Samuthirakani: క్రెడిట్ కార్డ్స్, ఈఎంఐలు, మిడిల్ క్లాస్ కష్టాలే మెయిన్ పాయింట్... సముద్రఖని ఏం చెప్పారంటే?

Carmeni Selvam: క్రెడిట్ కార్డులు, ఈఎంఐ వంటివి కడుతున్న మిడిల్ క్లాస్ పీపుల్ ప్రజెంట్ ఎక్కువ మంది ఉన్నారు. అటువంటి జనాల్లో కనువిప్పు కలిగించే సినిమా 'కార్మేని సెల్వం' అవుతుందని సముద్రఖని చెబుతున్నారు.

కార్మేని సెల్వం: మిడిల్ క్లాస్ జీవిత కష్టాలు, అప్పుల ఊబిలో చిక్కుకున్న తండ్రి కథ

Source : https://www.youtube.com/watch?v=W4BLjlRo4Bs

తెలుగు ప్రేక్షకుల ముందు దర్శకుడిగా రవితేజ 'శంభో శివ శంభో'తో అడుగు పెట్టారు సముద్రఖని (Samuthirakani). ఆ తర్వాత నాని 'జెండాపై కపిరాజు', పవన్ కళ్యాణ్ - సాయి ధరమ్ తేజ్‌ల 'బ్రో' చేశారు. అయితే... దర్శకుడిగా కంటే నటుడిగా ఆయన పాపులర్. 'అల వైకుంఠపుమురములో', 'సర్కారు వారి పాట' సినిమాల్లో విలన్ రోల్స్ మాత్రమే కాదు... పలు సినిమాల్లో కీలక పాత్రలు చేశారు. ఆయన ప్రధాన పాత్రలో నటించిన తాజా సినిమా 'కార్మేని సెల్వం'. అందులో మిడిల్ క్లాస్ లైఫ్ కష్టాల గురించి డిస్కస్ చేశామన్నారు.  

Carmeni Selvam Release Date: ఏప్రిల్ 3న విడుదల అవుతున్న సినిమాల్లో 'కార్మేని సెల్వం' ఒకటి. ఇందులో సముద్రఖని, గౌతమ్ వాసుదేవ్ మీనన్ ప్రధాన పాత్రధారులు. సముద్రఖని జంటగా లక్ష్మీ ప్రియా, కీలక పాత్రలో అభినయ నటించారు. తెలుగు, తమిళ భాషల్లో సినిమా విడుదల అవుతోంది. ఇందులో మెయిన్ పాయింట్ మిడిల్ క్లాస్ కష్టాలు.

'కార్మేని సెల్వం' సినిమాలో మిడిల్ క్లాస్ భర్తగా, తండ్రిగా నటించారు సముద్రఖని. వృత్తిరీత్యా ఆయన క్యాబ్ డ్రైవర్. 'అప్పు చేస్తే పెద్దవాళ్ళం అవుతాం' అని మెరుగైన జీవితం కోసం అప్పులు చేస్తాడు. 'ధనవంతుడు అవ్వాలంటే ధనవంతుడిగా బతకడం నేర్చుకోవాలి' అంటూ లేనిపోని హంగు ఆర్భాటాలు చేయడం మొదలు పెడతాడు. క్రెడిట్ కార్డ్స్, ఈఎంఐ వంటి వాటిపై ఆధారపడతాడు. మిడిల్ క్లాస్ ఫ్యామిలీని అవి ఏం చేశాయి? అనేది సినిమాలో చూడాలి. 

పాత్‌ వే ప్రొడక్షన్స్ పతాకంపై రామ్ చక్రి దర్శకత్వంలో 'కార్మేని సెల్వం' చిత్రాన్ని అరుణ్ రంగరాజులు నిర్మించారు. ప్రముఖ డిస్ట్రిబ్యూషన్ సంస్థ పీవీఆర్ ఐనాక్స్ పిక్చర్స్ ద్వారా థియేటర్లలోకి రాబోతుంది. తెలుగు ట్రైలర్ విడుదల కార్యక్రమంలో సముద్రఖని మాట్లాడుతూ... ''మనం జీవితాన్ని చూసే విధానాన్ని ఈ సినిమాలో డిఫరెంట్‌గా చూపించబోతున్నాం. రామ్ చక్రి మంచి కథను నా దగ్గరకు తీసుకు వచ్చారు. థియేటర్ల నుంచి బయటకు వచ్చిన ప్రతి ప్రేక్షకుడిని ఆలోచింపజేసేలా ఉంటుందీ సినిమా. సినిమా చూశాక ప్రతి ఒక్కరూ తమ లోన్ ఈఎంఐలను తక్కువ చేసుకోవాలనుకుంటారు. బరువులను తగ్గించుకుంటే మన కలలను సాకారం చేసుకోగలం'' అని చెప్పారు.