‌ మూవీలో స్టార్‌ హీరోయిన్‌ - ఫస్ట్‌లుక్‌ రిలీజ్‌, సర్‌ప్రైజ్‌ చేస్తున్న కొత్త అప్‌డేట్‌! 

Coole Movie Update: రజనీకాంత్‌ కూలీ మూవీ నుంచి మరో సర్‌ప్రైజింగ్‌ అప్‌డేట్‌ వచ్చింది. ఈ సినిమాలో స్టార్‌ హీరోయిన్‌ నటిస్తున్నట్టు తాజాగా ప్రకటన ఇచ్చింది మూవీ టీం.

Image Credit: Sun Pictures/Twitter

Source : https://x.com/sunpictures/status/1829481714260881638?t=Z8UJzRQyM7A6z3k0Hrt_2A&s=08

Shruti Haasan Joins in Rajinikanth Coolie Movie: సూపర్‌ స్టార్‌ రజనీకాంత్ హీరోగా లోకేష్‌ కనగరాజ్‌ దర్శకత్వంలో తెరకెక్కుతున్న సినిమా 'కూలీ'. సన్‌పిక్చర్స్‌ అత్యంత భారీ బడ్జెట్‌తో ఈ సినిమాను నిర్మిస్తున్నారు. అత్యంత ప్రతిష్టాత్మకంగా రూపొందుతున్న ఈ సినిమాలో ఇతర ఇండస్ట్రీలోకి చెందని స్టార్స్‌ కీలక పాత్రల్లో కనిపిస్తున్నారు. ఇందులో కన్నడ రియల్‌ స్టార్‌ ఉపేంద్ర ముఖ్య పాత్రలో కనిపించబోతున్నారు. అలాగే టాలీవుడ్‌ కింగ్‌ నాగార్జున కూడా ఈ సినిమా కీ రోల్‌ పోషిస్తున్నారు.

నిన్న ఆగష్టు 29న ఆయన పుట్టిన రోజు సందర్భంగా దీనిపై అధికారిక ప్రకటన వచ్చింది. అంతేకాదు ఇందులో నాగార్జున సైమన్‌ అనే పవర్ఫుల్‌ రోల్‌ పోషిస్తున్నారట. ఇక తాజాగా ఈ సినిమా నుంచి మరో కొత్త పాత్రను పరిచయం చేశారు మేకర్స్‌. ఇందులో టాలెంటెడ్‌ హీరోయిన్‌ శ్రుతి హాసన్‌ కూడా నటిస్తోంది. ఇందులో ఆమె ప్రీతి అనే పాత్రలో కనిపించనుంది. తాజాగా దీనిపై సన్‌పిక్చర్స్‌ అధికారిక ప్రకటన ఇచ్చింది. ఈ సందర్భంగా ఆమె ఫస్ట్‌లుక్‌ రిలీజ్‌ చేశారు. 

Introducing @shrutihaasan as Preethi, from the world of #Coolie💥@rajinikanth @Dir_Lokesh @anirudhofficial @anbariv @girishganges @philoedit @Dir_Chandhru @PraveenRaja_Off pic.twitter.com/gfIqe39Y1f

— Sun Pictures (@sunpictures) August 30, 2024

ఇందులో శ్రుతి చేతిలో ఇనుప రాడు పట్టుకుని కనిపించింది. ప్రస్తుతం ఈ పోస్టర్‌ ఫ్యాన్స్‌ని బాగా ఆకట్టుకుంటుంది. కాగా ఇలా ఈ సినిమా నుంచి వస్తున్న వరుస అప్‌డేట్స్‌ మూవీపై మరింత ఆసక్తి పెంచుతున్నాయి. దక్షిణాదికి చెందిన అగ్ర నటీనటులు కూలీలో భాగం అవుతుండటంతో మూవీపై రోజురోజుకు మరింత బజ్ పెరుగుతోంది. అలాగే ఈ సినిమాలో కన్నడ నటి రచిత రామ్‌ కూడా నటిస్తున్నట్టు సమాచారం. ఈ సినిమా కోలీవుడ్‌ యంగ్‌ సెన్సేషన్‌ అనిరుధ్‌ సంగీతం అందిస్తున్నాడు. ఇప్పటికే 'జైలర్‌' చిత్రంతో రజనీకాంత్‌ సూపర్‌ హిట్‌ కొట్టారు. ఇక విక్రమ్‌, లీయో సినిమాలతో దర్శకుడు లోకేష్‌ కనగరాజ్‌ బ్లాక్‌బస్టర్‌ అందుకున్నారు.

దీంతో వీరిద్దరి కాంబోలో సినిమా అనగానే ఆడియన్స్‌లో అంచనాలు నెలకొన్నాయి. ఇక ఫ్యాన్స్‌లో అయితే ఈ మూవీపై భారీ ఎక్స్‌పెక్టేషన్స్‌తో ఉన్నారు. పైగా మూవీ నుంచి వస్తున్న అప్‌డేట్స్‌, ఇందులో నటిస్తున్న భారీ తారాగణం చూస్తుంటే మూవీపై విపరీతమైన బజ్‌ నెలకొంది. ఇప్పటికే ఈ సినిమా నుంచి విడుదలైన టీజర్‌ మంచి రెస్పాన్స్‌ అందుకుంది. ఈ టీజర్‌లో గోల్డ్ స్మగ్లింగ్ చేసే వ్యక్తుల డెన్ (గూడౌన్)లో అడుగు పెట్టిన హీరో.. బంగారు గడియారాలతో ఒక గొలుసు చేసి దాంతో అక్కడ ఉన్న రౌడీలను తుక్కు తుక్కుగా కొట్టిన విజువల్స్ అభిమానులకు విపరీతంగా నచ్చింది. ఇక ఈ సినిమాలోని రజనీ లుక్‌కి కూడా మంచి రెస్పాన్స్‌ వచ్చింది. ఈ చిత్రాన్ని 2025లో విడుదల చేయడానికి ప్లాన్ చేస్తున్నారు.