సల్మాన్ ఖాన్ చెల్లెలి ఇంట్లో చోరీ - ఖరీదైన డైమండ్స్ మాయం!

బాలీవుడ్ అగ్ర హీరో సల్మాన్ ఖాన్ చెల్లెలు అర్పిత ఖాన్ ఇంట్లో చోరీ జరిగింది. దీనిపై అర్పిత ఖాన్ స్వయంగా మంగళవారం ముంబై పోలీసులకు ఫిర్యాదు చేసింది.

Photo Credit: Instagram

బాలీవుడ్ కండల వీరుడు సల్మాన్ ఖాన్ సోదరి అర్పిత ఇంట్లో తాజాగా చోరీ జరిగింది. రూ.5 లక్షలకు పైగా విలువ చేసే తన చెవి పోగులు పోయాయని ఆమె పోలీసుల ఫిర్యాదులో పేర్కొంది. వజ్రాలతో చేయబడిందని, తన చెవిపోగులను మేకప్ ట్రైలో పెట్టానని, కాసేపటి తర్వాత చూస్తే అవి కనిపించకుండా పోయాయని వెల్లడించింది. అర్పిత ఫిర్యాదు మేరకు రంగంలోకి దిగిన పోలీసులు కేసు నమోదు చేసి దర్యాప్తు చేపట్టారు. ఈ సందర్భంగా అర్పిత ఖాన్ ఇంట్లో పని చేస్తున్న ఓ వ్యక్తిపై అనుమానం వ్యక్తం చేస్తూ.. అతడిని అదుపులోకి తీసుకుని విచారిస్తున్నారు. అతడిని విచారించిన తర్వాత అసలు విషయం బయపడింది. ఆ చెవి పోగులను అతడే దొంగిలించాడని తేలింది. పోలీసులు వాటిని రికవరీ చేసుకున్నారు.

ఇక అర్పితా ఖాన్ ఇంట్లో సుమారు 11 మంది పనివాళ్ళు ఉన్నారు. వారిలో సందీప్ హెగ్డే అనే 30 ఏళ్ల వ్యక్తి అర్పిత ఖాన్ చెవిపోగులను దొంగించినట్లు పోలీసులు గుర్తించారు. ఎందుకంటే అర్పిత ఖాన్ చెవి పోగులు పోయిన రోజు నుంచి సందీప్ హెగ్డే కనిపించడం లేదు. దాంతో ముంబై పోలీసులు అతన్ని ట్రాప్ చేసి పట్టుకున్నారు. ఆ తర్వాత విచారించి ఆ చెవిపోగులను రికవరీ చేశారు.

చెవిపోగులను దొంగలించిన సందీప్ హెగ్డే పై పోలీసులు సెక్షన్ 381 కింద కేసు నమోదు చేశారు. కాగా సల్మాన్ ఖాన్ కి తన చెల్లి అర్పిత ఖాన్ అంటే చాలా ఇష్టం. నిజానికి సల్మాన్ ఖాన్ కి సుహేల్ ఖాన్, అర్బాజ్ ఖాన్ అనే ఇద్దరు సోదరులు. అలాగే అల్విరా ఖాన్ అగ్నిహోత్రి, అర్పితా ఖాన్ అనే మరో ఇద్దరు సోదరీమణులు ఉన్నారు. అయితే వీరిలో అర్పిత ఖాన్ ని సల్మాన్ ఖాన్ దత్తత తీసుకున్నారు. ఇక సల్మాన్ ఖాన్ సినిమాల విషయానికొస్తే.. ఇటీవల 'కిసికా భాయ్ కిసికా జాన్' అనే సినిమాతో ప్రేక్షకులు ముందుకు వచ్చాడు.

భారీ అంచనాల నడుమ విడుదలైన ఈ సినిమా బాక్సాఫీస్ వద్ద పరాజయం అందుకుంది. ఈ సినిమాలో మన టాలీవుడ్ స్టార్స్ విక్టరీ వెంకటేష్ కీలక పాత్రలో నటించగా.. మెగా పవర్ స్టార్ రామ్ చరణ్ కూడా గెస్ట్ అప్పీరియన్స్ ఇచ్చారు. అలనాటి స్టార్ హీరోయిన్ భూమిక సైతం ఈ మూవీలో నటించింది. ఇక సల్మాన్ ఖాన్ సరసన పూజ హెగ్డే హీరోయిన్‌గా నటించింది. టాలీవుడ్ లో పవన్ కళ్యాణ్ నటించిన 'కాటమరాయుడు' అనే సినిమాకి ఇది  రీమేక్ గా తెరకెక్కింది. ఫర్హాద్ సంజీ డైరెక్ట్ చేసిన ఈ మూవీ ని సల్మాన్ ఖాన్ జి స్టూడియో సంస్థతో కలిసి తన బ్యానర్ పై స్వయంగా నిర్మించారు.

రంజాన్ కానుకగా ఏప్రిల్ 21న విడుదలైన ఈ సినిమా ప్రేక్షకులను ఆకట్టుకోలేకపోయింది. ఇక ప్రస్తుతం సల్మాన్ ఖాన్ 'టైగర్ 3' అనే సినిమా చేస్తున్నాడు. యశ్ రాజ్ ఫిలిమ్స్ భారీ బడ్జెట్ తో నిర్మిస్తున్న ఈ సినిమాలో కత్రినా కైఫ్ హీరోయిన్ గా నటిస్తుండగా.. ఇమ్రాన్ హష్మీ కీలక పాత్రలో కనిపించనున్నాడు. మనీష్ శర్మ డైరెక్ట్ చేస్తున్న ఈ మూవీ 2023 దీపావళి కానుకగా విడుదల కానుంది.