Bigg Boss 18: బిగ్ బాస్ ఇంటిలోకి మరదలు... మహేష్ బాబు ఫస్ట్‌ రియాక్షన్ ఏంటో తెలుసా?

మహేష్ బాబు మరదలు శిల్ప హిందీ బిగ్ బాస్ 18 షోలోకి అడుగు పెట్టింది. అయితే ఆమె ఈ షోలోకి ఎంట్రీ ఇవ్వడం పట్ల మహేష్ బాబు ఎలా స్పందించారో తెలుసా? బావగారి రియాక్షన్ గురించి శిల్ప ఏం చెప్పిందో తెలుసా?

మహేష్, నమ్రత దంపతులతో శిల్పా శిరోద్కర్

Source : https://www.instagram.com/p/C3KIcCqIKXw/?utm_source=ig_embed&ig_rid=917fe105-03f0-4f5a-a782-c74ad45bbf7b

బుల్లితెర ప్రేక్షకులను విశేషంగా అలరిస్తున్న రియాలిటీ షో 'బిగ్ బాస్'. తెలుగులో రీసెంట్ గా ఎనిమిదవ సీజన్ మొదలై ఇప్పటికే 5 వారాలు పూర్తి చేసుకున్న విషయం తెలిసిందే. ఈ ఆదివారం మరో 8 మంది వైల్డ్ కార్డు కంటెస్టెంట్స్ హౌస్ లోకి అడుగుపెట్టగా... తాజాగా 6వ వారం నామినేషన్లు హీటెక్కిస్తున్నాయి. ఇలా తెలుగులోనే కాదు బిగ్ బాస్ అనే ఈ రియాలిటీ షో తెలుగు, తమిళ, హిందీ భాషల్లో కూడా ఇదే రేంజ్ లో మంచి రెస్పాన్స్ ను దక్కించుకుంటుంది. ఇక అక్టోబర్ 6 నుంచి హిందీ 'బిగ్ బాస్ సీజన్ 18' అట్టహాసంగా ప్రారంభం కాగా... అందులో మహేష్ బాబు మరదలు శిల్పా శిరోద్కర్ కూడా అడుగు పెట్టింది. అయితే ఈ సందర్భంగా శిల్పా తను బిగ్ బాస్ హౌస్ లోకి అడుగు పెట్టడం పట్ల మహేష్ బాబుతో పాటు తన ఫ్యామిలీ ఎలా స్పందించింది అనే విషయాన్ని వెల్లడించింది. 

మరదలు బిగ్ బాస్ ఎంట్రీ పై మహేష్ రియాక్షన్...
సూపర్ స్టార్ మహేష్ బాబు సతీమణి నమ్రతా శిరోద్కర్ చెల్లి అయిన శిల్పా హిందీ 'బిగ్ బాస్ సీజన్ 18'లోకి నాలుగో కంటెస్టెంట్ గా అడుగు పెట్టింది. ఈ సందర్భంగా తనకు బిగ్ బాస్ షో అంటే చాలా ఇష్టమని, ఇది తన కల నెరవేరిన అద్భుతమైన క్షణం అంటూ సంతోషాన్ని వ్యక్తం చేసింది. అంతే కాకుండా తన ప్రయాణం పట్ల ఫ్యామిలీ అంతా సంతోషంగా ఉందంటూ శిల్పా శిరోద్కర్ ఆసక్తికరమైన విషయాన్ని వెల్లడించింది. ముఖ్యంగా తాను బిగ్ బాస్ హౌస్ లోకి అడుగు పెడుతున్నాను అని తెలియగానే నమ్రత, మహేష్ బాబు చాలా సంతోషించారని, తన ప్రయాణం గురించి గర్వపడుతున్నారని చెప్పుకొచ్చింది. 'షో ద్వారా నేను వారిని గర్వపడేలా చేస్తాను' అని శిల్పా మాటిచ్చింది. దీంతో ఇప్పటి నుంచే మహేష్ అభిమానులు ఆమెకు సపోర్ట్ చేస్తున్నారు. అందులో భాగంగానే సోషల్ మీడియాలో #శిల్పా శిరోద్కర్ అనే హ్యాష్ ట్యాగ్ ను ట్రెండ్ చేస్తున్నారు. 

శిల్పా శిరోద్కర్ తెలుగు సినిమాలు
శిల్పా శిరోద్కర్ 1990వ దశకంలో బాలీవుడ్లో హీరోయిన్ గా మంచి గుర్తింపును సంపాదించుకుంది. ఈ అమ్మడు హిందీలో బందీష్, హమ్, త్రినేత్ర, మృత్యు దండ్, ఖుదా గవా, బేవఫా సనమ్, కిషన్ కన్నయ్య, గోపి కిషన్ వంటి సినిమాల్లో నటించింది. 1980లలోనే కెరీర్ ను ప్రారంభించిన శిల్పా 1991లో 'బినామ్ బాద్షా' అనే సినిమాతో హీరోయిన్ గా ఎంట్రీ ఇచ్చింది. ఇక టాలీవుడ్ లోకి మోహన్ బాబు హీరోగా చేసిన 'బ్రహ్మ' అనే మూవీ తో హీరోయిన్ గా అడుగు పెట్టింది. కానీ తెలుగులో ఆమె నటించిన మొదటి, చివరి మూవీ ఇదే కావడం గమనార్హం. కానీ 'ఖుదా గవా' అనే నాగార్జున హీరోగా నటించిన హిందీ సినిమాలో ఈ బ్యూటీ నటించింది. ఇదే సినిమాను 'కొండవీటి సింహం' అనే టైటిల్ తో తెలుగులో డబ్ చేశారు. ఇక 2000 ఏడాదిలో చివరిసారిగా 'గజగామిని' అనే హింది సినిమాలో నటించింది శిల్పా. ఆ తర్వాత సినిమాలకు దూరంగా ఉంటూ వచ్చిన ఈ అమ్మడు తాజాగా 'బిగ్ బాస్ 18'లో పాల్గొని టీవీ తెరపైకి రీఎంట్రీ ఇచ్చింది.