Prakash Raj vs Manchu Vishnu: ప్రకాష్ రాజ్ వర్సెస్ మంచు విష్ణు... లడ్డూ వివాదంలో సెటైరికల్ ట్విట్టర్ యుద్ధం

తిరుపతి లడ్డు వివాదం మంచు విష్ణు, ప్రకాష్ రాజ్ ల మధ్య ట్వీట్ల యుద్ధానికి కారణం అయ్యింది. హద్దుల్లో ఉండండి అంటూ హెచ్చరించిన మంచు విష్ణుకు ప్రకాష్ రాజ్ సెటైరికల్ రిప్లై ఇచ్చారు.

మంచు విష్ణు, ప్రకాష్ రాజ్

Source : ABPLIVE AI

తిరుమల తిరుపతి దేవస్థానంలో కల్తీ లడ్డు వివాదం యావత్ దేశాన్ని ఉలిక్కిపడేలా చేసింది. శ్రీవారికి భక్తిశ్రద్ధలతో సమర్పించే ఆ లడ్డులో గొడ్డు మాంసం, ఫిష్ ఆయిల్ వాడారు అనే వాదన తెరపైకి రావడం తీవ్ర వివాదానికి దారి తీసింది. దీంతో దేశవ్యాప్తంగా ఉన్న శ్రీవారి భక్తులు, పలు ధార్మిక సంస్థలు సైతం ఈ విషయంపై సత్వర విచారణ జరిపించి బాధ్యులపై చర్యలు తీసుకోవాలని డిమాండ్ చేస్తున్నారు. ఇక పలువురు సెలబ్రిటీలు ఈ వివాదంపై తమ అభిప్రాయాలను వ్యక్తం చేస్తున్నారు. ఈ నేపథ్యంలోనే లడ్డు వివాదంపై పవన్ కళ్యాణ్ కి కౌంటర్ గా ప్రకాష్ రాజ్ ట్వీట్ చేసిన విషయం తెలిసిందే. ఇప్పుడు పవన్ కళ్యాణ్ కి అండగా నిలిచిన మంచు విష్ణు.. ప్రకాష్ రాజ్ కి కౌంటర్ వేశారు. 

ప్రకాష్ రాజ్ కి మంచు విష్ణు స్ట్రాంగ్ కౌంటర్ 
సీనియర్ నటుడు ప్రకాష్ రాజ్ సోషల్ మీడియా వేదికగా లడ్డు వివాదంపై చేసిన కామెంట్స్ కు మంచు విష్ణు తాజాగా కౌంటర్ వేశారు. జనసేన అధినేత పవన్ కళ్యాణ్ ను ట్యాగ్ చేస్తూ "మీరు ఉపముఖ్యమంత్రిగా ఉన్న ఆంధ్రప్రదేశ్ రాష్ట్రంలోనే ఈ సంఘటన జరిగింది. దానిపై విచారణ జరిపించి, నేరస్తులపై చర్యలు తీసుకోవాలి. ఎందుకు మీరు అనవసరమైన భయాలను దీనిపై కల్పించి, జాతీయస్థాయిలో చర్చ జరిగేలా సాగదీస్తున్నారు. మనదేశంలో ఇప్పటికే ఉన్న మతపరమైన గొడవలు చాలు, దీనిపై మీరే చర్యలు తీసుకోవాలి" అంటూ ప్రకాష్ రాజ్ పోస్ట్ చేశారు. దీంతో ప్రకాష్ రాజ్ కు మంచు విష్ణు ఇచ్చిన రిప్లై సంచలనంగా మారింది.

Dear @PawanKalyan …It has happened in a state where you are a DCM .. Please Investigate ..Find out the Culprits and take stringent action. Why are you spreading apprehensions and blowing up the issue Nationally … We have enough Communal tensions in the Country. (Thanks to your… https://t.co/SasAjeQV4l

— Prakash Raj (@prakashraaj) September 20, 2024

"గౌరవనీయులైన ప్రకాష్ రా..జ్ మీరు మరీ అంతలా నిరుత్సాహపడి, అసహనం వ్యక్తం చేయాల్సిన అవసరం లేదు. తిరుమల లడ్డు అంటే కేవలం ప్రసాద్ మాత్రమే కాదు కోట్లాది మంది హిందువుల విశ్వాసానికి ప్రతీక కూడా. ఆంధ్రప్రదేశ్ ఉప ముఖ్యమంత్రి పవన్ కళ్యాణ్ ఇప్పటికే ఈ వ్యవహారంపై సమగ్ర విచారణ జరపాలని కోరడంతో పాటు ధర్మ పరిరక్షణ కోసం ఆయన తగిన చర్యలు తీసుకుంటారు కూడా. ఈ వ్యవహారంలో మీలాంటి వాళ్ళు ఉంటే మతం ఏ రంగు పులుముకుంటుందో, మత కల్లోలం రంగును ఎవరు, ఎక్కడ, ఎప్పుడు పులుముతున్నారో ఒకసారి ఆలోచించుకుంటే మంచిది. మీ హద్దుల్లో మీరు ఉండండి" అంటూ సీరియస్ గా రిప్లై ఇచ్చాడు. దీంతో వీరిద్దరి మధ్య జరిగిన డిస్కషన్ ఇప్పుడు హాట్ టాపిక్ గా మారింది. 

😂😂😂😂 Ok sivayyyyyaaaaa .. i have my perception .. you have yours … Noted #justasking https://t.co/MmGUiXv5mN

— Prakash Raj (@prakashraaj) September 21, 2024

ప్రకాష్ రాజ్ వర్సెస్ మంచు విష్ణు - అప్పుడు అలా ఇప్పుడు ఇలా... సీన్ రివర్స్ 
గతంలో మా ఎలక్షన్స్ టైంలో అధ్యక్ష పదవికి బరిలో నిలిచిన ప్రకాష్ రాజ్, మంచు విష్ణు మధ్య గొడవలు తారాస్థాయికి చేరిన విషయం గుర్తుండే ఉంటుంది. ప్రకాష్ రాజ్ ఎంత స్ట్రాంగ్ గా పోరాడినప్పటికీ ఈ ఎలక్షన్స్ లో మంచు విష్ణు మా అధ్యక్షుడిగా గెలిచాడు. ఇక ఆ తర్వాత ఇద్దరూ ఎవరి పనుల్లో వాళ్ళు బిజీ అయిపోయారు. అయితే మా ఎలక్షన్ టైంలో ప్రకాష్ రాజ్ కి పవన్ కళ్యాణ్ తో పాటు మెగాస్టార్ సపోర్ట్ చేశారు. అంతేకాకుండా ఎన్నో ఈవెంట్లలో ప్రకాష్ రాజ్ ని స్వయంగా పవన్ కళ్యాణ్ సమర్ధించారు కూడా. ఇక ఆ టైంలో విష్ణు పవన్ కళ్యాణ్ మీద విమర్శలు చేస్తే, ప్రకాష్ రాజ్ ఆయనకు అండగా నిలిచారు. "పవన్ కళ్యాణ్ ఓపెనింగ్స్ అంత ఉండవు నీ సినిమా కలెక్షన్స్" అనే విధంగా ఓ టీవీ ఛానల్ ఇచ్చిన ఇంటర్వ్యూలో ప్రకాష్ రాజ్ అప్పట్లో కామెంట్స్ చేశారు. ఇక ఇప్పుడేమో అదే ప్రకాష్ రాజ్ పవన్ కళ్యాణ్ కి ఆపోజిట్ గా ట్వీట్ చేస్తే, మంచు విష్ణు పవన్ కి సపోర్ట్ చేయడం గమనార్హం. ఇక విష్ణుకి ప్రకాష్ రాజ్ "ఓకే శివయ్య.. మీకు ఒక పర్సెప్షన్ ఉంటే నాకు ఒక పర్సెప్షన్ ఉంటుంది. నోటెడ్" అంటూ సెటైరికల్ సమాధానం చెప్పాడు.