Saif Ali Khan: పటౌడీ వారసుడు, వేల కోట్ల ఆస్తులకు అధిపతి... నవాబ్ సైఫ్ జీవితంలో ఆసక్తికర విషయాలు తెలుసా?
Saif Ali Khan Family Background: ఈ రోజు తెల్లవారు జాముకు కత్తి పోట్లకు గురైన సైఫ్ అలీఖాన్ ది.. రాజ కుటుంబం అనే విషయం తెలిసిందే. ఆయన పటౌడీ సామ్రాజ్యానికి పదవ నవాబ్. అలాగే..
Saif Ali Khan Family and Legacy: సైఫ్ అలీఖాన్ ప్రస్తుతం ఆస్పత్రిలో చికిత్స పొందుతున్నారు. ఆయన వెన్నుముకపై కత్తి పోటు తగలడంతో సర్జరీ చేసి కత్తిని తొలగించినట్టు తాజాగా వైద్యులు విడుదల చేసిన హెల్త్ బులిటెన్ లో పేర్కొన్నారు. ప్రస్తుతం ఆయనకు ప్రమాదం తప్పిందన్నారు. కాగా బాలీవుడ్ నటుడైన సైఫ్ అలీఖాన్ ది హైప్రోఫైల్ ఫ్యామిలీ బ్యాగ్రౌండ్ అనే విషయం తెలిసిందే. ఆయనది నవాబుల కుటుంబ నేపథ్యం. తాత మొత్తాలు రాజులు, తండ్రి టీమిండియా క్రికెటర్, తల్లి కూడా సెలబ్రిటీ, భార్య స్టార్ హీరోయిన్. ఆయన కూడా స్టార్ నటుడు. అంతేకాదు ఈ రాజ కుటుంబంలో పదవ వారసుడు, పదవ నవాబ్.
రాజకుటుంబ వారసత్వం ఉన్న సైఫ్ ఆస్తులు రూ.1200 కోట్లు పై చీలుకే అని ముంబై మీడియా పేర్కొంది. పటౌడీ రాజకుటుంబానికి చెందిన సైఫ్ కి గురుగ్రామ్ లో పటౌడీ ప్యాలెస్ ఉంది. దానిని పేరు గురుగ్రామ్ ఇబ్రహీం కోఠీ చిహ్నంగా పిలుస్తారు. 1935 లో సైఫ్ పూర్వీకులు పటౌడీ సంస్థానం నవాబులు ఈ ప్యాలెస్ కట్టించారు. సైఫ్ తాత నవాబ్ ఇఫ్తికార్ అలీఖాన్ తన భార్య బేగమ్ ఆప్ భోపాల్ కు కానుకగా ఇచ్చేందుకు ఈ పటౌడీ ప్యాలెస్ ని సుందర భవనంగా కట్టించారట. దాదాపు 10 ఎకరాల విస్తిర్ణంలో నిర్మించారు. దీనిలో ఏడు పడక గదులున్నాయట. ఈ పటౌడీ ప్యాలెస్ విలువ సుమారు రూ. 800 కోట్లు ఉంటుందని సమాచారం. ఈ ప్యాలెస్ లో వీర్ జారా, ఈట్ ప్రే లవ్ వంటి సినిమాల షూటింగ్ జరిగింది.
తల్లి, తండ్రి ఇద్దరు సెలబ్రిటీలే...
సైఫ్ తండ్రి పేరు మన్సూర్ అలీఖాన్ పటౌడీ. ఈయన టీమిండియా మాజీ ఆటగాడు. కొన్నాళ్లు ఆయన టీమిండియా జట్టుకు నాయకత్వం కూడా వహించారు. 21 సంవత్సరాల వయసులోనే భారత క్రికెట్ జట్టుకు కెప్టెన్‌గా ఉన్న ఆయన అసాధారణ ఫీల్డింగ్ తో 'టైగర్ పటౌడీ' అనే బిరుదు పొందారు. ఆయన గతంలో వించెస్టర్ కాలేజీకి ఆడాడు, ఒక సీజన్‌లో అత్యధిక పరుగులు చేసి స్కూల్ రికార్డుకు ఎక్కారు. టీమిండియాకు కెప్టెన్ గా వహించిన అతి వయస్కుడిగా ఆయనపై పేరు రికార్డు ఉంది. 2004 వరకు జింబాబ్వే ఆటగాడు టాటెండా తైబు ఈ రికార్డును క్లెయిమ్ చేసే వరకు అతను ప్రపంచంలోనే అతి చిన్న వయసులోనే టెస్ట్ కెప్టెన్‌గా ఈ రికార్డు ఆయన పేరుపై ఉంది. ఇక ఆయన తల్లి షర్మిలా ఠాగోర్. ఆమె బాలీవుడ్ నటి. హిందీలో పలు చిత్రాల్లో హీరోయిన్ గా నటించిన ఆమెను సైఫ్ తండ్రి మన్సూర్ అలీఖాన్ ప్రేమించి పెళ్లి చేసుకున్నారు. వీరికి ముగ్గురు సంతానం. కొడుకు సైఫ్ అలీఖాన్, ఇద్దరు కూతుళ్లు జన్మించారు. తండ్రి మీద ఉన్న ప్రేమతో సైఫ్, ఆయన భార్య కరీనా కపూర్ టైగర్స్ ఆఫ్ కలకత్తా అనే ఇండియన్ స్ట్రీట్ ప్రీమియం లీగ్ జట్టును కోనుగోలు చేశారు. 2024లో మార్చిలో జరిగిన లీగ్ వారి జట్టు విజయం సాధించి చాంపిన్ గా నిలిచింది.
వ్యాపార సామ్రాజ్యం
సైఫ్ తన కుటుంబ వారసత్వంగా పటౌడీ పేరుతో దుస్తుల బ్రాండ్ ను ప్రారంభించారు. ఆ తర్వాత పర్య్వూమ్స్, ఫుట్ వేర్, హోమ్ డెకార్ వంటి రంగాలకు దానిని విస్తరించారు. మొదట 2022లో బెంగళూరులో ప్రారంభించి ఆ తర్వాత ముంబై, గోవాలకు ఔట్ లెట్స్ తెరిచారు. ప్రస్తుతం సైఫ్ తన భార్య కరీనా కపూర్ తో కలిసి ముంబైలోని సద్గురుశరణ్ లోని విలాసవంతమైన భవనంలో నివసిస్తున్నాడు. ప్రస్తుతం సైఫ్ ఉంటున్న ఇంటి విలువ రూ. 55 కోట్లు అని అంచనా. అలాగే స్వీట్జర్లాండ్ లో గాస్టాడ్ ప్రాంతంలో వీరికి విలాసవంతమైన ఇల్లు కూడా ఉంది. దానికి విలువ రూ. 33 కోట్లు. ఇక సైఫ్ కార్ల కలెక్షన్స్ కి వస్తే బెంజ్ ఎస్ క్లాస్ కు చెందిన ఎస్350డీ, ల్యాండ్ రోవర్ డిఫెండర్ 110, ఆడీ క్యూ7, జీప్ రాంగ్లర్ వంటివి ఉన్నాయి. అయితే సైఫ్ అలీఖాన్ మొదట అమృతా సింగ్ ను పెళ్లి చేసుకున్నాడు. 1991లో వీరి వివాహం జరుగగా.. 2004లో వీరి విడాకులు తీుసుకున్నారు. వీరికి సారా అలీ ఖాన్, ఇబ్రహీం అలీ ఖాన్ అనే ఇద్దరు సంతానం. విడాకుల తర్వాత 2012లో కరీనా కపూర్ ను పెళ్లి చేసుకున్నాడు. వీరికీ తైమూర్, జేహ్ ఇద్దరు మగ పిల్లలు. సైఫ్ అలీ ఖాన్ ప్రస్తుతం ఒక్కో సినిమాకు 10 నుంచి 15 కోట్ల రూపాయల రెమ్యూనరేషన్ తీసుకుంటున్నారని, ఒక్కో యాడ్ కోసం రూ. 1 లేదా 2 కోట్లు తీసుకుంటున్నారని టాక్.
టాప్ హెడ్ లైన్స్
ట్రెండింగ్ వార్తలు
