Ram Charan Allu Arjun : ఒకే ఫ్రేములో చరణ్, అర్జున్ - వరుణ్ తేజ్ వెడ్డింగ్ కాక్‌ టైల్ పార్టీతో పుకార్లకు చెక్!

Varun Tej Lavanya Tripathi Wedding : వరుణ్ తేజ్, లావణ్య త్రిపాఠి పెళ్లికి ముందు మెగా ఫ్యామిలీ ఇచ్చిన కాక్ టైల్ పార్టీలో రామ్ చరణ్, అల్లు అర్జున్ ఫోటోలు డిస్కషన్ పాయింట్ అవుతున్నాయి. 

VarunLav పెళ్లి వేడుకకు ముందు ఇచ్చిన కాక్ టైల్ పార్టీలో స్నేహ రెడ్డి, అల్లు అర్జున్, వరుణ్ తేజ్, లావణ్యా త్రిపాఠి, రామ్ చరణ్

గ్లోబల్ స్టార్ రామ్ చరణ్, ఐకాన్ స్టార్ అల్లు అర్జున్... ఇద్దరూ ఒకే వేదికపై కనువిందు చేశారు. మెగా ప్రిన్స్ వరుణ్ తేజ్, సొట్టబుగ్గల సుందరి లావణ్యా త్రిపాఠి పెళ్లి సందడి అందుకు వేదిక అయ్యింది. అసలు వివరాల్లోకి వెళితే...

కాక్ టైల్ పార్టీలో చరణ్ అర్జున్!
Varun Tej Lavanya Tripathi Cocktail Party : వరుణ్ తేజ్, లావణ్యా త్రిపాఠి పెళ్లి సందడి సోమవారం (అక్టోబర్ 30న) మొదలైంది. నిన్న రాత్రి గ్రాండ్ కాక్ టైల్ పార్టీ జరిగింది. అందులో కొత్త జంటతో కలిసి చరణ్, అర్జున్ సందడి చేశారు.

ఇటలీలో పెళ్లి వేడుకల కోసం కొణిదెల, అల్లు కుటుంబాలు వెళ్ళడానికి ముందు హైదరాబాద్ సిటీలో రెండు పార్టీలు జరిగాయి. మెగాస్టార్ చిరంజీవి ఇంట్లో ఓ పార్టీ జరిగింది. ఆ ఫొటోల్లో అల్లు శిరీష్ కనిపించారు గానీ అల్లు అర్జున్ లేరు. ఆ తర్వాత వరుణ్ తేజ్, లావణ్యా త్రిపాఠి అండ్ కజిన్స్ అందరిని ఇంటికి పిలిచి అల్లు అర్జున్ మరో పార్టీ ఇచ్చారు. ఆ ఫొటోల్లో రామ్ చరణ్ కనిపించలేదు. దాంతో కొందరు గాసిప్ రాయుళ్లు ఇద్దరి మధ్య దూరం పెరుగుతోందంటూ కథలు అల్లేశారు. అటువంటి పుకార్లు అన్నిటికీ కాక్ టైల్ పార్టీ ఫోటోలు సమాధానం ఇచ్చాయని చెప్పవచ్చు. 

All about the Last night at the cocktail party 🎉#VarunLav ✨@IAmVarunTej @Itslavanya
Global Star @AlwaysRamCharan
Icon StAAr @alluarjun #VarunTej #LavanyaTripathi pic.twitter.com/gbI425P8lp

— Team VarunTej (@TeamVarunTej) October 31, 2023

మూడు రోజుల పెళ్లి వేడుకలో ఇవాళ స్పెషల్ ఏంటంటే?
వరుణ్ తేజ్, లావణ్యా త్రిపాఠి పెళ్లి వేడుకలు మూడు రోజుల పాటు కుటుంబ సభ్యులు, క్లోజ్ ఫ్రెండ్స్ సమక్షంలో సందడిగా జరగనున్నాయి. ఆల్రెడీ నిన్న రాత్రి కాక్ టైల్ పార్టీ జరిగింది. ఇవాళ హల్దీ, మెహందీ వేడుకలు జరుగుతాయి. బుధవారం (నవంబర్ 1న) ఇద్దరూ ఏడు అడుగులు వేయనున్నారు. 

నవంబర్ 5న హైదరాబాద్ సిటీలో రిసెప్షన్!
పెళ్ళైన నాలుగు రోజులకు కొత్త జంట వరుణ్, లావణ్య హైదరాబాద్ వస్తారు. ఇటలీలో వివాహానికి ఇండస్ట్రీ నుంచి కొద్ది మందిని మాత్రమే ఆహ్వానించడంతో భాగ్య నగరంలో పరిశ్రమ ప్రముఖులకు భారీ రిసెప్షన్ ఏర్పాటు చేశారు. నవంబర్ 5న జరగబోయే ఆ వేడుకకు ఆల్రెడీ ఆహ్వానాలు పంపారు. ఆ రిసెప్షన్ కంటే ముందు ఇటలీలో పెళ్లైన తర్వాత చిన్న రిసెప్షన్ జరుగుతుందని టాక్. 

The Grand Mega Wedding rituals start today for a row of 3 days in ITALY😍✨🎉

30th Oct: Cocktails
31st Oct: Haldi, Mehendi
1st Nov: Wedding, Reception

God bless the couple abundantly in love, joy, and happiness ❤️

@IAmVarunTej @Itslavanya#VarunLav pic.twitter.com/mM5Tnaxgsb

— # Manoj (@manojvalluri) October 30, 2023