Rishab Shetty: ఓటీటీలపై మండిపడ్డ రిషబ్ శెట్టి - అలా చేయడం బాగోలేదంటూ ఫైర్

Rishab Shetty, OTTs : తాజాగా ఐఎఫ్ఎఫ్ఐలో పాల్గొన్న యాక్టర్ కమ్ డైరెక్టర్ రిషబ్ శెట్టి.. ఓటీటీల వల్ల కన్నడ సినిమాలు ఎదుర్కుంటున్న ఇబ్బందులను ఓపెన్‌గా బయటపెట్టారు.

Image Credit: Rishab Shetty/Twitter

Rishab Shetty, Kannada Movies: ప్రస్తుతం ఇండియన్ బాక్సాఫీస్ దగ్గర సౌత్ సినిమాల హవానే ఎక్కువగా ఉంది. కొన్నేళ్ల క్రితం వరకు సౌత్‌లో తెలుగు, తమిళ ఇండస్ట్రీల డామినేషన్ ఎక్కువగా ఉండేది. కానీ మెల్లగా పరిస్థితులు మారిపోయాయి. మలయాళ, కన్నడ ఇండస్ట్రీలు కూడా బాక్సాఫీస్ రేసులోకి దూసుకొచ్చాయి. ముఖ్యంగా కన్నడ ఇండస్ట్రీవైపు అందరూ తిరిగి చూసేలా చేశారు అక్కడి మేకర్స్. కానీ ఒకప్పుడు శాండిల్‌వుడ్ ఎదుర్కున్న కష్టాల గురించి యాక్టర్ కమ్ డైరెక్టర్ రిషబ్ శెట్టి నోరువిప్పారు. ఆ కష్టాలు ఇప్పటికీ ఉన్నాయని బయటపెట్టారు. కన్నడ చిత్రాలను కొనడానికి ఓటీటీలు ముందుకు రావడం లేదని స్టేట్‌మెంట్ ఇచ్చారు.

 కన్నడ సినిమాలను యాక్సెప్ట్ చేయట్లేదు..
ఇటీవల జరిగిన ఇంటర్నేషన్ ఫిల్మ్ ఫెస్టివల్ ఆఫ్ ఇండియా (ఐఎఫ్ఎఫ్ఐ)లో కన్నడ స్టార్ రిషబ్ శెట్టి పాల్గొన్నారు. అక్కడే కన్నడ సినీ పరిశ్రమ పరిస్థితి గురించి బయటపెట్టారు. ఒకప్పుడు ఎన్‌ఎఫ్‌డీసీ ఫిల్మ్ బజార్‌లాంటి కార్యక్రమాల్లో పాల్గొని కన్నడ సినీ పరిశ్రమ డబ్బులు సంపాదించుకునేదని గుర్తుచేసుకున్నారు. కోవిడ్ తర్వాత పరిస్థితులు మారిపోయాయని అన్నారు. ‘‘కోవిడ్ మహమ్మారి తర్వాత ఓటీటీ ప్లాట్‌ఫార్మ్స్ వల్ల మార్కెట్స్ అనేవి కుప్పకూలిపోయాయి. ఓటీటీలు అనేవి కన్నడ సినిమాలను యాక్సెప్ట్ చేయడం మానేశాయి ఎందుకంటే అప్పట్లో ఒక కమర్షియల్ కన్నడ చిత్రం ఫ్లాప్ అయ్యింది’’ అని ఓటీటీల్లో కన్నడ సినిమా పరిస్థితి గురించి చెప్పుకొచ్చారు రిషబ్.

ఆ రోజు కోసం ఎదురుచూస్తున్నాం..
‘‘ప్రస్తుతం ఓటీటీ ప్లాట్‌ఫార్మ్ అన్నీ కన్నడ సినిమాలను విడుదల చేసే వీలు లేదు అన్నట్టుగా వ్యవహరిస్తున్నాయి. ఇదేమీ బాలేదు. ఒక సినిమా వల్ల సబ్‌స్క్రైబర్సే లేరు అని చెప్పడం కరెక్ట్ కాదు. కన్నడ సినిమాలను యాక్సెప్ట్ చేయడానికి టైమ్ తీసుకుంటామని ఓటీటీలు అంటున్నాయి. వారు ఓకే అనే రోజు కోసం ఎదురుచూస్తున్నాం’’ అని ఓటీటీల ద్వారా కన్నడ సినిమాలు ఎదుర్కుంటున్న ఇబ్బందులను బయటపెట్టారు రిషబ్ శెట్టి. ఇక రిషబ్‌లాంటి స్టార్ ముందుకు వచ్చి మాట్లాడడంతో నిజంగానే ఓటీటీలు కన్నడ సినిమాలను ఇబ్బంది పెడుతున్నాయనే విషయం చాలామంది ఇతర భాషా ప్రేక్షకులకు అర్థమయ్యింది.

ఐఎఫ్ఎఫ్ఐలో ‘కాంతార’..
ఇక ‘కాంతార’లాంటి చిత్రంతో ప్యాన్ ఇండియా స్టార్ల లిస్ట్‌లో రిషబ్ శెట్టి పేరు కూడా యాడ్ అయ్యింది. ఈ సినిమాలో రిషబ్ నటించడం మాత్రమే కాకుండా తనే దీనికి కథను అందించడంతో పాటు డైరెక్ట్ కూడా చేశాడు.  ఈ పీరియాడిక్ సినిమా తాజాగా ఐఎఫ్ఎఫ్ఐ 2023లో ప్రసారమయ్యింది. ఇప్పటికే ఎన్నో అవార్డులు దక్కించుకున్న ‘కాంతార’కు ఐఎఫ్ఎఫ్ఐలో ఫీచర్ అవ్వడం మరో రికార్డ్‌గా మారింది. ఇక ఆ మూవీకి ప్రీక్వెల్ అయిన ‘కాంతార 1’ పనులు కూడా ప్రారంభమయ్యాయి. తాజాగా ఈ ప్రీక్వెల్ ఫస్ట్ లుక్‌ను విడుదల చేశారు మేకర్స్. కాంతార 2 కంటే ‘కాంతార చాప్టర్1’లో రిషబ్ లుక్ చాలా డిఫరెంట్‌గా ఉండడంతో ఈ సినిమాలో ఎలాంటి ట్విస్టులు ఉంటాయో అని ప్రేక్షకులు అప్పుడే అంచనాలు పేంచేసుకుంటున్నారు. ‘కాంతార 1’ 2024లో ప్రేక్షకుల ముందుకు రావడానికి సిద్ధమవుతోంది. ఈ ప్రీక్వెల్‌ను ప్యాన్ ఇండియా రేంజ్‌లో తెరకెక్కించే ప్రయత్నాలు చేస్తున్నారు మేకర్స్.

ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆 *T&C Apply