Tiger Nageswara Rao Movie : విజయ దశమికి రవితేజ 'టైగర్' వేట - వెనకడుగు వేసేది లేదు

రవితేజ హీరోగా అభిషేక్ అగర్వాల్ నిర్మిస్తున్న 'టైగర్ నాగేశ్వరరావు' విడుదల వాయిదా పడిందని వచ్చిన వార్తలను నిర్మాణ సంస్థ ఖండించింది.

'టైగర్ నాగేశ్వర రావు' సినిమాలో రవితేజ 

మాస్ మహారాజా రవితేజ (Raviteja) కథానాయకుడిగా రూపొందుతున్న సినిమా 'టైగర్ నాగేశ్వరరావు' (Tiger Nageswara Rao Movie). దీనికి వంశీ (Director Vamsee) దర్శకుడు. తేజ్ నారాయణ్ అగర్వాల్ సమర్పణలో అభిషేక్ అగర్వాల్ ఆర్ట్స్ పతాకంపై అభిషేక్ అగర్వాల్ భారీ నిర్మాణ వ్యయంతో పాన్ ఇండియా స్థాయిలో విడుదల చేసేలా ప్రతిష్టాత్మకంగా నిర్మిస్తున్నారు. కొన్ని రోజులుగా ఈ సినిమా విడుదలపై ఓ ప్రచారం జరుగుతోంది. దాన్ని చిత్ర బృందం ఖండించింది.

అక్టోబర్ 20నే విడుదల...
వెనకడుగు వేయడం లేదు
Tiger Nageswara Rao Release Date : విజయ దశమి కానుకగా అక్టోబర్ 20న చిత్రాన్ని ప్రేక్షకుల ముందుకు తీసుకు రానున్నట్లు గతంలో ప్రకటించారు. అయితే, ఆ తేదీకి సినిమా రావడం లేదని వాయిదా పడుతుందని ప్రచారం జరుగుతోంది. అది అవాస్తమని అభిషేక్ అగర్వాల్ ఆర్ట్స్ సంస్థ తెలిపింది. తాము వెనకడుగు వేయడం లేదని, ముందుగా ప్రకటించిన తేదీకి ప్రేక్షకుల ముందుకు వస్తామని చెప్పింది. 

ఆ పుకార్లు, వదంతులను నమ్మవద్దు
''టైగర్‌ నాగేశ్వరరావు అక్టోబర్ 20న విడుదల కావడం లేదని ఎటువంటి ఆధారాలు లేని ఊహాగానాలు ప్రచారంలోకి వచ్చాయి. కొన్ని శక్తులు ఈ పుకార్లను వ్యాప్తి చేస్తున్నాయి. ఎందుకంటే... మా సినిమాపై ప్రేక్షకుల్లో ఆసక్తి ఏర్పడింది. అంతే కాదు... థియేట్రికల్ ఎకో సిస్టమ్‌లోని డిస్ట్రిబ్యూటర్లు, వివిధ స్టేక్ హోల్డర్స్ నుంచి మొదటి ప్రాధాన్యత పొందింది. అందుకని, ఎటువంటి వదంతులను నమ్మవద్దు. అక్టోబరు 20 నుంచి బాక్సాఫీస్ బరిలో టైగర్ వేట పార్రంభం అవుతుంది. ప్రేక్షకులకు గొప్ప అనుభూతి ఇవ్వడానికి మా చిత్ర బృందం కృషి చేస్తోంది" అని ఓ ప్రకటనలో తెలిపారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Abhishek Agarwal Arts (@aaartsofficial)

రాజమండ్రిలోని ఐకానిక్ హేవ్‌ లాక్ బ్రిడ్జ్ (గోదావరి)పై 'టైగర్ నాగేశ్వర రావు' ఫస్ట్ లుక్ పోస్టర్, కాన్సెప్ట్ వీడియో విడుదల చేసిన సంగతి తెలిసిందే. త్వరలో ఈ సినిమా టీజర్‌ విడుదల చేసేందుకు ప్లాన్ చేస్తున్నారు. భారతీయ జనతా పార్టీ నాయకుడు కిషన్ రెడ్డి, మెగాస్టార్ చిరంజీవి, బాలీవుడ్ దర్శకుడు వివేక్ అగ్నిహోత్రి తదితరుల సమక్షంలో ఈ ఏడాది ఉగాదికి పూజా కార్యక్రమాలతో సినిమాను లాంఛనంగా ప్రారంభించారు. 

దసరా బరిలో మరో రెండు సినిమాలు
విజయ దశమికి నట సింహం నందమూరి బాలకృష్ణ కథానాయకుడిగా అనిల్ రావిపూడి దర్శకత్వంలో తెరకెక్కుతోన్న 'భగవంత్ కేసరి' ప్రేక్షకుల ముందుకు వస్తోంది. ఆ సినిమా విడుదల అక్టోబర్ 19న. అదే రోజున తమిళ స్టార్ హీరో విజయ్, 'విక్రమ్' దర్శకుడు లోకేష్ కనగరాజ్ కలయికలో రూపొందుతోన్న 'లియో' సినిమా విడుదల కూడా!

'టైగర్ నాగేశ్వరరావు' (Tiger Nageswara Rao Biopic)లో రవితేజకు జోడీగా బాలీవుడ్ భామ నుపుర్ సనన్, గాయత్రి భరద్వాజ్ నటించనున్నారు. 1970లలో దక్షిణ భారతంలో జరిగిన వాస్తవ సంఘటనల ఆధారంగా, స్టువర్టుపురం నాగేశ్వరరావు కథతో రూపొందిస్తున్న చిత్రమిది. ఈ చిత్రానికి కెమెరా: ఆర్. మది, సంగీతం: జీవీ ప్రకాష్ కుమార్ (GV Prakash Kumar), ప్రొడక్షన్ డిజైనర్: అవినాష్ కొల్లా, డైలాగ్ రైటర్: శ్రీకాంత్ విస్సా, సహ నిర్మాత: మయాంక్ సింఘానియా.

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial