Ram Charan : పారిస్‌లో రామ్ చరణ్ - అక్కడికి ఎందుకు వెళ్ళారంటే?

రామ్ చరణ్ ప్రస్తుతం పారిస్ లో ఉన్నారు. ఫ్యామిలీతో కలిసి అక్కడ ఓ వెడ్డింగ్ కి అటెండ్ అయ్యారు. ఈ వెడ్డింగ్ లో రామ్ చరణ్ దిగిన ఓపిక ఇప్పుడు సోషల్ మీడియాలో తెగ వైరల్ అవుతుంది.

Photo credit : RamChran

'ఆర్ఆర్ఆర్' సినిమాతో గ్లోబల్ స్టార్ గా మారిపోయాడు మెగా పవర్ స్టార్ రామ్ చరణ్. రాజమౌళి తెరకెక్కించిన ఈ మూవీ పాన్ ఇండియా హిట్ అందుకుంది. ప్రస్తుతం సెన్సేషనల్ డైరెక్టర్ శంకర్ దర్శకత్వంలో 'గేమ్ చేంజర్' సినిమాలో నటిస్తున్నాడు. 'ఆర్ఆర్ఆర్'తో కెరియర్ పరంగా చరణ్ గ్రాఫ్ అమాంతం పెరిగిపోయింది. ఆ గ్రాఫ్ ని మరింత పెంచుకునేందుకు వరుస పాన్ ఇండియా ప్రాజెక్ట్స్ చేస్తున్నాడు. ఇక పర్సనల్ లైఫ్ విషయానికి వస్తే... కొద్ది రోజుల క్రితమే రామ్ చరణ్ తండ్రి అయిన సంగతి తెలిసిందే. చరణ్ భార్య ఉపాసన జూన్ నెలలో పండంటి ఆడపిల్లకు జన్మనిచ్చింది. ఆమెకి 'క్లింకారా' అని నామకరణం చేశారు.

ఇక పాప పుట్టిన తర్వాత మొదటిసారి ఇటీవల విదేశాలకు వెళ్లారు చరణ్ - ఉపాసన. ప్రస్తుతం ఈ జంట ఫారిన్ లో వెకేషన్ ని ఎంజాయ్ చేస్తున్నారు. రీసెంట్ గా రామ్ చరణ్ - ఉపాసన ఫారిన్ టూర్ కి వెళుతుండగా ఎయిర్ పోర్టులో మీడియా కంటపడ్డారు. అందుకు సంబంధించిన ఫోటోలు, వీడియోలు నెట్టింట వైరల్ గా మారాయి. ఆ తర్వాత ఫారిన్ వెళ్ళాక ఉపాసన సోషల్ మీడియాలో కొన్ని పోస్టులు షేర్ చేసింది. దాన్ని బట్టి ఈ జంట పారిస్ వెళ్ళినట్టు తెలిసింది. మరో పోస్ట్ లో ఉపాసన వెడ్డింగ్ కార్డు ఇన్విటేషన్ కూడా షేర్ చేసింది. ఈ పోస్ట్ ను బట్టి ఫ్యారిస్ లో మ్యారేజ్ కి వెళ్లారని అర్థమవుతుంది.

అయితే తాజాగా ఈ వెడ్డింగ్ ఫంక్షన్ లో రామ్ చరణ్ దిగిన ఓ పిక్ ఇప్పుడు సోషల్ మీడియాలో తెగ చక్కర్లు కొడుతోంది. ఈ పిక్ లో రామ్ చరణ్ తన స్టైలిష్ లుక్ తో ఆకట్టుకున్నారు. ఈ వెడ్డింగ్ లో రామ్ చరణ్ ప్రముఖ కాస్ట్యూమ్ డిజైనర్ ఫరాజ్ మనన్ ప్రత్యేకంగా డిజైన్ చేసిన లేత గోధుమ రంగు సూట్ ని ధరించాడు. సిగ్నేచర్ హెయిర్ డో, డోల్డెన్ ఫినిషింగ్ తో కూడిన బ్లాక్ వెల్వెట్ షూస్, సన్ గ్లాసెస్, గోల్డెన్ వాచ్ ధరించి ఆ వెడ్డింగ్ లో ప్రత్యేక ఆకర్షణగా నిలిచాడు. ప్రస్తుతం ఈ పిక్ నెటిజన్స్ తో పాటు ఫ్యాన్స్ ని ఎంతగానో ఆకట్టుకుంటుంది. కాగా ఈ వెడ్డింగ్ కు సంబంధించి ఉపాసన తన సోషల్ మీడియాలో ఇంకెలాంటి విషయాలను వెల్లడించకపోవడం గమనార్హం.

ఇక రామ్ చరణ్ సినిమాల విషయానికొస్తే... ప్రస్తుతం ఫ్యారిస్ వెకేషన్ ఎంజాయ్ చేస్తున్న చరణ్ తిరిగి వచ్చిన తర్వాత 'గేమ్ చేంజర్' చివరి షెడ్యూల్ షూటింగ్లో జాయిన్ కానున్నారు. వచ్చే ఏడాది ఈ సినిమాను విడుదల చేసేందుకు మేకర్స్ సన్నాహాలు చేస్తున్నారు. ఈ మూవీ షూటింగ్ పూర్తి చేసిన వెంటనే ఉప్పెన డైరెక్టర్ బుచ్చిబాబుతో తన తదుపరి మూవీని సెట్స్ పైకి తీసుకెళ్లనున్నాడు చరణ్. 'RC16' అనే వర్కింగ్ టైటిల్తో ప్రస్తుతం ప్రీ ప్రొడక్షన్ పనులు జరుపుకుంటున్న ఈ మూవీ స్పోర్ట్స్ బ్యాక్ డ్రాప్ లో ఉండబోతున్నట్లు తెలుస్తోంది. సినిమాలో రామ్ చరణ్ డ్యూయల్ రోల్ చేస్తున్నట్లు వార్తలు వినిపిస్తున్నాయి. సుకుమార్ రైటింగ్స్ సమర్పణలో వ్రిద్ధి సినిమాస్, మైత్రి మూవీ మేకర్స్ సంయుక్తంగా ఈ సినిమా నిర్మిస్తున్నారు. ఏఆర్ రెహమాన్ ఈ చిత్రానికి సంగీతం అందిస్తున్నట్లు సమాచారం.

Join Us on Telegram: https://t.me/abpdesamofficial