Samantha Chitchat: ఆ గాయం మానడానికి ఆరు నెలలు పట్టింది! - సమంత

"నేను చాలా నవ్వుతాను. మిగతావాళ్ళు నవ్వని స్టుపిడ్ థింగ్స్‌కు నవ్వుతా. రోజులో కనీసం ఒక్కసారైనా నవ్వకపోతే నేను నేను కాదు" అని సమంత అన్నారు. సరదాగా కాసేపు ఇన్‌స్టాగ్రామ్‌లో నెటిజన్లు అడిగిన ప్రశ్నలకు ఆమె బదులిచ్చారు. సూటిగా, సుత్తి లేకుండా సమంత (Samantha Instagram Chat) చెప్పిన సమాధానాలు... 

నయనతార మీ ఫ్రెండ్!
సమంత: ఆమె అసాధారణమైన వ్యక్తి (Nayanthara is Phenomenal, says Samantha). కన్మణి రాంబో ఖతీజా' సినిమాలో ఆమె నటన మీరంతా చూడాలని ఎదురు చూస్తున్నాను. ఇప్పటివరకు నయనతార చేసిన సినిమాల్లో ఆమె బెస్ట్ పెర్ఫార్మన్స్.

కన్మణి లేదా ఖతీజా? (రెండు పాత్రలో మీకు ఏది ఇష్టం అని)
సమంత: కన్మణి అండ్ ఖతీజా! కన్మణి లేకుండా ఖతీజా లేదు, ఖతీజా లేకపోతే కన్మణి ఉండదు. 

దర్శకుడు విఘ్నేష్ శివన్ గురించి...
సమంత: వండ‌ర్‌ఫుల్‌ సినిమా (kaathuvaakula rendu kaadhal) తీశారు. అతని కోసం ఈ సినిమా పెద్ద సక్సెస్ అవ్వాలని కోరుకుంటున్నాను. మనసుపెట్టి మరీ పని చేశారు. 

విజయ్ సేతుపతి గురించి చెప్పండి
సమంత: లవ్ సింబల్ చూపిస్తూ... ఈ ఫొటో పోస్ట్ చేశారు.

మీరు థియేటర్‌లో చూసిన మొదటి సినిమా?
సమంత: 'జురాసిక్ పార్క్'

'కన్మణి రాంబో ఖతీజా' (kanmani khatija rambo movie) సినిమాలో మీ పాత్ర ఎలా ఉంటుంది?
సమంత: రొమాంటిక్ కామెడీ నా ఫేవరెట్ జానర్. కొంత విరామం తర్వాత అటువంటి సినిమా చేస్తున్నాను. ఇట్స్ రియల్లీ ఫన్. ఏప్రిల్ 28న (Kanmani Rambo Khatija on April 28th) మీరంతా సినిమా చూస్తారని ఆశిస్తున్నాను. 

పియసింగ్ (piercing, నగలు పెట్టుకోవడం కోసం శరీరంపై కుట్టించుకుంటారు కదా! చెవి పోగులు తరహాలో) నొప్పి ఎలా తగ్గింది? మీరు ఏం చేశారు?
సమంత: ఈ విషయం గురించి ఒకరు అడగటం సంతోషంగా ఉంది. (చెవికి కుట్టించుకున్న పియసింగ్ చూపిస్తూ...) దీని గాయం / నొప్పి తగ్గడానికి ఆరు నెలలు పట్టింది. నేను ఏం చేశానో నాకు తెలియదు.
Also Read: సమంత మాటలకు అర్థం ఏమిటి? మరింత స్ట్రాంగ్‌గా బాడీ & మైండ్

మీరు ఏదైనా టాటూ వేయించుకోవాలని అనుకుంటున్నారా?
సమంత: మీకు ఓ విషయం తెలుసా?  ఎప్పుడూ టాటూ వేయించుకోవద్దని నాకు నేను చెబుతా. 

ఇన్‌స్టాగ్రామ్‌లో మీ ఫాలోయర్లు 23 మిలియన్స్ అయ్యారు!
సమంత: నేను చాలా లక్కీ! థాంక్యూ

మీ సంతోషానికి సీక్రెట్ ఏంటి? (Secret of Samantha Ruth Prabhu Happiness)
సమంత: సీక్రెట్ ఏమీ లేదు. ప్రతి రోజూ నిద్రలేవడం, సంతోషంగా ఉండాలని నిర్ణయించుకోవడం!

మీ తొలి సంపాదన ఎంత? (Samatha First Income)
సమంత: ఒక హోట‌ల్‌లో జ‌రిగిన కాన్ఫ‌రెన్స్‌కు ఎనిమిది గంట‌లు హోస్ట్ చేశా. రూ. 500 ఇచ్చారు. అప్పుడు పదో తరగతి అనుకుంట, లేదంటే ఇంటర్!

అమ్మాయిలకు మీరు ఇచ్చే సలహా? (Samantha suggestion to Young Women)
సమంత: మీ కలలను సాకారం చేసుకోండి. ఆ దిశగా ప్రయత్నాలు చేయండి. మీపై (మీ ప్రతిభపై) ఎప్పుడూ సందేహాలు పెట్టుకోవద్దు. మీపై మీకు డౌట్ వచ్చేలా చేసే అవకాశం ఎవరికీ ఇవ్వవద్దు. 'మీరు బాలేరు' అని చెప్పే అవకాశం ఎవరికీ ఇవ్వవద్దు. గిల్టీగా ఫీల్ అవ్వొద్దు.
Also Read: సమంత వర్సెస్ అక్కినేని అఖిల్ - బాక్సాఫీస్ దగ్గర పోటీ తప్పదా?