Rakul Preet Singh: కొత్త కారు కొన్న రకుల్, ధర చూసి షాక్ అవుతున్న ఫ్యాన్స్!
రకుల్ ప్రతీ సింగ్.. తాజాగా కొత్త కారు కొన్న విషయం అప్పుడే సోషల్ మీడియాలో వైరల్ అయ్యింది.
సినీ సెలబ్రిటీలలో కొందరికి కార్లు, బైక్లు అంటే ఒక విధమైన ఫ్యాంటసీ ఉంటుంది. దేశంలో ఎవరి దగ్గర లేని కారు వారి దగ్గరే ఉండాలని, ఎంత ఖర్చు అయినా కాస్ట్లీ కారు కొనాలని.. ఇలా అనుకునేవారు చాలామంది ఉంటారు. అందుకే కొందరు నటీనటుల కార్ల కలెక్షన్ చూస్తుంటే ప్రేక్షకులకు దిమ్మదిరిగిపోతుంది. హీరోలు మాత్రమే కాదు.. చాలామంది హీరోయిన్లు కూడా లగ్జరీ కార్లు అంటే క్రేజ్ చూపిస్తారు. తాజాగా రకుల్ ప్రతీ కూడా తన కార్ల కలెక్షన్లోకి మరో లగ్జరీ కారును యాడ్ చేసింది. అంతే కాకుండా ఈ సందర్భంగా మీడియాకు స్వీట్స్ కూడా పంచింది. ఇక ఈ కారు ధర ఎంత అనే విషయంపై అప్పుడే సోషల్ మీడియాలో చర్చలు మొదలయ్యాయి.
కారు ధరపై చర్చ..
రకుల్ ప్రతీ సింగ్.. తాజాగా కొత్త కారు కొన్న విషయం అప్పుడే సోషల్ మీడియాలో వైరల్ అయ్యింది. తన కొత్త కారుకు పూజ చేసి, పూలమాల వేసిన ఫోటోలు నెట్టింట్లో వైరల్ అవుతున్నాయి. ఈ ఫోటోలు, వీడియోలు తీయడానికి వచ్చిన వారందరికీ రకుల్ స్వీట్స్ కూడా పంచింది. ఇక ఈ ఫోటోలు వైరల్ అవుతున్న క్రమంలో అసలు ఈ కారు వివరాలు ఏంటి, దీని ధర ఏంటి తెలుసుకోవడానికి నెటిజన్లు ప్రయత్నిస్తారు. సోషల్ మీడియాలో చక్కర్లు కొడుతున్న సమాచారం ప్రకారం రకుల్ కొన్న కారు మోడల్.. మెర్సిడీస్ బెన్జ్ మేబ్యాచ్ జీఎల్ఎస్ అని తెలుస్తోంది. ఇక వెబ్సైట్ ప్రకారం.. ఈ కారు ధర దాదాపు రూ.3 కోట్లు ఉండే అవకాశం ఉన్నట్టు సమాచారం.
తెలుగులో అవకాశాలు లేవు..
రకుల్.. తన కొత్త కారు గురించి సోషల్ మీడియాలో పోస్ట్ చేయగానే.. చాలామంది సినీ సెలబ్రిటీలతో పాటు తన ఫ్యాన్స్ కూడా కంగ్రాట్స్ చెప్పడం మొదలుపెట్టారు. ప్రస్తుతం రకుల్.. తన ప్రొఫెషనల్ లైఫ్లో మాత్రమే కాదు.. పర్సనల్ లైఫ్లో కూడా చాలా బిజీగా ఉంది. ముందుగా తెలుగులో హీరోయిన్గా పరిచయమయిన రకుల్.. ఆ తర్వాత బాలీవుడ్పై దృష్టి పెట్టింది. ప్రస్తుతం తన చేతిలో కేవలం హిందీ సినిమాలు మాత్రమే ఉన్నాయి. తెలుగు మేకర్స్ అంతా ఇప్పుడు ఫ్రెష్ ఫేస్ల వెంట పరిగెడుతున్నారు. అందుకే రకుల్ కూడా తనకు వచ్చిన అవకాశాలను అందిపుచ్చుకుంటూ బిజీగా గడిపేస్తోంది.
పెళ్లి గురించి అడిగితే సీరియస్..
హీరో కమ్ ప్రొడ్యూసర్ జాకీ భగ్నానీతో ప్రేమలో ఉన్న విషయాన్ని కొంతకాలం క్రితం బయటపెట్టింది రకుల్. అప్పటినుండి వీరిద్దరూ ఓపెన్గా బయట తిరిగేస్తున్నారు. పెళ్లి గురించి అడిగితే మాత్రం సీరియస్ అవుతున్నారు. ప్రస్తుతం తన కెరీర్పై ఫుల్ ఫోకస్తో ఉన్నానని, పెళ్లి ఆలోచన లేదని రకుల్.. ఇప్పటికే క్లారిటీ ఇచ్చేసింది. ఇక సినిమాల విషయానికొస్తే.. రకుల్.. అర్జున్ కపూర్, భూమి పెడ్నేకర్తో కలిసి ‘మేరే హస్బెండ్ కీ బీవీ’ అనే మూవీలో నటిస్తోంది. ఈ చిత్రం తాజాగా సెట్స్పైకి వెళ్లింది. దీంతో పాటు అజయ్ దేవగన్తో కలిసి ‘దే దే ప్యార్ దే 2’ షూటింగ్లో బిజీగా ఉంది రకుల్. 2022లో అనేక సినిమాల్లో కనిపించిన రకుల్.. 2023లో కాస్త స్పీడ్ను తగ్గించింది. మళ్లీ 2024లో తను నటించిన పలు సినిమాలు విడుదలకు సిద్ధమవుతున్నాయి.
Also Read: దివ్యభారతి పాత్రలో తమన్నా? సెన్సేషన్కు సిద్ధమవుతోన్న బయోపిక్
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
