Ramayana release date: రెండు పార్టులుగా సాయి పల్లవి - రణబీర్ రామాయణం... దీపావళికి థియేటర్లలో రావణాసుర వధ

Ranbir Kapoor Ramayana release date: బాలీవుడ్ హీరో రణబీర్ కపూర్, బాక్సాఫీస్ క్యీన్ సాయి పల్లవి జంటగా నితీష్ తివారి తెరకెక్కిస్తున్న రామాయణం రిలీజ్ డేట్ అనౌన్స్ చేశారు.

రాముడిగా రణబీర్ కపూర్ (ఏఐ ఫోటో), సాయి పల్లవి

Source : ABPLIVE AI

Sai Pallavi's Ramayana release date announced: సాయి పల్లవికి దీపావళి సీజన్ బాగా కలిసి వచ్చిందని చెప్పాలి. ఈ ఏడాది దీపావళికి ఆవిడ ప్రధాన పాత్రలో నటించిన 'అమరన్' విడుదలై తెలుగు, తమిళ భాషల్లో భారీ విజయం సాధించింది. వచ్చే ఏడాది దీపావళికి కూడా సాయి పల్లవి సినిమా థియేటర్లలోకి రానుంది. ఆ వివరాల్లోకి వెళితే...

రెండు పార్టులుగా రామాయణం విడుదల
Ranbir Kapoor Led Ramayana Films Will Be Released In Two Parts: సీత పాత్రలో సాయి పల్లవి నటిస్తున్న సంగతి తెలిసిందే. బాలీవుడ్ స్టార్ హీరో రణబీర్ కపూర్ రాముడిగా రూపొందుతున్న 'రామాయణ' సినిమాలో ఆవిడది సీత పాత్ర. హిందీ దర్శకుడు నితీష్ తివారి ఈ పౌరాణిక చిత్రానికి దర్శకత్వం వహిస్తున్నారు. ఈ సినిమాను రెండు పార్టులుగా విడుదల చేయనున్నట్లు ఇవాళ వెల్లడించారు. దాంతో పాటు విడుదల తేదీలను సైతం ప్రకటించారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Namit Malhotra (@iamnamitmalhotra)

దీపావళికి థియేటర్లలో రావణాసుర వధ
Ramayana Release for Diwali: దీపావళికి నరకాసుర దహనం చేయడం ఆనవాయితీ. అయితే, వచ్చే ఏడాది కాకుండా ఆపై ఏడాది థియేటర్లలో ప్రేక్షకులకు రావణాసుర వధను చూపించడానికి రామాయణ చిత్ర బృందం రెడీ అవుతుంది. దీపావళి 2026కి రామాయణం మొదటి భాగాన్ని విడుదల చేస్తామని, 2027 దీపావళికి రెండో భాగాన్ని విడుదల చేస్తామని ఇవాళ అధికారికంగా వెల్లడించింది.

MASSIVE DEVELOPMENT... 'RAMAYANA' PART 1 & 2 RELEASE DATE ANNOUNCEMENT... Mark your calendars... #NamitMalhotra's #Ramayana - starring #RanbirKapoor - arrives in *theatres* on #Diwali 2026 and 2027.
Part 1: #Diwali2026
Part 2: #Diwali2027
Directed by #NiteshTiwari. pic.twitter.com/3BRWR0bg2L

— taran adarsh (@taran_adarsh) November 6, 2024

నార్త్ ఇండియాలో విజయ దశమికి రావణాసుర దహనం చేస్తారు. దసరాకు లంక నుంచి బయలు దేరిన రాముడు దీపావళికి అయోధ్యకు చేరతారు. ఆ ఆనందంలో ఉత్తరాది ప్రజలు దీపావళి జరుపుతారు. రెండేళ్ల తర్వాత దీపావళికి థియేటర్లు అన్నీ 'జై శ్రీరామ్' నామస్మరణతో మార్మోగుతాయని చెప్పడంలో ఎటువంటి సందేహం అవసరం లేదు. 

'రామాయణ' కంటే ముందు యువ సామ్రాట్ అక్కినేని నాగ చైతన్య 'తండేల్'తో థియేటర్లలో సందడి చేయనుంది సాయి పల్లవి. ఆ సినిమాను వచ్చే ఏడాది ఫిబ్రవరికి విడుదల చేయనున్నట్లు వెల్లడించిన సంగతి తెలిసిందే. అది కాకుండా హిందీలో మరొక సినిమా చేస్తోంది సాయి పల్లవి.